fbpx

Tag: 世界紀錄

網圖分享:劉萬梁師傅破世界紀錄 崔成安賀圖相贈

網圖分享:劉萬梁師傅破世界紀錄 崔成安賀圖相贈

心心眼,又好葡萄,只有羨慕份兒,卻又有少少妒忌,點解雙節棍舞到出神入化嘅劉萬梁師傅,同畫壇大師崔成安可以咁Friend?Friend到成日有親筆畫相贈。話說2016年6月6日,劉萬梁師傅成功集齊優才(楊殷有娣)書院中學部嘅507位師生,一齊破咗全球最大型雙節棍課堂嘅世界紀錄。為此,崔成安專登作巨畫一幅以資紀念。幅畫好靚,成件事好有愛。

Read more ›

有片:練咗鐵頭功?跆拳道高手用頭碎磚破世界紀錄!

有片:練咗鐵頭功?跆拳道高手用頭碎磚破世界紀錄!

又嚟睇世界紀錄,今次刁鑽啲,跆拳道碎磚!或者你會問,有幾刁鑽呀?齋用手就梗係不值一提喇,如果用頭呢?用頭都未算,仲要打前空翻用頭碎磚,夠刁鑽未?破世界紀錄者叫Kerim Ahmetsapahic,佢應該練過鐵頭功,連續打咁多個觔斗都頂得住,厲害!最後喺35秒內破111塊磚,媽我齋睇都戥佢頭暈呀!

Read more ›
有片:其實唔難?單手拎15個桌球!

有片:其實唔難?單手拎15個桌球!

我認我無聊,睇完呢條片,真係有啲衝動蒲波樓,試吓可唔可以好似片中人咁,用一隻手拎起15個桌球,世界紀錄咁話喎。無錯,係疊吓疊吓戙高晒15個桌球,但手掌無番咁上下大、個底砌得唔好的話,都幾難成事。砌得到,戙得高,又有無力Keep住唔跌呢,亦係一個疑問。其實唔難?真係試過至知。

Read more ›
有片:總負重26931.67磅 孖辮拉巴士破世界紀錄

有片:總負重26931.67磅 孖辮拉巴士破世界紀錄

當真十個趣呀,居然有用頭髮拉巴士呢項世界紀錄,紀錄保持者來自印度,孖辮妹一個,名字叫Asha Rani。Asha Rani就係靠呢孖望落去一啲都唔算粗嘅孖辮,拉郁一架倫敦相層巴士,巴士裡面仲要坐咗32人,總負重係26931.67磅。咁拉法,頭髮唔斷固然匪夷所思,唔扯甩條頸直頭要拍爛手掌,如此奇妙的人體,絕對有資格上《歡樂滿東華》幫手籌款。

Read more ›
有片:怕唔怕甩牙骹?下爬頂100磅鐵梯!

有片:怕唔怕甩牙骹?下爬頂100磅鐵梯!

乜搵啲咁嘅嘢嚟玩?危險啲喎老友。100磅鐵梯,戙起有成16吋高,莫講話拎起都有困難,拎完仲要岳起個頭,用下爬頂住唔跌,平衡力要,腳力要、頸力更加重要,一時頂唔住,分分鐘成個下爬Chok甩,條頸都會整歪。為破紀錄,有時真係要搵命博。

Read more ›
有片:1001支飲管質入口 會唔會甩牙骹?

有片:1001支飲管質入口 會唔會甩牙骹?

我哋香港有個大口青,出晒名口大食四方,張達明亦曾經表演過成個拳頭擺入口,但二人喺呢位Dinesh Shivnath Upadhyaya面前,統統可以行埋一邊。事關此君破世界紀錄,將總共1001支膠飲管一之過放入口。唔睇片,都無概念1001支膠飲管綑埋一齊究竟有幾粗碌,質到連個口都見唔到,好恐怖,真係驚佢牙骹都甩埋。

Read more ›

【破世界紀錄】推BB車跑馬拉松 3小時17分完成賽事

【破世界紀錄】推BB車跑馬拉松 3小時17分完成賽事

能夠完成42公里嘅馬拉松已經唔容易,呢位啱啱生完BB嘅媽咪Jessica Bruce更厲害,因為佢全程推住架BB車跑,入面瞓住佢7個月大嘅BB Daniel仔,最後佢以3小時17分52秒完成賽事,破咗世界紀錄!佢同老公一齊跑英國嘅Abingdon Marathon,本來準備咗尿片比阿B換,但阿B頭20公里狂瞓,之後醒咗就兩頭望無扭計,好乖仔。原來呢位媽咪之前一直係跑手,最高紀錄試過2小時58分完成賽事,由於佢唔想生完B之後放棄跑步,所以就換個方式同BB一齊練跑參賽。遺傳咗優良血統,再加上自細受訓嘅Daniel仔,第時會唔會跑得特別快呢?

