Post Tagged with: "人氣"

【多圖】日本人氣貓軍團 超可愛生活照Twitter熱傳
by / on 13/08/2017 at 12:00 pm

【多圖】日本人氣貓軍團 超可愛生活照Twitter熱傳

仲記唔記得呢兩隻住喺日本,專抓爛屋企和紙屏風嘅喵星人?佢哋威到出咗本書,最近主人都放咗好多佢哋嘅近照上Twitter,睇相見到佢兩個關係好好,經常一齊偷懶,仲專搵啲古怪嘅位置瞓,例如一齊迫個透明膠箱啦,又成日互相舔毛,攬埋一嚿瞓,勁sweet!入嚟有有量生活照睇。

Read more ›

日本JR出現熟口熟面「怪男」 超似人氣動畫角色
by / on 07/07/2017 at 7:03 am

日本JR出現熟口熟面「怪男」 超似人氣動畫角色

喺日本搭JR經常都會有奇遇,除咗有機會見到呀叔版嘅女高中生之外,仲有機會見到佢!有日本網民分享咗呢幾幅圖,電車入面出現咗個戴面罩著胋身衫褲嘅男人,網民發現佢勁似近期好紅嘅日本動畫師設計嘅男主角,亦有網民話佢似《一拳超人》嘅琦玉老師‥‥‥

Read more ›
【紅到日本】狗狗坐擁超肥美pet pet 眼矇腿粗IG大人氣
by / on 04/07/2017 at 7:15 am

【紅到日本】狗狗坐擁超肥美pet pet 眼矇腿粗IG大人氣

呢隻狗狗Chowchow最近紅到去日本,全因為佢有個大pet pet同埋好萌嘅睡姿。當大家睇埋佢個樣,矇豬眼再加埋個蓬鬆嘅髮型,肥到好似粒棉花糖咁,可愛到暈。而家佢住喺馬來西亞,來自中國嘅佢好彩有幸成為寵物而唔係食物,只得半歲大嘅佢而家喺IG好高人氣,入嚟有多啲相睇。

Read more ›
【新片速報】日本超人氣喵星人    窄巷高速前進短片Twitter熱傳
by / on 19/06/2017 at 7:43 am

【新片速報】日本超人氣喵星人 窄巷高速前進短片Twitter熱傳

仲記唔記得攬住浴室水管嘅日本喵星人?又係佢呀,今次呢段片表現出佢嘅另一項特殊技能,就係喺窄巷入面高速前進。呢段片喺Twitter好多人RT,喵星人打橫行嘅速度同平時四腳跑一樣咁快,加上又碌地又反肚,難怪唔夠一日已經接近7萬個RT,入嚟仲有多啲佢嘅生活照睇。

Read more ›
【新片速報】橋本環奈剪短髮 LINE全程直播超人氣
by / on 07/06/2017 at 12:05 pm

【新片速報】橋本環奈剪短髮 LINE全程直播超人氣

橋本環奈嘅長髮都keep咗好耐,係時候轉變吓。噚晚佢喺LINE直播自己嘅剪頭髮過程,之後仲放咗前後對比照上Twitter,吸引好多人討論,唔少網民都讚佢嘅短髮新造型夠晒夏天又可愛,你又鍾意長髮定短髮?而當晚佢嘅直播都有超過20萬人睇,like數超過2百萬,作為乘機宣傳7月推出嘅新劇「警視庁いきもの係」嚟講都算唔錯喇。BTW,其實佢前一日都喺Twitter派發咗福利圖,放咗張自己搭車途中嘅相出嚟,仲話大家可以當同佢約會緊,好sweet!入嚟有回帶。

Read more ›
【貓寫真】日本最曳喵星人出寫真 抓爛紙門Twitter超人氣
by / on 01/06/2017 at 7:34 am

【貓寫真】日本最曳喵星人出寫真 抓爛紙門Twitter超人氣

仲記唔記得呢幾隻鍾意抓爛晒啲紙門嘅日本喵星人?佢哋喺Twitter極高人氣,惡行遠近馳名,最近仲得出到出版社嘅賞識,幫佢哋出咗本寫真集《ココニャさんちの障子破り猫軍団》!輯錄咗呢6隻喵星人嘅全部惡行,仲有佢哋平時嘅爛瞓樣,可愛到暈。每本售價1200円,賣得好嘅話,應該夠主人換多幾次紙門俾佢哋玩嘞。

Read more ›

炭黑色雪糕IG大人氣      洛杉磯雪糕店變話題店
by / on 27/04/2017 at 11:35 am

炭黑色雪糕IG大人氣 洛杉磯雪糕店變話題店

夏天咁熱食返杯雪糕都好合理吖,最近呢杯黑色雪糕喺IG好多人分享,位於美國洛杉磯嘅雪糕店Little Damage推出呢款炭黑色雪糕,外形唔算討好,但就幾新奇刺激,仲可以加唔同配料,試過嘅人都話幾好味。之前紐約嘅Morgenstern Finest雪糕店都推出過,似乎炭黑雪糕有排玩,相信香港今個夏天應該會有好多嘞。

