Post Tagged with: "人氣"

【推介】超可愛日本喵星人 臉圓眼圓嘴圓twitter超人氣
by / on 15/06/2016 at 7:14 am

【推介】超可愛日本喵星人 臉圓眼圓嘴圓twitter超人氣

好想介紹呢隻咁可愛嘅日本喵星人俾大家識。佢嘅可愛在於有塊肥臉,而且成日一臉無辜咁望住人,臉圓眼圓嘴又圓。佢仲好鍾意爬上貓奴個身再望實你,成個人即刻溶化咗。佢嘅屋企仲有另一隻喵,毛色同佢差唔多,不過就走型格路線,所以更加突顯出佢嘅傻仔樣。入去佢哋主人嘅twitter仲有大量靚相。

Read more ›

【理想與現實】網民起底 日本人氣coser P圖前後靠爆光
by / on 06/12/2015 at 12:58 pm

【理想與現實】網民起底 日本人氣coser P圖前後靠爆光

【理想與現實】網民起底 日本人氣coser P圖前後靠爆光 公平啲講句,個個囡囡嘅相都會PS,都唔係只限coser嘅。最近日本2ch好多人討論人氣coser「あんにゅい豆腐」,將佢PS咗嘅圖同本來嘅現場相做比較,發現佢主要嘅PS方式就係將張相調校到爆晒光,超光之下,皮膚滑淨晒,毛孔又無晒,睇嚟仲精神咗瘦咗,難怪個個日本女仔都話要美白。有人仲發現背後個男人個頭都光到令立立,有人仲放返前AKB成員大島優子嘅經典P圖GIF,理想與現實,其實知咁多做乜吖。入嚟有回帶睇返我哋之前「あんにゅい豆腐」嘅本周coser,我覺得幾可愛無問題吖。

Read more ›
【有片】日本超人氣刺猬仔-扮波蘿出日曆相集
by / on 09/10/2015 at 7:12 am

【有片】日本超人氣刺猬仔-扮波蘿出日曆相集

呢隻日本超人氣嘅刺猬仔我哋之前都介紹過,最近佢又有大量新相新片,主人幫佢影嘅相仲越嚟越高質,將佢最可愛嘅一面表露無遺,我最鐘意佢扮菠蘿同埋舔舔脷嗰兩張相,得意到暈。主人好有心機,幫佢製作咗日曆相集,每日一張相一個主題,仲出埋本相集《365日のまるたろう》,amazon有得賣。

Read more ›
【IG超人氣】可愛松鼠被收養 最鐘意表演玩尾
by / on 08/10/2015 at 7:12 am

【IG超人氣】可愛松鼠被收養 最鐘意表演玩尾

究竟GameoverHK係一個遊戲網站定係動物網站?有時我都唔係分得好清楚,但編輯話如果係得意嘅嘢就唔怕share,咁今次呢隻松鼠得意成咁,好難唔介紹啦。佢叫Jill,今年兩歲,之前因為一次颱風由自己個巢度碌咗落嚟,之後就比而家嘅主人收養咗嘞,仲成為咗IG界名人添。睇相見佢眼仔碌碌表情多多,仲好鐘意玩自己條長尾,加上面圓圓又爛瞓,真係好難唔紅嘅。

Read more ›
新片速報 日本超人氣海豹仔 高舉雙手扮投降
by / on 22/08/2015 at 10:55 am

新片速報 日本超人氣海豹仔 高舉雙手扮投降

呢隻住喺大阪海遊館嘅海豹「フブキ」最近超人氣,網上有片睇倒佢嘅賣萌實況,訓練員教識佢每次食完魚仔就做一個高舉雙手嘅投降動作,由於手仔短短,個樣又可愛,大家都睇得好開心。不過最開心都係簡單做一個動作就可以連續食兩條魚,見佢食極都有,食極都唔夠,好爽皮!同埋啲水真係好清。

Read more ›
有片 日本靚女大胃王 連隊10個撈麵
by / on 04/06/2015 at 7:16 am

有片 日本靚女大胃王 連隊10個撈麵

日本盛產大胃王,到而家都經常有大胃王比賽,而當中仲有唔少女仔膽粗粗走去試。以為只有大份嘅肥仔肥妹先食得多? 其實好多歷任大胃王都係瘦蜢蜢嘅女仔,例如最近日本大人氣嘅女大胃王「木下佑嘩」,居然勁到可以一次過食10個即食撈麵,淨重都有3kg,仲要搵個洗面盤咁大嘅碗先裝得晒,睇見都滯,但佢居然可以食得一乾二淨,好恐怖,而且途中仲狂加蛋黃醬,點解佢可以咁瘦?點解我食咁少嘢都咁肥?點解?