Read more ›
【有片】破紀錄全球最長pizza 1595米長用兩噸茄醬

【有片】破紀錄全球最長pizza 1595米長用兩噸茄醬

最近意大利米蘭World Fair就有呢塊破咗健力士紀錄,全球最長嘅pizza誕生,足足有1595米長,要同時間60位師傅一齊製作先搞得掂,淨係蕃茄醬都要用兩噸,mozzarella芝士都要半噸,仲要800張枱合併埋先可以將塊pizza平放,好誇張。咁大家最關心嘅兩個問題:點樣焗同埋最後點處理塊pizza呢?前者原來靠一個好似幫文件過膠嘅流動焗爐搞掂;至於處理方面,最終個怪物pizza分派咗比3萬個現場圍觀者,剩返嘅就送咗去食物銀行派比有需要嘅人士,而我最關注嘅係個pizza有無芝心邊?答案係無嘅。

Read more ›
闊過iPhone 6 世上最肥美舌頭 父女破世界紀錄

闊過iPhone 6 世上最肥美舌頭 父女破世界紀錄

今時今日,條脷夠肥美都可以成名。呢位叫Byron Schlenker嘅男士最近登上健力士世界紀錄,佢擁有一條世上最闊超肥美嘅脷,足足有8.3厘米闊,仲闊過部iPhone 6兩厘米!一伸出嚟就霸氣盡現!不過佢個女Emily都唔弱,條脷闊7.3厘米,而家都係女性最肥脷嘅世界紀錄保持者,加上佢得14歲,睇嚟有潛質贏埋佢爹哋。補充一句,媽咪條脷係正常呎吋嘅。

Read more ›
自拍神人破世界紀錄     1小時影1449張相

自拍神人破世界紀錄 1小時影1449張相

自拍都可以破世界紀錄?呢位黑人Patrick Peterson為咗破紀錄,搵咗大量朋友同佢自拍,喺一個鐘內影咗1,449張自拍相,平均每3.1秒影一張,成功破埋健力士紀錄!佢就幾爽,坐喺張椅上面,其他人就排住隊輪流攝個頭埋去同佢自拍,巨星風範。不過一個鐘hold住同一姿勢拎住部手機,相信都幾攰,佢無用自拍神器,我諗因為反應無咁快。唔講唔知,原來之前一年已經有呢個比賽,當時嘅自拍紀錄係1小時影咗657張,由Lee Goodfellow拍攝,就咁比的話,今次勁一倍有多。

Read more ›
Simpsons死忠粉絲 203個紋身破世界紀錄

Simpsons死忠粉絲 203個紋身破世界紀錄

之前編輯部話唔好寫咁多Simpsons,不過facebook好多讀者都鐘意Simpsons吖我覺得,所以我決定繼續介紹。今次呢個Simspson fans勁呀,全個背脊都係Simpsons紋身,總共有203個角色,佢而家仲申請緊健力士世界紀錄,估計好難有人破倒佢紀錄。BTW,呢位60歲嘅澳洲獄長Michael Baxter應該好食好住,你睇佢身形係咪越嚟越似Homer Simpson?

Read more ›

單腳跑半馬    2小時25分破世界紀錄

單腳跑半馬 2小時25分破世界紀錄

衷心佩服!跑半馬馬拉松,2小時25分51秒完成賽事,普通人都未必做到,更何況係用拐杖只得一隻腳嘅殘疾人士?呢位叫Larry Chloupek嘅外國人,今年1月參加咗美國亞利桑那州嘅Rock ‘n’ Roll Arizona Marathon,成功破咗世界紀錄,啱啱健力士正式確認佢嘅紀錄,成為世界上用拐杖跑半碼最快嘅人士,好感動。

Read more ›
5呎4吋高漢堡包   勁在企得穩挑戰世界紀錄

5呎4吋高漢堡包 勁在企得穩挑戰世界紀錄

5呎4吋,以女朋友嘅高度嚟講啱啱好,作為一個漢堡包嚟講就過份咗少少。呢間位於英國嘅餐廳Mister Eaters Fish and Chips,大廚John Clarkson最近整咗個號稱全球最高嘅漢堡,仲好威威幫佢改咗個名叫Pie-Scraper。入面唔止有平時見開嘅漢堡扒、生菜,仲有肉丸、意粉、薯仔批、布甸等等估你唔倒嘅食物,我最好奇係點樣可以做到迄立不倒?呢方面我睇唔透。

Read more ›
父子連續打乒乓波8小時40分   刷新世界紀錄

父子連續打乒乓波8小時40分 刷新世界紀錄

打乒乓波都有世界紀錄!Peter同Daniel Ives呢對父子居然連續對打8小時40分鐘,成功打破世界紀錄!呢張賽事總共擊球次數32000次,每人燃燒咗2359卡路里,期間最難忍相信係無得去廁所,忍尿功力要好到家先做得到,另外由於不停揮拍,兩個人打咗5小時已經感覺到膊頭極度酸痛,不過為咗破世界紀錄唯有頂硬上。最終邊個贏?無錯,係由24歲嘅仔仔打敗50歲嘅爹哋,好正常嘅,連續打足8小時,以集中力同體力嚟計,年青人始終佔優勢。

Read more ›
有片  英國最巨型狗狗高7呎4      壓爛14張梳化

有片 英國最巨型狗狗高7呎4 壓爛14張梳化

姚明7呎6,呢隻只得18個月大嘅大丹狗Freddy企起身都有7呎4吋高,同世界紀錄上最高嘅狗狗Zeus一樣高!不過佢仲細,所以好大機會打破世界紀錄。呢隻住喺英國Essex嘅狗狗,食量都好驚人,每個星期要食差唔多港幣1千蚊嘅糧,而且破壞力都好驚人,咁耐以嚟壓爛咗14張梳化,戰績輝煌!主人話為免嚇親其他狗狗,通常都係夜晚先帶佢出街。咁佢咪無朋友?慘。

Read more ›