睇完又好想去旅行！日本Twitter最近熱傳呢間位於京都四条大宮附近嘅旅館「Nazuna 京都 椿通」。建築達110年以上嘅町屋通路改建而成為一排嘅旅館，每間房都有半露天風呂，每晚每人住宿大約14000円，好吸引！Bookmark定遲啲再去，不過到時應該無咁平嘞。

京都麵包店「京都ねこねこ」一直好高人氣，佢嘅貓型麵包好多人到訪京都必買，最近佢哋同cafe「イクスカフェ祇園」合作，今日開始推出超可愛嘅喵早餐「イクスカフェの朝ごはん(三毛猫)」，最特別係可以自己烤多士，烤完仲可以加忌廉、紅豆，整成可愛嘅貓樣，睇官方圖都覺得開心呀。

京都東映太秦映画村嘅《Evangelion》「エヴァンゲリオン京都基地」喺2020年10月3日開幕，裏頭有15米高、半身浸喺LCL嘅初號機像打卡位！所以咁，京都市中心部四条大宮到嵐山嘅京都唯一路面電車「嵐電」亦都有好嘢，就係初號機電車，唔少得就係記念品嗰啲囉，不過算啦，我好灰呀依家。

去過京都都知，清水寺長期擠滿遊客，針都攝唔入，不過疫情下大家無出國旅遊，連帶清水寺都變得水靜河飛。有日本網民去咗清水寺仲拍埋片，現場所見一個人都無，樓主話清靜到有啲恐怖，入嚟有片睇，仲有啲相，全部都係完全無人嘅，好罕見。

之前都報道過係《エヴァンゲリオン》又有新嘢搞，今次喺京都「エヴァンゲリオン京都基地」，位置係東映太秦映画村（京都市右京區），有浸喺LCL度嘅初號機半身像，高15米，可以企上佢手撐上面不能逃避呀！

之前報道過京都出現實物大初號機，原來就係呢個！《Evangelion》新劇場版雖然未有得睇，不過其他合作企劃已經陸續公開。好似京都就有呢個「エヴァンゲリオン京都基地」出現喺「京都・東映太秦映画村」，10月3日開幕，初號機上半身高15米，可以企喺浸喺LCL嘅手掌上面影相！而且早喺8月開始就有限定120名嘅期間限定先行體驗，可惜未去到啦！

暫時都未去得日本旅行住，不過可以bookmark定啲美食餐廳留返之後去。日本有網民推介呢間喺京都祇園附近嘅隱蔽小店，專門食鴨肉，佢話超美味，不過個招牌同menu就比較特別，睇見咁得意嘅鴨仔圖案，會唔會有少少唔忍心食佢落肚？入嚟有地址同多啲相片。

就算唔飲酒嘅，應該都見過呢個「月桂冠」嘅日本清酒品牌，最近日本玩具品牌「ケンエレファント」宣佈呢個清酒盒玩系列再次登場，今年5月發售，每盒400円。最想要係大大桶嘅月桂冠，其餘兩款清酒都連埋清酒杯，好精緻，另外仲有酒廠模型同埋代表角色棒球男孩嘅牌，全部都好有特色，fans要儲。

京都好多靚景點賞櫻賞紅葉，其中寶泉院都係好多人必到嘅景點，最近有日本攝影師@芥末工具喺Twitter分享咗新相，估唔到雪景下都超靚，同紅色地毯對比下，影出嚟嘅相好靚，好似置身係一個銀色嘅世界入面，而且感覺上無咁凍。

之前已經有報道，指日本京都旅遊點好少遊客，唔只少咗中國嗰班，日本遊客都少咗，有好多日本人仲因為酒店有中國人住而取消booking。Twitter就啱啱有網民出圖出價錢，表示京都酒店價錢的確大減。其實我哋有同事都準備下星期出發去京都，發現喺訂酒店平台消取booking再訂同一間酒店價錢都平咗一半，不過到底出唔出發好呢？

日本嘅水果三文治真係好出色，未食前好難想像夾得埋，但係食完就返唔到轉頭。最近有網民推介位於京都嘅「市川屋咖啡」，話入面嘅水果三文治超好味，地點位於清水寺附近，佢哋嘅咖啡豆全部自家烘焙，備受好評，去開京可以試吓，入嚟有地址。

夜晚嘅街道，仲要冇人有一陣冷清感，加上周邊嘅燈光，個氣氛真係好正。呢位日本攝影師うさだぬき影呢幾張「京都、東山の夜を歩く」嘅夜景，真係wallpaper級數。

呢幾日去開日本要留意吓，因為天氣越嚟越熱！睇今日(25號)嘅天氣氣象圖分析，成個日本都係橙色至紅色，望見都熱。東京去到32度，而京都同奈良更加去到35度，睇嚟要飲多幾杯珍珠奶茶降溫。

位於京都嘅仁和寺觀音堂最近修復完，而家仲有春季特別內拜，為咗宣傳吓，官方最近包咗架「嵐電」做廣告，有網民影咗相放上網，吸引好多人RT。首先車身大大個千手觀音像好特別，而車入面嘅宣傳牌更加有創意，係一隻隻觀音嘅手呀！有網民話夜晚坐會覺得好恐怖、有人話似恐怖電影宣傳，不過肯咁玩其實幾大膽。

最近有日本網民分享咗佢搭「阪急電車」嘅靚相，車廂入面好似京都嘅小庭院，一啲都唔似搭緊電車，好靚，吸引好多人RT。翻查資料，呢架係「阪急電車」喺3月22日正式行駛嘅觀光列車「京Train雅洛」，行駛於梅田同河原町之間，每節車廂都係以一個季節做主題，只限週六日同國定休假日行駛，全車仲有免費Wifi，去開京都旅行可以搭吓。