Tag: 世界盃

印錯世界水杯 英格蘭後衛Chris Smalling變美國總統Obama

似樣咩?係有少少似嘅。呢單料幾好笑,係英國「Wholesale Clearance」印嘅世界水杯出咗事。事源佢哋本來係印英格蘭後衛Chris Smalling上隻杯度嘅,點知就印咗美國總統Obama上去,據知已經印咗2,000隻……奧巴馬著英格蘭波衫喎,我反而想買隻留念。

Read more ›

輸波冇心機 南韓球迷唔執垃圾

之前全世界都報道咗,日本球迷喺巴西睇完波執埋垃圾先走,輸人唔輸公德心嘛。咁之後,南韓又有報道,話喺南韓睇完直播活動嘅球迷都有執垃圾呀盛……不過呢,一次之後,喺早兩日南韓對阿爾及利亞2比4嗰場,啲球迷去棒球場睇完直播之後就有咁嘅情境喇。有幾多個國家好似日本咁自細就培養超強公德心吖?國民教育,慢慢嚟啦。

Read more ›
新片速報 墨西哥門神Guillermo Ochoa玩《少林足球》被惡搞

新片速報 墨西哥門神Guillermo Ochoa玩《少林足球》被惡搞

  今年表現最好嘅門將,暫時可能係巴西射極唔爆嘅墨墨西哥門將Guillermo Ochoa。繼之前惡搞圖之後,最新有《少林足球》版,難得外國人都咁識貨識得Key落《少林足球》!另外,仲有一條惡搞片,有條友扮阿門神,無論佢食緊飯或者同囡囡搭訕緊,都冇人可以射入佢守嘅龍門……

Read more ›
【有片】荷蘭fans再回帶 Flipbook版Van Persie入球

【有片】荷蘭fans再回帶 Flipbook版Van Persie入球

雲佩斯追平西班牙入嗰個入球,睇嚟大家印象都好深刻。繼大量惡搞之後,仲有埋呢個由「STABILO Stripeupyourlife」製作嘅Flipbook版,由入波到同教練雲高爾擊掌都有埋!BTW,擊掌嗰幕我諗起安西教練同三井壽。

Read more ›

本地薑插畫師 送32強桌布

世界盃球星插畫師,唔淨得外國先至有,本地薑質素都唔弱架,之前介紹過嘅面書專頁「GK球星插畫」就係好例子,插畫師Ivan手畫唔算靚絕,但極有個人風格,依家32強皆陣列在前,值得一睇喎。

Read more ›

南韓乖孩子 學日本球迷睇完波執垃圾

其實都未必係學嘅,不過咁啱喺日本球迷被全世界表揚喺現場睇完波執垃圾之後,就出咗呢段報道,話南韓球迷睇完波都執垃圾,可惜佢哋唔係喺現場報,只係18日喺光化門廣場睇完直播之後執……咁日本有好多網民一向唔妥韓國,就話佢哋跟實晒啦,其實好嘅習慣又怕咩俾人跟吖?我都想強國人跟吓呀。

Read more ›

有片 瘋狂座椅點扭都得 世界盃睇波良伴

所有根據人體工學設計嘅梳化都要行埋一邊,因為呢張倫敦Kirsi Enkovaara設計嘅「The Body」應該贏晒!喺世界盃期間,用嚟攤喺客廳睇波實在一流。佢強在可以自由伸縮,搓圓㩒扁,之後依然可以承托到人體重量,睇落仲相當舒適,我最鐘意係佢影嘅一系列官方相,玩到好盡!呵欠‥‥‥睇完堅眼瞓,無辦法,晚晚世界盃無覺好瞓,點解唔學非洲放返一個月假o架?

