fbpx

Tag: 井上雄彥

井上雄彥「《浪客行》年內完結」宣言 已經11年

井上雄彥「《浪客行》年內完結」宣言 已經11年

  講到有生之年系列,《Evangelion》終於完咗,冨樫義博唔駛講啦,我仲有少少記掛住嘅仲有《強殖裝甲 加爾巴》嘅高屋良樹,當然仲有《五星物語》。而井上雄彥呢,唔少漫畫迷都睇緊佢嘅《REAL》,又等緊佢嘅《浪客行》,係,知佢忙,噚日啱啱有下年上嘅《Slam Dunk》新動畫PV呀,井上老師親自監督同劇本,不過呢個時候就有傳媒贈慶,話佢曾經喺2010年有呢個《浪客行》「年内完結」宣言,已經正式經過咗11年喇……對上一期37,又已經係2014年7月23日出版……算啦,我哋集中期待下年《Slam Dunk》動畫,呢個重要啲。

Read more ›

井上雄彥出圖賀學生畢業 背面嗰個係邊個?

井上雄彥出圖賀學生畢業 背面嗰個係邊個?

日本又到咗畢業季節,又春天又櫻花又畢業真係好浪漫好青春。講起青春,我或者我哋嘅青春,一定有《Slam Dunk》啦?井上雄彥老師就出咗圖祝賀畢業生,當中有赤木大猩猩、四眼兄,仲有背面嗰位……計番年級,應該都係佢啦,炎之男呀!

Read more ›
井上雄彥《Slam Dunk Illustrations 2+Plus》畫集開訂

井上雄彥《Slam Dunk Illustrations 2+Plus》畫集開訂

「天下出版社」正式代理井上雄彥《Slam Dunk Illustrations 2+Plus》中文版畫集,Size係30cm x 30cm即係正方形,共130頁。去「至Goal Club」有得訂,預計2020年4月出版,暫定每本$320至$360,有買趁手喇。

Read more ›
【一定要買!】井上雄彥新畫集《PLUS/SLAM DUNK ILLUSTRATIONS 2》 下年4月發售

【一定要買!】井上雄彥新畫集《PLUS/SLAM DUNK ILLUSTRATIONS 2》 下年4月發售

雖然《Slam Dunk》冇新作,但畫集會有,因為今次會收錄近20年嘅作品,接著1997年6月出嘅《INOUE TAKEHIKO ILLUSTRATIONS》,包括《Slam Dunk》完全版畫作,上年新裝再編版嘅畫作,同埋早年2004年累積銷量突破1億冊嘅報紙作品!全部都係超精彩,2020年4月3日發售,約30cm四方度,初版限定特典有明信片,入樽迷邊有得走?

Read more ›
井上雄彥《Real》連載再開!今個月尾有得睇

井上雄彥《Real》連載再開!今個月尾有得睇

上一本單行本,第14期,已經係2014年12月19日推出,相隔4年幾,終於,最新雜誌圖見到就係井上雄彦嘅輪椅籃球漫畫《Real(リアル)》會連載再開!5月23日發售、慶祝創刊40周年嘅《ヤングジャンプ》25號就可以睇到!唔知到時講戶川清春定野宮朋美先?還是高橋久信?

Read more ›
日本Skymark Airlines x 日本職籃 x 井上雄彥 = B.League Jet

日本Skymark Airlines x 日本職籃 x 井上雄彥 = B.League Jet

搭程飛機都可以好熱血,如果你係井上雄彥Fans的話。日本Skymark Airlines聯乘日本職籃聯盟(Basketball Japan League)同《Slam Dunk》作者井上雄彥,推出B.League Jet,服務日期由即日起至2020年9月。有日本傳媒Post咗相出嚟,機身兩邊都有井上雄彥墨寶,又見空姐拎住紀念品,機艙座位有特別頭枕,Wow,忽然好想搭飛機呀。

Read more ›

訂購全套《Slam Dunk》 送井上雄彥全新海報

訂購全套《Slam Dunk》 送井上雄彥全新海報

早幾日全城搶《蘋果日報》嗰張《Slam Dunk》跨頁海報,入樽熱潮再度回歸,又或者咁講,根本就無冷卻過,之所以你家書櫃,係好應份有齊一套《Slam Dunk》嘅。食住個勢,「天下出版」剛剛開咗個Offer,一次過訂第一至第二十期新裝再編版《Slam Dunk》,即送井上雄彥最新繪畫海報一張,售價$960。多張海報,唔知吸引力會唔會大咗?