Read more ›
【靚成咁】最靚迪士尼公主 重畫作品IG超人氣
by / on 19/04/2017 at 7:02 am

【靚成咁】最靚迪士尼公主 重畫作品IG超人氣

將迪士尼嘅公主重畫唔係新鮮事,不過呢位外國插畫家Isabelle Staub嘅作品就特別高質。如果當年我認識嘅迪士尼女主角係咁嘅樣,我應該會好鍾意佢哋,尤其是美人魚。呢位插畫家最近喺IG好紅,唔止畫迪士尼公主,佢畫其他女性角色都好靚,入去佢嘅IG有得慢慢睇。

Read more ›
【遊日必試】京都人氣抹茶店「祇園辻利」x Mister Donut 4月7日推出
by / on 02/04/2017 at 11:57 am

【遊日必試】京都人氣抹茶店「祇園辻利」x Mister Donut 4月7日推出

京都嘅抹茶店「祇園辻利」一直好高人氣,每次去都排長龍,估唔到佢哋最近同冬甩店「Mister Donut」合作,推出6款特色抹茶冬甩!有網民放咗兩張相上網,吸引勁多人RT。講返幾款冬甩,我最想試「白玉抹茶」,中間仲放咗粒丸子好特別。另外仲有兩款抹茶特飲,4月7日開始推出,去開記住要試吓!

Read more ›
【多圖】超可愛鬆毛喵IG大人氣 肥仔愛爬樹
by / on 02/04/2017 at 11:22 am

【多圖】超可愛鬆毛喵IG大人氣 肥仔愛爬樹

呢隻超可愛嘅喵星人Bone Bone各位貓奴要識,佢來自泰國,而家喺當地好高人氣。佢嘅特點係啲毛好霸氣,尤其是下巴,多到好似圍咗頸圈咁,加上佢身形圓潤,佢仲經常揹住個好似龜殼嘅黃色背囊出巡,超搞笑。而家佢每次出街都會俾好多女仔圍住,個個爭住同佢自拍,另外佢仲好鍾意爬樹,入嚟有多啲相睇。

Read more ›
【有片】日本黑白喵星人超人氣     性格似樹熊嗲到暈
by / on 01/04/2017 at 10:55 am

【有片】日本黑白喵星人超人氣 性格似樹熊嗲到暈

呢隻住喺日本嘅喵星人好可愛,一定要介紹俾大家識。黑白毛色十足熊貓咁,但性格似樹熊,好鍾意攬實主人瞓,不過感覺到主人好吃力‥‥‥佢仲好鍾意碌地,而且主人幫佢影嘅相全部超可愛,喺IG已經儲到8千幾個粉絲,入嚟有片有相睇。

Read more ›

【搵食攻略】東京13間人氣泡芙店 超邪惡好想食
by / on 28/03/2017 at 7:05 am

【搵食攻略】東京13間人氣泡芙店 超邪惡好想食

鍾唔鍾意食日本嘅泡芙(Puff)?唔單止好味,個樣仲好靚,經過聞到陣味都忍唔住停低。最近日本媒體嚴選咗13間東京人氣Cream Puff店,由池袋到代官山到築地,佢哋仲好邪惡咁劏開每個包,俾你睇入面嘅奶油,太過份喇,好想試晒佢!

Read more ›
日本超人氣「牛蒡天婦羅烏冬」    32厘米長霸氣放碗面
by / on 19/03/2017 at 12:00 pm

日本超人氣「牛蒡天婦羅烏冬」 32厘米長霸氣放碗面

有無人好鍾意食牛蒡?有嘅話,去開日本福岡記住要試吓呢間人氣老店「博多やりうどん」。佢哋喺昭和42年開業,專食烏冬,呢款牛蒡天婦羅烏冬,牛蒡全長32厘米,要打橫放喺碗上面先得,成把劍咁,睇見都覺得好型!入面嘅湯烏冬喺呢間店嘅招牌菜,再加埋圓形一大塊,用魚漿製成嘅薩摩炸魚餅,盛惠800円烏冬控或者牛蒡控記住要試!

Read more ›
【圖集】貓奴狗奴韓國紋身大人氣   可愛動物網民勁Like
by / on 07/03/2017 at 7:56 am

【圖集】貓奴狗奴韓國紋身大人氣 可愛動物網民勁Like

韓國紋身師Jiran設計嘅圖案走可愛路線,好有個人風格,喺IG好高人氣。而佢最為人注目就係幫貓奴狗奴畫動物嘞!佢會根據主人提供嘅相片再加工,變成可愛得嚟又突出到動物特徴嘅紋身,IG有好多示範睇。不過老土啲都要講句,紋身係一世嘅,紋之前記住要諗清楚呀。

Read more ›
【好肚餓】壽司+墨西哥夾餅    超人氣美食網上熱傳
by / on 20/02/2017 at 7:12 am

【好肚餓】壽司+墨西哥夾餅 超人氣美食網上熱傳

墨西哥夾餅Taco好多人鍾意食,佢嘅U字型設計方便徒手拎住食,其實同日本嘅手卷概念有啲似。最近美國店舖「NoriGami」就諗到將兩者結合,整成呢款「Sushi Taco」,之後仲大受歡迎!「Sushi Taco」喺炸咗嘅紫菜入面夾住唔同餡料,例如有天婦羅蝦或者豬腩肉,加埋惹味醬汁,真係睇見都肚餓。呢間店舖暫時以pop-up store形式喺唔同活動出現,嚟緊準備開舖嘞,而家喺網上集緊資,希望快啲喺美國LA開業,咁大家去開旅行就可以試倒嘞!

Read more ›