Post Tagged with: "九尾狐"

讀者熱烈討論 《古惑仔》牛姑使唔使死?
by / on 23/01/2018 at 7:45 pm

讀者熱烈討論 《古惑仔》牛姑使唔使死?

今期第2098期《古惑仔》書名真係何其浪漫與悲壯,叫〈我死也為了她!〉,「她」指潘少枝,為佢死嘅係牛姑。故事講到三聯九尾狐同建興擺局,搞到洪興李志高同牛姑無端端打餐死,牛姑寡不敵眾,攬住自己個女人瘋狂捱斬。畫到呢段,網民熱烈討論牛姑使唔使死,我呢,就認為唔會,一,每逄一個重要角色死,牛佬都或多或少會喺自己專欄事先張揚,今次唔覺;二,牛姑應該仲有大把戲可以寫,佢應該係激起三聯同洪興鬥個你死我活嘅催化劑,呢個催化劑暫時好明顯未用盡;三,都未見牛姑嘅「往事回憶」,所以應該未死得住。執筆至此,我反而有個不祥預兆,唔知點解,我覺得李志高反而會打柴,仲要死得好無厘頭嗰隻,希望估錯喇。

Read more ›

牛佬賀《古惑仔》2000期送Tee+親筆畫 街市勇吹雞打老邊
by / on 03/02/2017 at 3:15 pm

牛佬賀《古惑仔》2000期送Tee+親筆畫 街市勇吹雞打老邊

2000期!一本漫畫可以出到2000期確係唔簡單,《古惑仔》為慶祝呢個里程碑,決定由新任俱樂部會長街市勇扯頭纜,搞番個打老邊Party,名額60人,暫時已經有17人報名,想同牛佬影相、想同倫裕國隊酒、想結識街市勇真人、想同靚女九尾狐Say個Hi(中堅會員!估計必到!),唔該擺低$380。牛佬講到明到時要手持第2000期《古惑仔》方可入場,估計係要大家幫幫手擺Pose,一人拎住一本公仔書影番張超級無敵大合照喇喂。有嘢食,有古惑啤飲,仲有獎抽,獎品係全新《古惑仔》Tee同倫裕國親筆畫板,到時一定全場High爆,家陣諗吓都興奮呀。

Read more ›
《古惑仔》搵俱樂部會長 牛佬擺街市勇上檯
by / on 04/01/2017 at 11:00 pm

《古惑仔》搵俱樂部會長 牛佬擺街市勇上檯

喺牛佬筆下,街市勇呢個角色已經死咗,但同樣喺牛佬筆下,街市勇不但翻生,仲上埋檯添。事緣牛佬喺第1987期《古惑仔》專欄,公開夾硬屈街市勇做「古惑仔俱樂部」會長,此文一出,嚇到街市勇即刻喺面書留言──Jack Suen(街市勇):「嘩~牛師傅一大清早乜搵啲咁嘅野嚟嚇鳩我呀早餐都爭小小噴出嚟。」笑到我碌地……

Read more ›
牛佬幫讀者賣廣告 持咭會員幫襯九尾狐染髮有九折
by / on 20/05/2016 at 10:00 am

牛佬幫讀者賣廣告 持咭會員幫襯九尾狐染髮有九折

牛佬真係好抵讚,睇得出佢係真心同讀者有良好溝通,不但密密更新面書專頁,更願意花時間同讀者隔空吹水,雖然真係只得一個吹字,但睇完公仔書仲可以同作者吹兩嘴,呢$18抵畀喇。擒日買最新一期第1923期《古惑仔》,驚見牛佬竟然幫讀者賣廣告,白紙黑字寫住:「呢一次,又有一單荀嘢益吓我哋『持咭會員』嘞!嗱,你哋聽過蔽刊忠實讀者九尾狐嘅大名架啦!呢位靚女,對蔽刊好有感情嘅,當佢知道牛佬成日為咗『持咭會員』四圍爭取福利之後,就慷慨大方咁話──《古惑仔》『持咭會員』嚟我間染髮屋光顧,九折優惠!」九尾狐之名,忠實讀者如我梗知係乜水,真名郭芷瑜,牛佬攞咗佢個名作為《古惑仔》九尾狐一角,同李成克一對,又疑似對佐敦仔藕斷絲連,係幾討好嘅一個女角色。斷估,九尾狐見到牛佬幫佢賣廣告,實開心到飛天,希望持咭會員多多幫襯佢,好生意喇喂!

Read more ›
牛佬好嘢!《古惑仔》跨頁寫「魚蛋暴亂」!
by / on 13/04/2016 at 9:00 am

牛佬好嘢!《古惑仔》跨頁寫「魚蛋暴亂」!

有啲位,牛佬絕對係值得尊敬嘅,際此動輒得咎、無限上綱上線嘅反智年代,居然敢藉公仔書表明政治立場。喺1912期《古惑仔》裡面,牛佬用跨頁畫年頭嘅「魚蛋暴亂」事件,旁白說明咁寫:「這一晚,絕對是詭異的一晚……情景,深深烙印在全香港每個市民的心坎裡,政府管治失據,令某些激進的市民囤積怨憤,因而,乘著一宗細小的糾紛,將怨憤擴大、爆發,旺角砵蘭街一帶,部份不滿政府的市民公煞攻擊警方,結果出現雙方互鬥的局面。」之後帶出雷霆趁旺角大亂,夾埋和興和單眼昌、三聯九尾狐同李克成、中興老周、和記豬耳同東英四虎,打算將洪興第二代一網打盡,書尾仲講梁家仁俾「鐵面虎」陳俊賢伏擊,形勢大劣添。難得架,你估人人都敢講真話呀?我Buy你呀牛佬,不枉我期期書真金白銀撐你。

Read more ›
【神獸】日本發現九尾狐 喵星人無奈變身
by / on 05/03/2016 at 9:53 am

【神獸】日本發現九尾狐 喵星人無奈變身

九尾狐係中國嘅神話動物,估唔到連日本人都識,仲發現到一隻。呢幾張連環圖噚日喺日本Twitter好紅,相中嘅白色喵星人(被迫)變成九尾狐,效果搞笑多個認真,睇佢個樣仲好無奈,玩完未呀?好餵我食嘢喇喎!

Read more ›

牛佬創新猷 內文格仔喪插盜版
by / on 20/06/2015 at 2:30 pm

牛佬創新猷 內文格仔喪插盜版

每個禮拜要起兩期書,個腦幾叻都會靈感枯竭,所以我係真心Mode佩服牛佬嘅,久唔久就整啲新花款,留住讀者心之餘,仲成功引起話題。今期第1827期《古惑仔》牛姑重出江湖固然係重點,但都唔夠喺內文格仔裡面標字托底咁養眼──「內地網站刊登之《古惑仔》全屬未經授權之盜版上載」、「上載盜版損人利己,創作行業快將滅亡」、「全國盜版閪網大追查:動漫屋、在綫漫畫、極速漫畫」啱架,睇盜版漫畫實屬賊仔所為,應該予以強烈譴責,呢鋪我撐牛佬架。另外,今期亦登咗幾頁「千人對決」精彩片段,亦惹嚟「古惑仔俱樂部」會員熱烈討論,鬼咩,睇個勢好似想摺埋徐世飛咁,九尾狐又疑似死喺佐敦仔懷內。講真,呢兩個角色我都好Like,牛佬手下留情,唔好整死佢哋呀。

Read more ›