又係呢位專畫貓奴生活嘅日本人氣漫畫家「キュルZ」，最近佢嘅新作唔少貓奴都有共鳴，不過收藏地點可能唔係地毯底，而係雪櫃底、梳化底‥‥‥而除咗宣傳單張，相信仲收埋大量小玩具、毫子、貓餅、貓砂，大掃除肯定掃返唔少嘞。

呢段片好好睇呀，主題係「喵星人的反射神經」，兩日前喺reddit發放而家傳到日本Twitter。首先個主人喺隻喵面前表演個經典藝術，將個銀仔由手背快速反手，睇落就好似消失咗咁。之後迫隻喵星人跟佢做一次，初頭隻喵都唔啋佢，不過可能嫌佢煩啦，最後求其露兩手，輕輕鬆鬆就將個銀仔變走咗，個樣仲好似想講：「吓？要學嘅咩？」。之後仲收埋隻手費事煩‥‥‥

好掛住日本，特別係一出車站成日聞到好多香味，引你去買嘢食。最近日本Twitter熱傳呢間店，新開咗喺池袋，係專賣迷你牛角包，之前喺博多駅長期排長龍嘅MIGNON呀！樓主話離遠已經聞到超香嘅氣味，好恐怖好危險呀。

日本插畫家misato.最近喺Twitter好高人氣，佢嘅作品有好獨特嘅世界觀，仲經常有可愛動物同埋食物出現。最近熱傳有呢套GIF，全部動物冚被之後都變咗美味食物，例如蛋包飯、炸蝦、班戟，好高質。另外佢出嘅LINE貼紙唔少貓奴都有下載，入嚟有回帶，鍾意嘅記住follow埋佢嘞。

噚晚有無賞月？日本雖然無假放，但都會賞吓月，日本人氣攝影師KAGAYA噚晚凌晨3點喺露台望住又圓又大嘅月光時，就見到有架「貓巴士」喺前面嘅天線上經過嘞，好有氣氛，入嚟有片睇。

有無Miffy嘅fans？日本呢位美食家同時係Miffy嘅超級fans，佢嘅Twitter有大量以Miffy做創作概念嘅食品，全部都靚到癲，威到連電視台都訪問佢，啱啱佢又整咗塊Miffy多士，又靚又好味，入嚟有得回帶睇返佢嘅其他食品，全部都超高質。

日本攝影師「うさだぬ」喺網上好高人氣，之前都介紹過佢影寺廟下嘅狐狸輯相，影風景好出色嘅佢最近又有新作，今次地點係京都，藍天白雲配靚景，平日好多人嘅街道喺佢嘅鏡頭下都變得難得清靜，夏天嘅京都原來都可以好靚，去唔到旅行嘅我哋唯有睇咗當去咗啦。

日本人氣漫畫《約束のネバーランド》(暫譯: 約定的夢幻島) 講孤兒院驚慄故事，最近推出第19卷，仲搵咗將會拍攝真人版電影嘅渡邊直美拍咗一系列戶外廣告，為咗營造角色嘅「監視」主題，喺車站嘅廣告就見到佢攝個頭出嚟嘅恐怖樣，連渋谷街頭嘅自動販賣機機底、大廈間嘅後巷隙縫都見到，好有創意仲好恐怖，入嚟有得睇埋真人版電影預告。

唔出街可以留喺屋企整吓嘢食，日本有網民話到而家先發現，原來將塊火腿切成4塊，再喺上面打隻蛋，啲蛋液就唔會外流，煎完可以就咁切嚟食又或者夾麵包，就好似圖左咁樣。不過之後有唔少網民跟住嚟試，原來失敗率好高，入嚟有多啲例子睇。

呢間日本愛知縣嘅貓系麵包甜品店「Nekoneko工廠」最近好高人氣，啱啱官方又出咗新圖，召喚各位貓奴星期六日去買麵包。佢嘅貓形麵包全部都好可愛，另外仲有貓腳印甜品、貓曲奇等等，入嚟有回帶，全部都好想試呀。

又係呢位日本好高人氣嘅攝影師KAGAYA，佢嘅風景作品全部都好高質，最近夏天開始，佢喺Twitter放咗幾張手提電話嘅wallpaper俾大家免費下載，有天白雲、田園星空，入嚟有得dl。

異色瞳嘅貓好靚好特別，日本呢隻叫「はな」嘅白喵，之前係流浪貓，而家就有主人錫，佢擁有一邊藍一邊黃嘅眼睛，主人仲幫佢喺IG開咗account，吸引好多貓奴follow。除咗異色瞳之外，佢嘅毛仔色幾特別，全身白色但係頭頂就有一撮黑色毛，好可愛，入嚟有多啲佢嘅相睇。佢屋企仲養咗另外兩隻喵，鍾意嘅記得follow埋佢IG。

去唔到日本，都可以喺網上睇吓日本嘅月亮。日本人氣攝影師KAGAYA噚晚喺Twitter放咗新相，係好靚嘅弦月！拍攝地點係東京嘅晚上，月色好靚，希望快啲可以去日本。

插畫作品《あああ!!お客様困ります!!》喺日本好高人氣，講述便利店年青店員成日遇到古怪動物，最近佢哋同Takaratomy Arts合作出扭蛋，一式五款，包括瞓喺推車上面嘅熊貓、瞓雪條冰箱嘅企鵝、匿入抽獎箱嘅倉鼠，當然唔少得店員主角配收銀機，儲齊一套就可以重造返便利店入面嘅混亂情景！五月中推出，鍾意嘅記住留意返。入嚟有得follow埋呢套插畫嘅Twitter。

呢隻揸住棵蔥嘅肥喵好多人都見過，佢係日本兄妹檔插畫家「おぷうのきょうだい」嘅作品，喺Twitter好高人氣，專出扭蛋嘅奇譚之前都有幫佢出扭蛋，最新5月份有呢款鎖匙扣，5個造型全部都超搞笑，另外兩本單行本畫冊《俺、つしま》喺台灣都有出中譯本，書名係《叫我、對大哥》，好有霸氣，鍾意嘅可以搵吓。