Tag: 中東

【變態】4個月大貓咪被染成粉紅色 街市內做展品

生平最憎虐貓人士,欺負弱小,呢啲人實有報應!呢隻全身被染成粉紅色,只得4個月大嘅貓仔喺中東巴林嘅市場Isa Town Market被發現,當時嘅佢被當成展品咁放喺籠入面,覝場氣溫極高,據講佢身上嘅應該係粉紅色油漆,因為走近嘅人都聞到好大陣味。好彩最後有人舉報,而家隻貓貓被當地嘅愛護動物協會SPCA收留咗,獸醫都好擔心佢身上嘅染料會對佢造成傷害,而下一步佢哋會嘗試幫貓貓除色,估計都要幾次先成功,之後就等待有心人將佢帶返屋企。希望佢早日脫離而家嘅慘況,快啲搵倒個愛貓家庭。都係嗰句,呢啲虐貓人士一定有報應嘅。

Read more ›

2022世界盃贊助商LOGO被惡搞 VISA / Coca-Cola發聲明

2022年世界盃會喺中東卡達舉行,不過活動未開始已經有一連串醜聞爆出,賄選之外仲有1400個勞工死於建築工程,有外國組織就將幾個贊助世界盃嘅國際品牌LOGO改圖,例如麥當勞標誌就變成短鞭、adidas變墳墓,其他被惡搞嘅仲有VISA、SONY、Coca-Cola、Budweiser同韓國汽車品牌KIA,啲設計同標語同好精警,呢堆品牌好多都發表咗聲明敦促大會FIFA要處理好問題,咁搞法,2022年世界盃會唔會轉地點?

Read more ›

新片速報 BBC主播鏡頭前吸海洛英 High爆狂笑

雖然件事好認真,但我睇呢條片都係忍唔住笑咗幾次,事源駐中東嘅BBC主播Quentin Sommerville,最近報導阿富汗燒毁大量毒品嘅新聞,由於企得太接近毒品,懷疑被煙攻親high咗,喺鏡頭前不停傻笑。佢總共嘗試報導咗3次,其中一次仲醒目話要快快快!點知啲毒品真係太勁,最後都係狂笑拍唔成。佢最後將呢條片放上自己嘅twitter同fans分享,YouTube仲吸引超過250萬點擊,睇見佢瘋狂笑,我都好似take咗嘢咁忍唔住跟住佢傻笑。

Read more ›