fbpx

Post Tagged with: "京都"

【相集】日本喵星人圍住睇乜? 京都落大雪貓貓欣賞雪景
by / on 15/01/2017 at 12:21 pm

【相集】日本喵星人圍住睇乜? 京都落大雪貓貓欣賞雪景

喵星人有咩大場面未見過呀?呢班住喺「京都町家貓」嘅喵星人,圍住坐晒喺窗邊,究竟有咩睇?原來係落雪!呢兩日京都落大雪,呢班住喺暖笠笠貓cafe嘅喵星人坐晒喺窗邊睇雪景,店主忍唔影低佢哋嘅幸福背影,好可愛。去開日本可以去探吓佢哋,總共住咗13隻喵星人,入嚟有地址。

Read more ›

【靚到一個點】日本京都金閣寺 積雪下超靚景Twitter熱傳
by / on 15/01/2017 at 12:05 pm

【靚到一個點】日本京都金閣寺 積雪下超靚景Twitter熱傳

靚成咁真係好過份,日本啱啱有網民去咗京都嘅金閣寺,遇著落完雪之後嘅時份,閣頂同樹葉殘留咗部份積雪,睇落超靚!啲相喺Twitter好多人RT,去開京都記住去行吓影吓相嘞!

Read more ›
京都文青專用旅店    書店住宿2合1每晚租金5300円
by / on 29/11/2016 at 7:12 am

京都文青專用旅店 書店住宿2合1每晚租金5300円

各位文青注意!之前東京都開咗一間嘅Book and Bed旅館,最近正式喺京都開分店。呢間標榜又係書店又可以住宿嘅地方,入面有超過5千本精選嘅英文書同日文書,總共有20個床位,最普通係86吋x43吋床位,間隔有啲似膠囊酒店,不過裝修就靚好多、型好多嘞。床下面有位放喼,場內有WiFi,廁所就同其他客人共用,每晚租金5300円,打咭一流。京都呢間新店仲特設酒吧區,售賣本地手工啤,係咪好文青呢?下次去開京都或者東京可以考慮吓!

Read more ›
【多圖】日本京都飄雪靚景 伏見稲荷大社Twitter熱傳
by / on 11/11/2016 at 7:13 am

【多圖】日本京都飄雪靚景 伏見稲荷大社Twitter熱傳

日本嘅雪景真係無論睇幾多次都唔厭,呢兩日好多人喺Twitter分享伏見稲荷大社嘅靚相,呢間喺京都好出名嘅神社,朱紅色嘅建築一眼就認得,配埋雪景超靚,去開京都仲有另一景點「貴船神社」,黃昏時份落住雪配埋著咗嘅燈,真係好想親身飛去感受吓。留意番,o依家嘅京都未落雪,舊相嚟。  

Read more ›
日本京都阻止單車亂泊告示 網民:「京都人太陰暗!」
by / on 20/10/2016 at 7:13 am

日本京都阻止單車亂泊告示 網民:「京都人太陰暗!」

喺日本京都經常有人隨處亂泊單車,為咗阻止呢個行為,有人設計咗張特別告示,內容大概係:「扔棄單車嘅地方 – 呢度嘅單車可以自由帶返屋企。」張相喺Twitter好多人RT,之後有人放埋上2ch討論區,話京都人好奸,為咗阻止泊單車竟然用呢啲招式。網民好踴躍留言:「估計真係會有人扔」、「真係將單車帶返屋企會唔會俾警察拉?」、「喺京都如果要扔棄單車呢啲大型垃圾,好似要俾錢嘅。」其實如果有人扔又有人拎,都算係雙贏局面,不過就達唔到店家原來唔想人泊車嘅原意嘞。

Read more ›
年度Cosplay 日本京都大學畢業禮
by / on 26/03/2016 at 10:09 pm

年度Cosplay 日本京都大學畢業禮

近年嘅京都大學畢業禮,都有大量學生Cosplay出席,今年都係照舊有創意啦。最搶眼係貓巴士,不過我覺得最好笑係有人Cos「新國立競技場」……

Read more ›

日本京都「喵星人芭菲」大熱 貓奴一定嗌3球
by / on 25/02/2016 at 7:10 am

日本京都「喵星人芭菲」大熱 貓奴一定嗌3球

雖然日元升咗少少,不過日本始終係旅遊首選,如果最近計劃去京都嘅貓奴,可以拜訪埋呢間叫「ことばのはおと」嘅cafe,入面有最近好hit嘅喵星人芭菲食,每個雪糕球上面都有個可愛貓樣,超級貓奴仲可以嗌夠三球雪糕,勁滿足。據聞每日1點前會售罄,想試就要早啲起身嘞。

Read more ›
【超可愛】京都「站立喵」爆紅        望窗扮文青天生鍾意企
by / on 25/11/2015 at 7:18 am

【超可愛】京都「站立喵」爆紅 望窗扮文青天生鍾意企

之前都見過唔少鍾意企起身嘅喵星人,不過好似呢隻,一邊企一邊憂鬱咁望窗外風景嘅喵星人,格外有情調。呢隻住喺京都嘅喵星人最近呢幾張相喺Twitter好多人RT,有眼利網民仲發現佢就係之前摷櫃筒喺網上爆紅嗰隻喵,入嚟有回帶,原來佢真係好鍾意企起身。睇完想探佢其實唔難,原來佢而家住喺京都嘅一間貓cafe「Cat Apartment Coffee」,去開京都記住探吓佢喇!

