fbpx

Tag: 主機

遊戲主機反映智商?玩PC最聰明 最蠢係邊個?

遊戲主機反映智商?玩PC最聰明 最蠢係邊個?

  呢個調查嘅機構係外國Royal Panda,經營賭博遊戲網站嘅,咁調查主題就係玩唔同主機嘅機迷智商,都搵咗1001人嚟測試,最後得出結果就係玩PC遊戲最多嘅機迷,智商平均去到112.3!其他……咦?咁如果玩PS5或者Xbox Series X代表咩?代表你心急,有錢或者好彩或者早起身排隊囉。

Read more ›

【有片】電競炸雞?KFC出遊戲主機4K120FPS + 翻熱功能

【有片】電競炸雞?KFC出遊戲主機4K120FPS + 翻熱功能

有一定機齡嘅,都知咩叫SFC啦?但KFC……係,肯德基,上校,炸雞,唔知係咪趁近日新一代遊戲主機好有話題,於是出咗呢條片,4K,120FPS,而且仲有一格可以順便用打機時嘅熱力翻熱炸雞……2020年11月12日,到底會有咩事發生?

Read more ›
PS5主機網上概念圖 襯返手掣好似Xbox新主機

PS5主機網上概念圖 襯返手掣好似Xbox新主機

PS5早前公佈咗隻手掣外形同新名DualSense,網上仲有好多改圖,不過部主機到而家都未有樣睇。有日本網民就喺Twitter熱傳呢幾張概念圖,部主機襯返手掣,都係白色配黑色,形態同Xbox Series X差唔多,頂部仲有埋PS經典嘅三角四方形,如果係咁樣大家收唔收貨?之後唔少網民貼圖回應,仲有好多人笑Xbox部機好似街上嘅煙盔缸,唔講唔覺,一講就好覺嘞,入嚟有回帶。

Read more ›
【有片】回憶返晒嚟 家用主機、手提機開機聲重現

【有片】回憶返晒嚟 家用主機、手提機開機聲重現

合共有Nintendo DS、Wii、PSP、Nintendo Switch、PlayStation、Sega Saturn、Game Boy Advance、WiiU等等,用電子琴完美重現開機音樂!你擁有過幾多部?

Read more ›
初代PS及SEGA Saturn主機2/5模型 可以開蓋插記憶咭

初代PS及SEGA Saturn主機2/5模型 可以開蓋插記憶咭

作為機迷加模型迷,呢兩set BANDAI出嘅「BEST HIT CHRONICLE」模型應該會想買。以2/5製作嘅 初代 PlayStation同埋SEGA Saturn主機,細緻度極高,好似部PS就可以打開光碟盤嘅蓋,張記憶咭亦可以插入部機度,好正,下年3月推出,售價2750円,入嚟有多啲相同片睇。

Read more ›
Capcom「懷舊主機」雙打手掣設計 收錄16款遊戲10月發售

Capcom「懷舊主機」雙打手掣設計 收錄16款遊戲10月發售

個個都出懷舊主機,Capcom都唔例外,最近公佈咗呢個手掣主機Capcom Home Arcade,直接用大手掣嚟做主機設計,可以重拾返當年街機雙打嘅感覺,概念唔錯,雖然個設計有啲hard-sell。內置16款遊戲,包括Street Fighter II、Final Fight、洛克人、Super Puzzle Fighter II Turbo等經典作,直接將個手掣駁HDMI上電視就玩得,用Micro USB攞電,另外支援Wi-Fi可以到全球玩家鬥成績,而家預訂中,10月25日發售,售價229.99歐元,入嚟有得睇埋遊戲陣容。

Read more ›

奇妙特別版主機 Tommy Hilfiger GameoBoy、可樂Game Gear開眼界

奇妙特別版主機 Tommy Hilfiger GameoBoy、可樂Game Gear開眼界

好多特別版主,尤其歐美嗰邊出嗰啲,加上當年未有網絡或網絡未咁發達,我哋真係未見過嘅。啱啱有外國傳媒就做咗個專題,當中有90年代尾嘅Tommy Hilfiger Game Boy Color,成部黃色唔講仲以為係比卡超……另外亦有Coca Cola Game Gear,又原來連萬寶路Marlboro都出過特別版Atari Lynx,加埋MTV Gamecube、Men in Black PlayStation…….仲有近啲嘅Audi R8 Xbox One S……

Read more ›
新片速報 比卡!《Pokémon Ultra Sun and Ultra Moon》等別版主機同步出

新片速報 比卡!《Pokémon Ultra Sun and Ultra Moon》等別版主機同步出

嚟緊11月17日3DS有呢隻《Pokémon Ultra Sun and Ultra Moon(ポケモン ウルトラサン・ウルトラムーン)》,前作御三家回歸,而且,今朝Direct仲俾大家睇埋特別版主機,係New 2DS LL嚟嘅。