Read more ›
《Real》14期發售 日本新宿、涉谷現廣告牆

《Real》14期發售 日本新宿、涉谷現廣告牆

鍾意井上雄彥畫籃球嘅,暫時只可以睇《Real》頂住癮。第14期發售,喺日本嘅新宿站同涉谷站都分別出現牆身廣告,最特別之處係廣告版上面有個立體嘅molten籃球!呢個廣告到後日12月28日就會冇,呢幾日喺日本經開,要影相留念啦!

Read more ›
井上雄彥破世界紀錄 超巨大「和紙」7月參展

井上雄彥破世界紀錄 超巨大「和紙」7月參展

《Slam Dunk》作者井上雄彥,早幾日5月23日喺福井縣越前市嘅上山製紙所參與咗個活動,就係聯同20幾人造咗一張世界最大嘅「和紙」,3.3米 X 10.7米!而呢張紙7月12日就會喺六本木舉行嘅「特別展 ガウディ×井上雄彦-シンクロする創造の源泉-」展出。井上老師話要畫嘢喺呢張紙上面都有難度,因為佢都睇唔晒張紙咁話……

Read more ›
香港《井上雄彦 – 非官方浪客行展》分享熱誠!「Slam Dunk 4814 Days After」創辦人訪問

香港《井上雄彦 – 非官方浪客行展》分享熱誠!「Slam Dunk 4814 Days After」創辦人訪問

分享,原來可以唔止按一按share掣。更加可以無條件附出熱誠。佢係facebook專頁「Slam Dunk 4814 Days After」嘅創辦人,人人叫佢做「4814」,呢個群組集合咗過萬鍾意井上雄彥作品嘅fans。「目的?「就係希望集合一個群組,大家一齊分享,我自己都會成日追井上老師嘅新聞,咁又可以share埋出嚟。o依家開始會聯絡台灣方面井上雄彥產品嘅代理『稜鏡』,希望可以幫香港fans訂多啲產品過嚟,咁橫掂我自己都要訂。」佢將會用自己辦公嘅地方舉行一個展覽,不為甚麼。 人越大,錢看得越重要,偶爾遇到不為金錢而付出嘅事情,已足夠令我成個人都熱血起嚟!

Read more ›
新片速報 CNN專訪 井上雄彥即場畫

新片速報 CNN專訪 井上雄彥即場畫

咩叫神級漫畫?係當你睇完《Slam Dunk》,你就會即時想落街打籃球!睇到《Real》講父子情一段,你會即劇想返屋企同老豆飲茶!《浪客行》你仲會逐格慢慢睇,嘆佢越趨化境嘅畫功!如果佢o依家講一句會畫《Slam Dunk》續集,我真係會興奮到請假10日狂打籃球。井上雄彥啱啱接受咗CNN專訪,5分鐘片段講自己畫漫畫嘅心情、創作嘅心德、做漫畫家嘅瘋狂之處,佢仲露兩手即席喺鏡頭前用毛筆畫宮本武藏、小次郎,係冇提過有冇可能再入樽啫……啱啱返工返學,做咩嘢吖!睇咗個訪問先啦,唔識日文都唔怕,有英文字幕呀!

Read more ›

井上雄彥親筆畫波鞋 Bid兩日升到64,000円

井上雄彥親筆畫波鞋 Bid兩日升到64,000円

仲有4日!如果你真係好愛井上雄彥,又或者好想做善事,咁你就要搵定人幫你上日本yahoo代bid呢對Nike波鞋!《Slam Dunk》、《浪客行》、《Real》等漫畫嘅作者井上雄彥係好多人(尤其打籃球)嘅偶像,冇佢我讀中學時都唔會晚晚落街練三分,成績應該會好啲……呢對「NIKE AIR ZOOM BRAVE IV IT」(原價15,750円)係為慶祝幫忙特別疾病兒童實現願望嘅企劃「Make A Wish of Japan」20周年紀念製作嘅,有親筆簽名仲有櫻木花道頭!慈善拍賣開始咗兩日,投到64,000円,而截「必」日期係11月2日下午5點36分!去到最尾嗰日,肯定會飆到天價,到時再報導。呀係,對鞋個size係28㎝,不過,買咗嗰個,斷估唔會要嚟著啩?

Read more ›
台灣誠品獨家首賣 井上雄彥《浪客行》X Smile產品

台灣誠品獨家首賣 井上雄彥《浪客行》X Smile產品

嘩好偏心啫你!俾台灣誠品網路獨家首賣《浪客行》 X Smile產品!《浪客行》就大家都識啦,《男兒當入樽》個作者嗰本呀,啱啱就同Smile呢個井上為日本311地震籌款嘅企畫齊齊推出周邊產品。包括有Tee、明信片、毛筆、徽章……雖然遲啲動漫節天下攤位都應該有,但我唔想等囉,OK?好彩可以網上買啫,嚇得我吖!

Read more ›