Read more ›

世界盃止癮系列 800個煙盒變球衣

英格蘭提早埋單,好多香港球迷都想嘆返個黯然銷魂飯。話晒今日星期五,我哋睇返啲世界盃無聊嘢,放鬆吓心情啦。英國藝術家Leo Fits Maurice好有創意,將一大堆唔同品牌嘅煙盒剪剪摺摺變成一件件迷你球衣,佢好大煙癮,集合咗800款煙盒,當然唔少得國寶級嘅紅雙喜啦!好多盒仲唔知係咪刻意,殘殘舊舊好有vintage效果。呢個叫「Post Match Series」嘅系列,之前喺倫敦展出,而家大家可以喺佢個網站慢慢欣賞。睇還睇,唔好點煙呀!

Read more ›

火速被改圖 墨西哥門神Guillermo Ochoa變奇洛甘道夫

噚晚巴西對墨西哥,雖然0比0,但一啲都唔悶,兩隊都踢得好!當中作出幾個神級撲救嘅墨西哥門將Guillermo Ochoa火速被外國網友改圖,佢變身《Matrix》嘅Neo,仲有《魔戒》嘅甘道夫大嗌:「You Shall not Pass!」好正!BTW,今晚西班牙,我希望見到卡斯拿斯上陣啦!我最鍾意睇跌低爬起身呢啲熱血嘢!

Read more ›

有片:足球神人 表演32高難度射球

係勁嘅,雖然明知無限NG過,但無損足球神人Remi Gaillard嘅出眾球技,食巴西世界盃熱,佢專登著齊32列強波衫,表演32個射球,勁得嚟仲要寸,每成功表演,佢都懶瀟灑擰轉身走人,好囂屎呀。

Read more ›

輸人唔輸公德心 西人表揚 日本球迷賽後執垃圾

日本人有公德心,所以你去日本旅行,會見到條街乾淨過香港好多,但其實垃圾筒又少過香港好多……除咗J-league外,我未去過外國睇波,唔知西人睇完波執唔執嘢,但佢哋見到日本球迷喺噚日朝嗰場波輸咗波都咁有品執晒垃圾,爭啲想拖埋笪地先走,就表示尊敬,不過驚訝多啲。

Read more ›

日本球迷騎呢4人組 由開心到失落GIF圖回顧

噚日世界盃日本經歷大起大落,先入一粒,點知最後被科特迪瓦連追兩球,最後2:1輸波。有睇場波嘅,應該都對現場4位化晒白面妝嘅fans印象尤深,外國網站BuzzFeed就將佢哋嘅歡呼同埋傷心過程整成GIF圖比大家回味。除咗佢哋4大護法,出名鐘意扮鬼扮馬嘅日本球迷仲有其他突出造型,入嚟有得慢慢欣賞。

Read more ›

新片速報 世界盃日本隊敗陣 涉谷街頭實況

日本由贏變輸,現場班日本球迷冇晒表情。咁喺日本又點?唔少地方都有搞直播活動,完場之後,涉谷嘅路口就出現超大量人群,亦都有超大量警察戒備……不過日本球迷都唔係好激動,唔駛吖!仲有兩場,比賽o依家先啱啱開始呀!

Read more ›

得意動物瑜伽圖集 紓緩睇波壓力

呢幾日睇波睇到好大壓力,係時候搵啲嘢睇吓輕鬆吓,我講嘅係得意動物呀!外國網站搜羅咗一班得意動物嘅瑜伽動作圖,有貓貓、狗仔、熊人、猩猩,全部都擺出高難度瑜伽動作,當然,佢哋唔係真係做瑜伽,而係咁啱得咁撟做緊啲伸展動作,但係效果好似真嘅一樣。其中有幾個動作真係好奔放,我睇到忍唔住大聲笑咗出嚟,係囉,雖然英格蘭同日本都輸波,都要笑住做人嘛。

Read more ›

Yaya Toure小時候 Twitter放4歲肌肉照

頭先睇完科特迪瓦對日本,日本入波先但輸咗,可惜。科特迪瓦班球員,個個都好大隻,當中嘅主力之一Yaya Toure原來細細個已經滿身肌肉。早前佢喺Twitter放咗張4歲嘅相片,我懷疑我未必夠呢個細路打。

Read more ›