fbpx

Post Tagged with: "人皮"

【新片速報】紋身專用練習簿      仿人皮有埋身體部位
by / on 04/06/2015 at 7:13 am

【新片速報】紋身專用練習簿 仿人皮有埋身體部位

呢本專為紋身師傅而設計嘅練習簿好得意,每一頁唔止用仿人皮製作,仲有埋身體唔同部份,方便初學紋身嘅師傅可以用佢嚟練習。以往初出道嘅紋身師傅要練習,除咗搵唔好彩嘅friend,聽講就係用橙或者生雞嚟練,好陰功。最近外國呢本專講紋身嘅雜誌《Tattoo Art Magazine》就整咗本練習簿,以後用佢練習就無藉口紋得差啦!救返好多人架。

Read more ›

超驚嚇人皮展品    當Leggings著
by / on 27/11/2013 at 6:51 am

超驚嚇人皮展品 當Leggings著

好驚嚇!中國畫皮聽得多,估唔倒鬼佬地方都有。冰島Holmavik嘅博物館最近展出咗一副人皮,只得下半身,好似近年好興嘅Leggings咁,根據網站UPI.com所講,呢副人皮來自17世紀嘅一位巫師,相傳只要著上對方嘅人皮,就可以繼承倒佢嘅魔法同埋運氣,好難想像有人夠膽將佢副人皮著上身,而且大家嘅呎吋未必一樣噃。不過睇佢切割得好完整‥‥‥為免大家食唔落飯,我輕輕打咗格仔,想睇全相可以去返來源網站或者飛去冰島慢慢欣賞。

Read more ›
新片速報   動物著人皮行catwalk
by / on 08/02/2013 at 8:03 am

新片速報 動物著人皮行catwalk

覺唔覺得呢隻嘢好噁心?唔知係鷹定孔雀,件衫仲要掛住幾百對人手,睇見都唔開胃。係囉,如果啲動物喺台上睇見你班時裝友,著晒成身fur行catwalk,感覺其實一樣。最近紐約時裝周開show,外國爭取動物權益嘅團體PETA,拍攝咗一條動物行catwalk嘅短片放上YouTube,今次動物變超模,著上身嘅時裝,就係人類嘅皮,夠大膽兼發人深省。片尾影住後台打緊冷震困喺籠入面嘅中國小女孩,點解係中國藉?PETA發言人話,中國係佢哋嘅頭號宣傳對象,因為當地缺乏虐待動物賠償方案。咁又係,龍虎鳯都有得食,你話嘞。

Read more ›