Read more ›
【今日GIF】跟番主機畫質 歷代任天堂主機3D圖

【今日GIF】跟番主機畫質 歷代任天堂主機3D圖

呢啲3D圖成日有,不過今次特別在跟番主機嘅畫質演變,即係開頭就8-bit,去到Game Cube就有多邊形……呢啲作品都係出自3D動畫師Elijah Robertson手筆嘅,可惜冇日版紅白機同超任吖。

Read more ›
PS4銷量過超任頭 5,000萬部排家用機第7位

PS4銷量過超任頭 5,000萬部排家用機第7位

早排官方公佈咗,2013年11月發售嘅PlayStation4銷量突破5,000萬部,咁同其他舊主機比呢?睇番資料啱啱過咗超級任天堂嘅4,900萬部,距離排第6位嘅任天堂FC 6,200萬部仲有一段距離,而PS3都已經8,600萬部喇。仲有第1位嘅PS2,當年好多人當佢DVD機用啦,又有賣1億200萬部嘅Wii,當時吸到唔少casual gamer出機,有冇機會呢?睇嚟PSVR嘅角色都幾重要,當然首先要夠貨先啦。香港機迷,如果想出機嘅可以諗吓去聽日開嘅ToySoul,有貨有優惠。

Read more ›
懷舊機迷專用       打機回憶USB主機手掣出齊

懷舊機迷專用 打機回憶USB主機手掣出齊

最近發現屋企最多嘅電子產品,居然係USB手指同埋尿袋叉電器,不過得意嘅USB唔嫌多,好似羅馬尼亞設計師Andrei Lacatusu呢個系列嘅USB,用晒老機迷最愛嘅遊戲機主機或者手掣做設計,中間打開就係USB,個名仲食埋字改得好感性,叫「Memories Stick」。我仲見倒《魂斗羅》呀!

Read more ›

新片速報 高空爆舊機 超任/Mega Drive/PS隔代大戰

新片速報 高空爆舊機 超任/Mega Drive/PS隔代大戰

呢個YouTube頻道,之前都試過測試PS4/Xbox One喺高空墮地,跌幾多次先開唔到機。今次就連老人家都唔放過!搵嚟一眾舊機由高空掉落地,之後再睇吓佢哋可唔可以正常開機……簡單啲講,即係無聊、浪費、整爛嘢,所以我睇。

Read more ›
歷代主機淘汰賽 最後冠軍PS2

歷代主機淘汰賽 最後冠軍PS2

英國Amazon喺8月18日至10月5日搞咗個歷代遊戲主機投票「Amazon.co.uk: The Greatest Console Ever: PC & Video Games」,比較特別嘅係佢以淘汰賽型式舉行,抽到對手就投票過關,嗱,世界盃都係咁嘅,冇話唔公平嘅。最後一場「決賽」,係PS對PS2……講真,如果冇得投超任,我會揀PS,但官方公佈最後冠軍係PS2。

Read more ›
懷念主機第一身手掣圖 你從那個年代開機?

懷念主機第一身手掣圖 你從那個年代開機?

你今年幾多歲?記唔記得第一次打機係打咩機?我諗十幾年後你問番啲後生仔女,十個十個都答你第一次打機係智能電話或Tablet……我嗰個年代呢,第一次打機就係打Casio嘅卡片機,圖中嗰部西部牛仔我都有玩過,啲槍聲好震撼好爽!之後啲手掣我大部份都拎過上手,啲相好熟口面,因為我哋都係咁樣揸住個手掣打機嘛!但睇落好似爭啲主機,係咪因為冇喺歐美賣?例如PC Engine、3Do……同埋點解冇最新嘅PS4同Xbox One?仲有啲咩漏?入嚟數數。

Read more ›
有片    Google出遊戲主機?  Google Glass手機平版一齊玩

有片 Google出遊戲主機? Google Glass手機平版一齊玩

Google出遊戲主機傳咗好耐,今次仲似層層有埋片睇,360度睇勻機身,個樣四四方方有啲似立方體嘅Xbox ONE,原來只係由網友Joseph Dumary設計嘅概念主機NEXUS ORBIT。用盡晒Google嘅皇牌 ─ Google Play、Google Glass、YouTube、Chrome、地圖、雲端、翻譯等等,咁如果真係推出,有咩賣點呢?舉例,用咗由Google開發嘅DPconnect科技,行wireless唔駛駁線上電視,仲可以一機輸出四部電視;又可以支援埋Google Glass,一個用手掣玩,其他人用手機、平板電腦或者Google Glass同一時間幫手控制,又可以用Google即時翻譯功能,上網同西人玩聽唔明佢鬧fxck都可以即譯。仲有仲有,玩緊嘅game可以同真實嘅時間同埋天氣同步,例如你夜晚10點玩GTA出面落大雨,遊戲入面可以同步返,聽落好萬能,但係最重要嘅係遊戲喎,有無得玩Battlefield 4先?

Read more ›