Tag: 世界盃

【有片】日本球迷卡塔爾被狂讚 世界盃球場清潔隊震驚巴林YouTuber

【有片】日本球迷卡塔爾被狂讚 世界盃球場清潔隊震驚巴林YouTuber

世界盃決賽周,日本國家隊今晚9點先出場對德國,重現戴翅偉鬥史奈達一幕……不過日本球迷已經出咗場,而且又揚名海外。日本球迷一向好有公德心,睇完波全清潔完先走,你同我都知,不過卡塔爾、巴林球迷似乎唔知,有一位巴林嘅YouTuber早前就拍咗片放上網,話見到好多日本球迷清垃圾,唔只清同鄉帶嚟嗰啲喎,係清埋前後幾行……而英國《每日郵報》亦都有報道呢個題目,自己屋企袋垃圾都要擺幾日先肯拎出去丟嘅我,真係好慚愧……

Read more ›

世界盃落幕 甘小文嚴選最佳最差11人

世界盃落幕 甘小文嚴選最佳最差11人

世界盃曲終人散,克羅地亞不敵法國屈居亞軍,有人歡喜有人愁。甘小文作一總結,作畫一幅選「最雞11人vs最佳11人」,最雞11人有迪基亞(西班牙)、甘美治(德國)、碧基(西班牙)、卡路士山齊士(哥倫比亞)、奧達文迪(阿根廷)、奧斯爾(德國)、費蘭甸奴(巴西)、美斯(阿根廷)、尼馬(巴西)、加比爾捷西斯(巴西)同史達寧(英格蘭);最佳11人有蘇巴錫(克羅地亞)、查比亞(英格蘭)、華拉尼(法國)、洛夫蘭(克羅地亞)、哈利麥佳亞(英格蘭)、干堤(法國)、摩迪(克羅地亞)、夏薩特(比利時)、麥巴比(法國)、哈利簡尼(英格蘭)同基沙文(法國)。呢個名單,唔知大家同唔同意?我就大致上認同,惟獨史達寧,係就係浪費好多機會,但未致於「雞」,佢喺前面跑呀跑,拉開防線點都應記一功;洛夫蘭我都唔覺得好勁,少咗甩漏啫,稱唔上「佳」,頂盡只係合格。

Read more ›
估世界盃冠軍 Tonysart送Poster

估世界盃冠軍 Tonysart送Poster

面書專頁「Tonysart」有Poster送,當然,Poster並唔係甚麼好值錢禮物,但勝在大家可以考眼光,估吓邊隊攞世界盃冠軍即中獎,氣氛熱鬧啲,睇波都睇得開心啲喇。克羅地亞中場摩迪、法國前鋒基沙文、比利時中場奇雲迪布尼、英格蘭中鋒哈利簡尼,四個球員都畫得好靚。如果你都想要,就留言喇,總決賽開波前截止。

Read more ›
網圖分享:阮大勇畫夏薩特+麥巴比

網圖分享:阮大勇畫夏薩特+麥巴比

阮大勇雖然話自己唔算好迷足球,但今晚法國對比利時四強大戰前夕,都畫咗兩幅畫,一幅係法國前鋒麥巴比,另一幅係比利時前鋒夏薩特。我呢個英格蘭死忠呢,個心就好想好想比利時贏嘅,因為感覺上法國高比利時0.5班波。英格蘭聽晚贏完克羅地亞後決賽對比利時,贏面都會大啲。係,場波未打架,但我已經當咗英格蘭入決賽架喇,嘻嘻。

Read more ›
世界盃16強美女球迷圖集 好唔捨得葡萄牙/阿根廷

世界盃16強美女球迷圖集 好唔捨得葡萄牙/阿根廷

世界盃8強都出咗,C朗、美斯全部返家鄉,16強嘅強隊似乎好令人懷念。其實令人懷念嘅仲有一班靚女球迷。日本呢位網民分享咗張世界盃16強美女球迷圖,精選咗大量球場上嘅靚女球迷,睇完令人好唔捨得阿根廷同葡萄牙!入嚟有得研究吓。

Read more ›
長友佑都出「元氣彈」?妻子平愛梨賽後齊更新instagram

長友佑都出「元氣彈」?妻子平愛梨賽後齊更新instagram

噚晚日本隊同球迷齊齊坐過山車,輸咗好可惜,不過大家都要重新振作喇。當中喺賽前染金咗個頭話要變超級撒亞人嘅長友佑都,賽後都出instagram,話呢個世界盃好有趣,好多謝隊友、監督咁,而張圖就有網民話好似集緊氣出「元氣彈」(冇記錯超級撒亞人係出唔到「元氣彈」?)。之後,佢太太平愛梨都出咗圖,就係一大一細兩件波衫,因為今年2月佢哋生咗個囝囝呀。

Read more ›

世界盃變動漫世界 日本隊係地球人阿樂

世界盃變動漫世界 日本隊係地球人阿樂

自從有網民出咗張圖,將16強一邊變成「勇者鬥惡龍」角色,日本隊變咗史萊姆之後…….就出現好多動漫作品改圖,包括《龍珠Z》,日本隊就係爆死阿樂……咁16強另一邊呢?亦有人將啲國家隊變成《One Piece》角色,咁,係咪悟空會攞冠軍?

