fbpx

Tag: 丟那星

戇+九/多+久+魚 「丟那星」出WhatsApp Sticker

戇+九/多+久+魚 「丟那星」出WhatsApp Sticker

面書專頁「等那星」推出WhatsApp Sticker,有必要Download,因為世界蠢蛋與煩膠何其多,我們實在有需要以「EXACT7LY」、「福你個街」、「柒L懵懵食甜筒」、「岸久舞若衣」等字眼回覆。我尤其鍾意「戇+九」、「多+久+魚」,砌字好完美,搶眼兼一矢中的,儲低佢傍身無壞。

Read more ›

丟那星揮春+利是封+貼紙 「小人退散」最啱聽

丟那星揮春+利是封+貼紙 「小人退散」最啱聽

世界變咗,依家啲利是封絕對係能夠博你一笑嘅潮物,係可以儲的,唔一定要派的;揮春亦然,靚到可以儲,唔一定要貼。例子有「丟那星」嘅揮春($38)、利是封($38)同貼紙($20)。「我真係恭喜你呀」、「人人有腦用」、「小人退散」等等祝福語,非常啱聽,我Like。

Read more ›
丟那星 x Belongs To J. 推小李收啦你新年利是雙面啪啪斜揹袋

丟那星 x Belongs To J. 推小李收啦你新年利是雙面啪啪斜揹袋

就快豬年,以農曆新年為主題嘅精品排住隊出籠,包括呢個「丟那星」聯乘「Belongs To J.」出品、個名水蛇春咁長嘅「小李收啦你新年利是雙面啪啪斜揹袋」,顏色配搭同字眼都幾搞鬼,用嚟拜年放利是Very Good。不過咁,由於袋一面寫住「小李哈哈哈」,另一面寫住「收啦你柒頭皮」,長輩見到未必Like,所以要小心使用。另,同場加映兩款揮春,祝福語一正經一疑似唔正經,「出入平安」同「冚家富貴」是也,都OK討我歡心。價錢方面,袋連揮春套裝價$258,齋揮春一套兩款$38,報告完畢。

Read more ›
丟那星賀年揮春+利是封+貼紙 我真係恭喜你呀!

丟那星賀年揮春+利是封+貼紙 我真係恭喜你呀!

倒數中喇,仲有唔夠一個月就農曆新年喇,我好期待呀,「丟那星」呢堆賀年精品,唔知啱唔啱大家心水呢?依家逐樣同你數,主要分以下三大類別──「小人退散+人人有腦用」揮春一套兩款$38、「我真係恭喜你呀」利是封一包10個$38、「小人退散+人人有腦用」貼紙一套兩款$20,散買可以,唔同類別Mixed埋嘅套餐亦有。啲口號咁啜核,點只恭喜你,直頭笑死你呀。

Read more ›
丟那星有新精品 轆轆印KO福街與多舊魚

丟那星有新精品 轆轆印KO福街與多舊魚

勁愛「丟那星」出品嘅精品,最新有轆轆印,連個名都改得抵死過人嘅!分兩款名為──「福你個街」同「多舊魚」,尺寸各36 x 54mm。係咯,邊個福街你睇唔順眼,Or頂唔順有人事事都多9魚阻住地球轉的話,一於一嘢轆佢隻手、轆佢塊面、轆佢額頭,保證即時心都涼埋。價錢方面,買是但一款$58,買兩款平啲$110。咁頂癮,買番個擺喺Office備用都好喎。

Read more ›
丟那星聖誕驚喜套裝 $100啱Party玩交換禮物

丟那星聖誕驚喜套裝 $100啱Party玩交換禮物

又真係可以免煩喎,最怕公司啲甚麼聖誕Party玩交換禮物,又要限Budget但又諗唔到買乜,如果你都呢個煩惱的話,不如考慮丟那聲嘅「聖誕驚喜套裝」,每份一條紅衫魚,啱晒Budget,內包一Set Post-it加一卷膠紙帶,有啖笑都幾好吖。

Read more ›

過癮粗口諧音膠紙帶 辦公室洩憤必備

過癮粗口諧音膠紙帶 辦公室洩憤必備

老闆係你最唔想見到嘅人,但偏偏又要日日見嘅人,老闆係你最想媽叉嘅人,但你唔敢,因為佢係出糧畀你嘅人。問心,幾多次,對住無理取鬧嘅老闆,你有一巴摑埋去甚或反檯甚或打佢一身嘅衝動?無計,為五斗米折腰,去到口唇邊嘅老竇老母惟有硬生生吞番落肚,咁嘅時候,你絕對需要洩憤。強烈推介由「Diu le sing」製作嘅治療係紙膠帶,「Diu le sing」者,「丟那星」諧音也,膠紙帶亦寫滿粗口諧音,一撕一貼,邊個乞你憎就貼邊個,貼完,舒服晒!一套四款,分別係「99戇」、「柒少陣當幫忙」、「李露眉訓醒未」同「凋刁雕屌彫妖叼……」系列,各每卷$25,買齊一套$95。有興趣嘅,入佢哋面書專頁落訂喇。

Read more ›