喺日本，所有嘢都可以3D化，之前有動漫角色嘅巨乳Mouse Pad，最新連角色宣傳牌都可以立體化，有網民喺東京嘅展覽「Anime Japan 2019」發現呢塊3D宣傳牌，係漫畫《なんでここに先生が》嘅1:1人型角色，每個角色嘅胸部都超立體，旁邊睇特別明顯，所有老師仲歡迎觸摸，入嚟有得睇埋現場「児島先生」同「立花千鶴」嘅cosplayer，亦有得睇埋4月正式登場嘅動畫新trailer。

藝術嘅嘢，有時都唔駛太考究嘅。呢兩日好多日本人喺Twitter熱傳呢輯相。喺紐西蘭嘅一楝建築物屋頂，放置咗個好奇特嘅裝置，有啲似人，又有啲似一隻手掌，好多日本人話諗起《寄生獸》，至於設計師本人就話，呢個裝置無附帶任何訊息，亦都唔代表乜嘢意思，唔解釋，呢啲咪型囉。

今次內地真係揚威海外，而且係好消息，杭州藝術家Jun.C陳俊呢輯扣針相，無論日本網同外國網都有報導。陳俊將日常成日見倒，其貌不揚嘅普通扣針，屈曲成好似人嘅形狀，再擺放喺不同位置拍輯，出嚟嘅效果好靚好有藝術感，證明生活上好細微嘅事物，只要花啲心機，細心觀察，都可以變成美好嘅事。唔知點解我感覺到啲扣針好哀傷，好似我今日七上八落嘅忐忑心情，係咪我諗多咗？