《火武耀揚》汗青超重口味床上戲 道理哥終於醒番

今期第953期《火武耀揚》睇到我嘩嘩聲,邱瑞新久唔久就曬鹽花,呢招唔出奇,出奇在竟然如此重口味,安排汗青同一個肥婆交配,啲肢體動作仲要畫得極其露骨,甚麼五十路呀、肥痴女呀嘅日本怪癖類AV味道完全出晒嚟,我坐地鐵睇書,登時覺得有啲尷尬。今期除咗妖女搶眼外,丹心表現都唔差,估唔到佢手底功夫咁好,下下分筋銼骨,打到班新記爛仔斷手斷腳。咁當然,最震撼係道理哥醒番喇,我幾驚呢個角色以後都唔出場呀,你知喇,瑞新啲伏線有時伏伏吓會伏到無影架嘛。

Read more ›