真的很厲害，「Ausan Workshop」居然將Felix Ip嘅人人重機實體化，造型、比例、顏色同原畫有十成似，有埋舊化效果，仲要招積地睇得又玩得，可變形Transformer版呀喂。Post一出，有圖有真相，Felix Ip本尊即留言：「好強啊！」各網友亦即時問有無得賣，仲話一定會入手云云。而負責人呢，就話：「如有消息第一時間通知你，留意葉Sir嘅香港重機Page。」得，明，咁大家畀啲耐性慢慢等吓喇。咁靚，實在好難唔入手。

之前介紹過有高手高手高高手Alex Leung，依住Felix Ip聯乘余兒文字繪本《燃燒吧！香港重機》嘅封面，用Lego砌咗隻人人重機。好嘢，當然要開心Share，家陣面書專頁「放工後玩具箱」提供埋組件圖同說明書，反正留喺屋企咁悶，大家不妨跟住砌，砌完影相掟番上網，我諗Felix Ip同余兒會好開心。

買咗Felix Ip聯乘余兒文字繪本《燃燒吧！香港重機》未？聽醫護話甚少出街，所以我都未出街買書，但必買，有心唔怕遲。話說，有Lego高高手Alex Leung依住繪本封面，砌咗隻人人重機，真係似到十足十，不得不畀個服字。