Read more ›
日本高校收生新招      校服跟足少女漫畫
by / on 28/12/2014 at 2:00 pm

日本高校收生新招 校服跟足少女漫畫

記得讀書時候,水手服係最受歡迎嘅校服款式。估唔到喺日本讀書咁好,校方對校服都好有要求,貼合返學生嘅要求。最近日本高校「京都市立の洛陽工業高」同埋「伏見工業高」2016年4月合併,校方為咗吸引更多女生報讀呢啲理科學校,決定同日本雜誌《マーガレット》合作,選用連載緊嘅少女漫畫《たいへんよくできました。》入面男女高校生嘅制服做學校嘅新校服!連宣傳單張都用埋漫畫風格,無論著嗰個定睇嗰個都咁開心!

Read more ›
【PlayStation遊樂園】C3送Gundam機體    TuneIn Radio即將上架
by / on 09/03/2014 at 3:13 pm

【PlayStation遊樂園】C3送Gundam機體 TuneIn Radio即將上架

下星期五就到一年一度嘅《C3日本動玩博覽2014》,今年PlayStation都有參展,展出嘅主要係已經出咗嘅幾款Gundam遊戲,比較吸引係現場試玩後,可以免費獲得適用於PS3™《Gundam Battle Operation》中文版機體 –  蒼藍命運1號機 一部。另外3月11日起,PS Store會推出免費下載TuneIn Radio應用程式,PS3、PS Vita及PS Vita TV都用得,係無PS4份。最後遠啲嘅京都有新消息,3月7日至3月9日當地會舉辦「BitSummit 2014 – 京都獨立遊戲節」,PlayStation都有份參展,不過你同我都唔會轉登飛去睇咁神心。

Read more ›
京都街貓生活照      晨早探貓影靚相
by / on 25/11/2013 at 7:38 am

京都街貓生活照 晨早探貓影靚相

貓奴們,除咗日常影吓自己隻貓貓,或者去貓cafe探吓貓之外,有無諗過去旅行時搜尋吓街貓幫佢哋影輯靚相?日本攝影師Yutaka Katayama算係半個貓奴,佢嘅flickr戶口放咗大量喺京都出沒嘅街貓靚相,佢仲教路話清晨時份最易影倒靚相,因為遊客一多啲貓貓就會匿埋唔見人。下次去京都旅行,除咗入古廟拜神之外,不妨考慮去探吓呢班貓仔,幫佢哋影輯靚相留念啦。

Read more ›

乳房展覽驚現京都寺院     色即是空
by / on 23/07/2013 at 10:23 pm

乳房展覽驚現京都寺院 色即是空

日本真係一個自由開放嘅城市,展覽見得多,乳房做主題嘅展覽真係第一次見,仲要喺京都歷史最悠久嘅寺院襌民庵舉行,百無禁忌。為期五日嘅展覽由乳房文化研究會贊助,旨在用趣怪方法打破大家對乳房嘅禁忌。日本有傳媒親身採訪,見倒入面有乳房扭計骰、水晶擺設、茶杯碗碟、掛畫、雕塑,睇完除咗讚嘆日本人對乳房嘅獨特見解,我仲領略到「色即是空」嘅大道理。

Read more ›
屋企賞櫻     日本Sharp三月推「櫻花燈」
by / on 04/03/2013 at 10:30 am

屋企賞櫻 日本Sharp三月推「櫻花燈」

睇新聞今年復活節好多人去京都睇櫻花,我都好想去,但無錢,諗住上網睇吓新聞當去咗。Sharp都趁櫻花季節推出「櫻花燈」,粉紅色好卡娃兒,最重要係聲稱發出嘅粉紅「暖色」光,比正常燈座嘅藍色「冷色」光,令人溫習時或工作時更專心,仲有晒數據分析,似層層。「櫻花燈」三月中有得賣,開價4萬至5.5萬円,視乎屋企呎吋而定,老實,貴過我去一轉京都。

Read more ›
新片速報 京都站65米樓梯 變身LED動畫屏
by / on 27/01/2013 at 11:44 am

新片速報 京都站65米樓梯 變身LED動畫屏

京都站全長65米嘅樓梯,由125級樓梯加14,750盞LED組合成,喺上年年尾已經變成大型燈飾廣告版,先前聖誕就搞過雪花飄飄,而嚟緊情人節佢就整咗新動畫喺即日至2月14日播出,先係有大大排朱古力,再撕開包裝紙露出「Welcome to Kyoto」幾隻字;再嚟另一段就係有兩隻熊人好sweet咁送禮物,搞咁多嘢,無非都係想大家情人節記得要買禮物,如果唔係你想咁sweet?

Read more ›