Tag: 主題樂園

【有片】日本主題樂園「Space World」昨日結業    盛大煙火超靚

【有片】日本主題樂園「Space World」昨日結業 盛大煙火超靚

日本北九州市嘅主題樂園「Space World」喺噚日12月31日正式結業,噚晚主題樂園有盛大嘅煙花表演,喺巨型嘅美國穿梭機發現號前放煙花,效果超靚!好多日本媒體都有報導,Twitter亦有影片熱傳。呢個主題樂園喺1990年成立,至今已經開放咗27年,上年因為溜冰場下冰封咗5千條魚屍而成為眾矢之的,加上競爭激烈,最終宣佈今年12月31日結業。早前結業前園方仲拍咗廣告,自嘲樂園雖然笨拙而細小,但大家都好努力,叫大家唔好忘記佢。個廣告喺網上熱傳,感動咗唔少網民,之前亦都為閉園而聘請兼職,仲話係一生只得一次嘅閉館體驗,笑中有淚。入嚟有回帶。

Read more ›

迪士尼興建《龍貓》區不是夢? 設計師概念圖宮崎駿都知

如果迪士尼真係有呢個龍貓主題樂園,相信好多人都想去玩。沿途坐住貓巴士去晒龍貓嘅主要場景,諗起都開心。不過呢個暫時只係迪士尼動畫兼主題公園設計師John Ramirez嘅概念圖,佢話已經多次向宮崎駿提出呢個概念,不過每次都俾對方婉拒,但佢話永不放棄喎。話時話,「三鷹之森吉卜力美術館」嗰個識郁,仿照動畫設計嘅龍貓展品都好正,諗起都想再去睇多次。未去過嘅下次一定要去,但記緊入面唔可以拍片影相呀。

Read more ›

【新片速報】戴住VR坐過山車 美國主題樂園新機動遊戲

VR用嚟打機夠晒爽,而且仲有好多種玩法,好似最近呢段影片,片中兩個男仔戴住VR眼罩坐過山車,一邊坐一邊玩飛行射擊遊戲,向下衝或者翻滾嘅無重狀態,夾返遊戲入面嘅情景,睇落真係驚到腳震。自問大膽嘅可以飛去美國主題樂園Six Flags Over Georgia親身試吓,VR配過山車嘅全新機動遊戲,夠晒gimmick不過你夠唔夠膽試?

Read more ›

新片速報 南韓企鵝聖誕cosplay 主題樂園聖誕巡遊

去韓國除咗購物同剪頭髮,仲可以去埋佢哋最大嘅主題樂園,有韓國迪士尼之稱嘅Everland Resort,尤其是如果你係企鵝fans,因為佢哋今年聖誕會有企鵝巡遊!睇片見到班企鵝全部都會著晒聖誕裝,搖吓搖吓出場,可愛得嚟場面仲幾壯觀。至於職員嘛,都係著聖誕女郎服飾,係咪開心先?話時話,呢個樂園原來都係Samsung旗下,南韓仲有無嘢唔係Samsung嘅呢?

Read more ›

新片速報 揸電單車玩過山車 玩命無極限

好勁!對於平時坐過山車都腳震嘅人嚟講,睇呢條片可能會嚇到手心標汗。Red Bull最近搵咗法國電單車手Julien Dupont跳戰極限,去咗墨西哥嘅主題樂園玩過山車,不過係揸住架電單車喺過山車道上面駕駛!無安全帶全程真人搵命搏上陣,全條片仲要用第一身主觀鏡拍,每次睇到佢落斜我個心都離一離,難怪佢本人都話起跑前勁緊張,放心,呢條過山車賽道無O型圈嘅。

Read more ›

有片 全球最高滑水天梯 高140呎時速60米

早幾日喺網上見倒呢條號稱全球最高兼下滑速度最快嘅水上滑梯,不過得張相唔夠震憾,啱啱上網發現有埋片,有片有真相,真係高到齋望都腳震想賴尿。自問藝高人膽大嘅,下年可以去美國德州嘅主題樂園 Schlitterbahn Park玩命,據知滑水梯高140呎,大約20個姚明咁高,滑下時速60米,唔係人咁品!

Read more ›

新片速報 迪士尼《阿凡達》主題樂園 2016年落成

《阿凡達》最吸引我嘅係佢靚絕嘅世界觀,動作多多錢多多嘅迪士尼,最近宣佈將會興建以亞凡達為概念嘅AVATAR Land,預計2016年喺美國佛羅里達州Orlando迪士尼動物世界落成,除咗一批概念圖之外,官方啱啱仲上載咗阿凡達導演占士金馬倫嘅訪問片,由佢親自解說呢個AVATAR主題公園,暫時已知會有得坐船遊覽,睇相見倒同電影場景好相似,唔知到時阿凡達會唔會好似米奇老鼠咁有影相時間呢?

Read more ›
新片速報    Simpsons擴建主題區殺入環球影城

新片速報 Simpsons擴建主題區殺入環球影城

Simpsons喺美國好受歡迎,其實香港都好多人鐘意Simpsons,如果你都係一份子,今年夏天可以考慮飛去美國環球影城,因為美國佛羅里達洲嘅Universal Orlando今年夏天將會擴充Simpsons區域,成日喺動畫入面見倒嗰間Krusty Burger(有個小丑樣做生招牌嗰間呢)將會開設喺Springfield Street!仲會有獨家大隻仔Duff Beer啤酒飲,而兩個Simpsons入面嘅角色Krusty同埋Sideshow Bob仲會定期駐場,爽!呢個Simpsons主題區2008年已經主駐Universal Orlando,今次大規模擴建,香港粉絲有藉口飛去朝聖啦。

Read more ›