落雪雖然好凍，但好運嘅話，可以見到一粒粒成型嘅雪花，真係好靚好細緻，仲好浪漫。有日本網民分享咗佢身上嘅一粒雪花，話係人生第一次見咁靚咁大嘅雪花，張相喺Twtter超多人RT，仲有大量網民分享佢哋嘅雪花圖，全部都超靚，入嚟有回帶。

邊個話睇漫畫無用架？其實入面好多人生大道理，學識咗終生受用。有日本網民就畫咗幾張漫畫角色嘅背面圖，每個角色都有兩隻字，就係佢喺入面學到嘅道理，好型，有無同感先？

星期一，又到想請假去旅行嘅時候，單睇呢張相已經令人好想即刻飛去日本。呢條「角島大橋」被譽為日本最靚嘅橋之一，好多人話係人生必去嘅景點之一。位於日本山口縣角島，全長1780米，最吸引都係大橋兩邊嘅大海，清澈之餘同個天連成一線，靚到好似人間仙境咁。除咗自駕遊，亦可以喺福岡搭新幹線再轉巴士前往，大概3小時左右，係就係遠啲，但係值得嘅。我想請假呀！