Tag: 世界盃

Facebook瘋狂share 巴西世界盃街頭插畫

街頭藝術家Paulo Ito嘅作品好有個人風格,顏色鮮豔而且有寓意。巴西世界盃仲有半個月殺到,最近佢喺facebook有關巴西世界盃嘅呢張作品引起好多人討論,各大小媒體不停轉載,吸引超過3萬個分享,引起國際關注。圖中嘅巴西兒童瘦骨嶙峋,枱面無嘢食,只得碟上面嘅一個足球,諷刺巴西政府將所有資源投放喺足球,忽視貧窮問題。呢幅作品出現喺巴西嘅São Paulo,不過唔夠一星期已經被消失,大家喺熱捧世界盃之餘,都可以花少少時間關心吓周圍嘅社會問題。

Read more ›

世界盃球員今昔比 洛賓原來有頭毛

下個月世界盃,無論你睇唔睇波都一定會睇到有關嘅嘢,唔會走唔甩!今年世界盃,有好多球星都已經踢咗好多年,球迷們有冇印象佢以前係咩樣?講真,我真係唔知荷蘭嘅洛賓原來有頭髮,阿根廷美斯個髮型都變咗好多,而英格蘭謝拉特就殘得好快,唔知係咪今季喺球會太激心,至於朗尼,佢啲頭髮仲多咗喎……不過,其實我真係好想再睇朗拿甸奴呀,可惜巴西冇佢份。  

Read more ›

日本率先開賣 FIFA世界盃官方漢堡 吞個波落肚

嚟緊下個月就世界盃喇,球星雲集,平時唔睇波嘅都會睇吓啦。香港麥當勞唔知有咩搞,日本就搶先出咗個FIFA世界盃官方漢堡,呢個漢堡夾住嗰塊係炸豬扒,最正係個包呈立體足球狀,好似食緊個波咁係咪好開心先?單買399円,餐就699円,加唔加大?

Read more ›

杯緣子力撐世界盃 高舉日本國旗

可以掛喺杯邊嘅扭蛋OL公仔杯緣子「コップのフチ子」喺日本好紅,紅到連《火影忍者》都抄佢。嚟緊奇譚又幫佢出新款,今次同Ultras Nippon日本國家隊後援軍團合作,賀世界盃熱捧日本隊。杯緣子換上一身運動裝好有活力,仲大大力揮舞日本國旗,好有世界盃氣氛,如果你熱捧日本隊嘅話‥‥‥除咗舉國旗,當然唔少得佢嘅經典倒掛,仲有爆炸頭假髮新造型,照舊一式六款,包括一款隱藏角色,每個300円,5月底發售。

Read more ›

比卡超殺入世界盃 《Pokémon寵物小精靈》撐日本隊

真係勁,今年巴西世界盃喺6月12日至7月13日舉行,日本隊當然有份出席。而製造波衫嘅官方贊助Adidas更加宣佈咗同《Pokémon寵物小精靈》合作,除咗比卡超之外仲有10隻小精靈出場,除咗呢張圖之外,更加有比卡超唔同動作嘅萌圖……唔知仲會有啲咩精品出,又如果佢哋11隻去踢世盃,仲邊有得輸?

Read more ›

世界盃狗狗國家隊 戰鬥民族配雪橇

世界盃6月開鑼,外國動物攝影網Life on White最近就合成咗一輯相,所有狗狗著晒唔同國家嘅球衣列陣,熱門隊伍例如巴西、荷蘭、意大利、葡萄牙都有份,而且配搭有紋有路,日本當然係配最出名嘅秋田犬,戰鬥民族俄羅斯梗係係配霸氣嘅西伯利亞雪橇,有心思!

Read more ›

有片 無氣可口可樂 18款世界盃特別版

可樂迷注意,今個星期三巴西將會推出18款世界盃限定版樽裝可樂,不過無氣嘅,因為係迷你樽裝嘅吊飾。為咗慶祝2014世界盃6月喺巴西舉行,官方推出一系列以國家為題嘅迷你可樂樽吊飾,包括曾經舉辦過世界盃嘅阿根廷、日本,或者將會舉行嘅俄羅斯、Qatar等。可樂樽仲加入咗AR功能,可以透過手機玩互動,亦可以透過Facebook、iPhone或者Android apps同其他有買吊飾嘅朋友仔share訊息,香港暫時未有消息,有興趣嘅搵舖頭問吓啦。

Read more ›