Read more ›

脫力貓hea到爆   兩手伸直瞓邊都得
by / on 04/12/2014 at 7:16 am

脫力貓hea到爆 兩手伸直瞓邊都得

EPOCH公司出嘅「脱力猫」扭蛋玩具喺日本超人氣,貓貓hea到爆嘅動作,叭喺樽蓋、手指上都勁得意。啱啱EPOCH公佈推出第2彈,總共6款,下年3月先出,每隻貓都係伸直兩隻手(定腳?)攤喺度,超正!天氣咁凍又要咁早起身返工,我而家都想喺公司咁樣攤吓呀。

Read more ›
有片    日本人氣看板犬    香煙店落力冧客
by / on 05/08/2014 at 8:30 am

有片 日本人氣看板犬 香煙店落力冧客

呢隻看板犬最近喺日本好紅,佢做嘅生意要20歲以上先幫襯得,因為佢係賣煙仔嘅!喺武藏小金井車站附近嘅鈴木香煙店,看舖嘅係隻好可愛嘅柴犬,平時無人嘅時候佢會眠一眠,一有顧客就會即時彈起身喺櫃台前招呼,好落力。佢仲威到上埋雜誌封面,好多人專程嚟探佢,有無順手買包煙就唔知嘞。

Read more ›
韓國人氣設計師   牛油刀設計夠細心
by / on 15/03/2014 at 11:19 am

韓國人氣設計師 牛油刀設計夠細心

韓國除咗金秀賢,呢位人氣設計師Yeong Keun Jeong都值得認識。你同我都試過打開盒獨立裝牛油,發現欠一把刀將牛油塗上麵包,呢位長居首爾設計師Yeong Keun Jeong就有計,設計咗名為Butter! Better!嘅牛油,將牛油嘅蓋面設計成一把木掣刀,打開蓋同時可以用把刀仔搽麵包。佢仲設計咗一支行山拐杖、腳架兩用嘅「Trinity」,仲有之前網上誤傳嘅Starbucks X Uniqlo換衫廣告杯,全部出自佢手筆,入嚟有回帶。

Read more ›
日本最紅吉祥物   彈跳王梨之妖精變ROCK
by / on 07/03/2014 at 7:09 am

日本最紅吉祥物 彈跳王梨之妖精變ROCK

近期日本最紅吉祥物,一定非船橋市非公認吉祥物彈跳王梨之妖精「ふなっし(Funassyi)」莫屬!去日本就知,周街都係佢嘅周邊產品,紅到開巷。日本玩具商奇譚今個月都有佢嘅新產品推出,1式6款嘅吊飾,今次梨之妖精轉行ROCK路線,拎住結他崩崩跳,當然唔少得雙手撳面嘅經典騎呢動作,睇見好難忍住唔笑出聲!

Read more ›
日本超人氣OL換春裝   桃紅比堅尼姿勢誘惑
by / on 07/03/2014 at 7:05 am

日本超人氣OL換春裝 桃紅比堅尼姿勢誘惑

日本超人氣OL公仔杯緣子「コップのフチ子」,可以倒吊喺杯邊嘅玩法,睇見都開心,抵佢咁紅!日本落完大雪春天殺到,係時候推出春天新色,今個月奇譚會推出期間限定嘅春天新色杯緣子,換咗套綠色洋裝嘅杯緣子睇落特別醒神,動作都係一貫嘅倒掛、壓腿,1式7款,我最想要唔係攬住檸檬嗰隻,而係隱藏服裝水著版!今次變咗桃紅色比堅尼,掛喺杯邊比同事見倒尷尬啲喎。

Read more ›

日本超人氣OL    奇特耳塞唔怕走光
by / on 01/12/2013 at 4:26 pm

日本超人氣OL 奇特耳塞唔怕走光

日本今年最人氣嘅OL係呢位「杯緣子(コップのフチ子)」,扭蛋公仔,強項係可以擺出高難度動作掛喺杯邊,日本人好鐘意影低佢嘅得意相放上Twitter分享。最近呢位OL繼11月後再推出超實用耳塞,今次換咗橙色新制服,照舊單腳伸入耳仔隔聲,動作誇張奇特唔怕走光,一套六款,下年三月發售。可惜自己戴住睇唔倒,最好就係買比枕邊人,迫佢戴比你睇,不過大前題係你要有強勁鼻鼾聲,無嘅話由今晚起扮啦!

Read more ›