Post Tagged with: "人妻"

日本人妻超創意 魚形酒樽裝豉油Twitter熱傳
by / on 25/06/2020 at 1:28 pm

日本人妻超創意 魚形酒樽裝豉油Twitter熱傳

家庭主婦有時啲創意都好澎湃,日本有位人夫有晚飲完酒,第二朝打開雪櫃竟然見到老婆用咗個酒樽嚟裝豉油!由於個酒樽好似放大版嘅豉油魚仔,效果好得意,樓主仲表示好滿意老婆呢個創意做法。

Read more ›

老公偷偷製作「迷你貓床」 人妻超開心Facebook熱傳
by / on 08/03/2019 at 7:15 am

老公偷偷製作「迷你貓床」 人妻超開心Facebook熱傳

當你以為丈夫好落力咁為大家製作緊床架嘅時候,點知完成品原來係俾隻貓嘅,感覺係點?外國呢位人妻Julia Carlson就覺得超好笑,仲忍唔住放上Facebook同Reddit分享。佢老公之前一直話唔養貓,不過有日就帶咗呢隻新收養嘅貓返屋企,之後仲用咗一個鐘整起咗張木床俾隻喵,好好彩隻喵都有瞓(唔知係咪瞓咗一次咁多?)佢哋仲收到好多網民想搵佢幫手整貓床,留意返,除咗張貓床之外,旁邊仲有個貓茶几,超有愛。

Read more ›
日本人妻自製「麻婆豆腐匣子」 超強手藝Twitter熱傳
by / on 11/08/2018 at 12:10 pm

日本人妻自製「麻婆豆腐匣子」 超強手藝Twitter熱傳

日本人好鍾意食麻婆豆腐,睇新垣結衣套《乒乓情人夢》就知。日本有網民放咗佢太太整嘅麻婆豆腐上Twitter,竟然做到匣子咁樣,可以打開豆腐蓋,入面個豆腐盒先裝住啲肉碎,好強嘅手藝!

Read more ›
外國人妻跑5公里奪冠      老公出手改圖變《侏羅紀》
by / on 20/06/2018 at 7:17 am

外國人妻跑5公里奪冠 老公出手改圖變《侏羅紀》

跑完5公里賽事仲拎埋冠軍,呢位人妻Stephanie好勁,不過佢喺網上成名全因為佢老公Zach Sturino ─ 幫佢改圖!事緣其中一張賽事相,影到Stephanie好似好驚青逃跑緊咁,老公忍唔住出手改圖,侏羅紀世界、Walking Dead、Star Wars,全部都好正,佢仲放埋上Reddit,吸引勁多人留言,大家都讚呢位老公好大膽。更難得嘅係佢老婆好有幽默感完全無嬲,搵到個咁好嘅老婆真係要恭喜佢呀。

Read more ›
日本人妻「貓」圖案修補頸巾洞   網民話其實係「草泥馬」
by / on 17/12/2017 at 7:13 am

日本人妻「貓」圖案修補頸巾洞 網民話其實係「草泥馬」

今次真係愛呀!日本有位人夫好唔開心,因為最心愛嘅頸巾穿咗個窿,體貼嘅老婆為咗氹返佢,整咗老公最鐘意嘅「貓」圖案遮住個窿,不過睇真啲,又真係睇唔出邊部份似隻貓‥‥‥張相放上網後好多人RT,有唔少網民話呢隻根本係草泥馬嚟嘅。不過最重要係大家都覺得樓主好幸福,有個可愛又體貼嘅老婆。

Read more ›
全屋都係蘇聯佬 日本人妻破壞「森林家族」玩具
by / on 16/12/2017 at 9:36 am

全屋都係蘇聯佬 日本人妻破壞「森林家族」玩具

同一個有幽默感嘅老婆一齊生活都幾幸福吖。日本呢位網民買咗一套森林家族Sylvanian Families嘅玩具俾3歲嘅囡囡,不過佢老婆居然偷偷哋將啲松鼠、白兔、老鼠仔換晒做Street Fighter入面嘅蘇聯佬!仲要有7個咁多,全部都係老公嘅收藏品,好重口味。細心啲睇,仲會見到倒掛喺屋頂嘅春麗、喺枱底嘅Cammy同埋匿喺門後嘅Ryu。網民都大讚樓主老婆有超強幽默感,不過佢哋嘅囡囡就唔係咁睇,投訴話唔要蘇聯佬,不過一家之主係媽咪,算啦,其實蘇聯佬都好可愛吖‥‥‥

Read more ›

日本貓奴人妻廚房用品 全部都係貓超可愛
by / on 13/10/2017 at 9:33 am

日本貓奴人妻廚房用品 全部都係貓超可愛

日本呢位人妻係正宗貓奴,屋企好多用品都見到貓影,細緻到連廚房嘅百潔布同埋個托都係貓!佢嘅老公將兩樣產品連成一體,放上Twitter後勁多人RT。好多人都話見過貓形百潔布,但係個托真係比較少見,咁得意又實用,妤多人都想買返個!

Read more ›
日本可愛人妻自製鬆弛熊蛋糕     崩壞版似拉打
by / on 30/04/2017 at 12:17 pm

日本可愛人妻自製鬆弛熊蛋糕 崩壞版似拉打

日本人妻有時都幾可愛,好似最近有網民返到屋企,就發現左邊呢個崩壞版嘅鬆弛熊蛋糕。事緣佢老婆買咗兩隻味道嘅鬆弛熊蛋糕,為咗同佢分甘同味,就切開兩半開心share,再將兩邊臉還原合二為一。佢見到忍唔住影相放上網,仲話令佢聯想起拉打。網民都忍唔住出圖賀一賀,有人話諗起「アシュラ男爵」,有人話似黑白熊,仲有其他動物,入嚟有得睇。

Read more ›