Read more ›
【有片】全中三串一 日本章魚「ラビオ君」賭命

【有片】全中三串一 日本章魚「ラビオ君」賭命

真係慘,輸就話啫,贏都……呢隻北海道嘅章魚「ラビオ君」,係當地漁夫為咗抽吓世界盃水搵佢出嚟估波嘅,即係抄以前條德國章魚阿Paul,咁呢隻北海道出品嘅海鮮,竟然先估中日本贏哥倫比亞喎!再嚟又估中打和塞內加爾喎,最後仲中埋輸咗俾波蘭!三串一搞掂咁點先?當大家都想知佢下場會估日本贏和輸嘅時候,佢嘅下場就係……已經被人趁新鮮而煮熟出貨,慘過德國隊。

Read more ›
【有片】日本隊出線 渋谷、道頓堀大量球迷慶祝

【有片】日本隊出線 渋谷、道頓堀大量球迷慶祝

出線16強!雖然日本隊噚晚場波好唔積極,仲被網民用結衣BB套日劇名「逃避雖可恥但有用」嚟形容,但出線就係出線啦!球迷們又出去東京渋谷路口慶祝!不過慶祝得嚟依然好有秩序。另一邊大阪,道頓堀嘅戎橋又有大量球迷,上次跳到條橋震晒,今次仲嚟?會唔會危險呀?

Read more ›
【有片】世界盃出線16強 日本電視台街頭慶祝片咁樣拍

【有片】世界盃出線16強 日本電視台街頭慶祝片咁樣拍

日本隊雖然輸波,但成功出線16強,球迷梗係開心,睇電視亦梗係會見到好多球迷喺街頭慶祝,咁上次贏波都喺澀谷一帶都見過有幾熱鬧,但偏遠嘅地方呢?有日本網民就喺仙台見到電視台拍「好熱鬧」嘅影片……

Read more ›
【有片】協助盲聾朋友睇世界盃     自製迷你球場「講波」超感人

【有片】協助盲聾朋友睇世界盃 自製迷你球場「講波」超感人

好想睇世界盃支持自己嘅國家,但係對於又聾又盲嘅巴西男士Carlos嚟講,似乎好難實行。好彩佢有個好朋友Hélio。為咗令佢感受到世界盃嘅刺激,專登整咗一個迷你球場,然後喺啱啱場「巴西對哥斯達黎加」嘅賽事舉行期間捉實朋友隻手,俾佢摸到球賽上發生緊嘅實況。段片放上YouTube後感動咗好多網民,入嚟有回帶。

Read more ›

世界盃日本贏波  大阪えびす橋震埋一份

世界盃日本贏波 大阪えびす橋震埋一份

幾日前世界盃,日本以眾凌寡以2:1擊敗哥倫比亞,舉國歡騰係意料中事,估唔到嘅係連大阪えびす橋都開心到「震」添。事緣贏波後,日本球迷企喺大阪えびす橋跳舞慶祝,跳到條橋上下左搖右擺,都咪話唔激。

Read more ›
老婆唔俾去俄羅斯    老友組團帶「紙牌人」睇世界盃

老婆唔俾去俄羅斯 老友組團帶「紙牌人」睇世界盃

一年一度嘅世界盃,作為球迷梗係好想親身去感受吓。墨西哥男子Javier本來約咗幾個朋友今年一齊去俄羅斯睇世界盃,點知老婆臨時唔俾佢去,班friend當然照去啦,仲無掉低佢,專登帶埋佢個1:1人形紙牌去,仲幫佢著咗件寫住「我老婆唔俾我去」嘅T恤,之後周圍影相留念,仲安排咗好多靚女俾佢,好明顯呢班係真朋友啦!

Read more ›
有片:三上悠亞做世界盃宣傳大使 露腰波衫搭短裙

有片:三上悠亞做世界盃宣傳大使 露腰波衫搭短裙

擒晚2018世界盃開鑼戰,沙地阿拉伯簡直慘不忍睹,堪稱麥花臣水準,仲要係元老盃嗰隻,成班球員慢吞吞行行企企都唔知踢乜,輸俾俄羅斯五比零,真係無眼睇。輸波輸錢唔緊要,因為有三上悠亞哄番我,呢位澳門彩票有限公司MacauSLOT世界盃宣傳大使,剛剛喺Twitter放咗條片,著住件性感露腰波衫搭短裙仔,扭吓擰吓。雖然唔知佢講乜,但亦無需要知佢講乜,有靚女睇,我心情的確好番唔少。

Read more ›
有片:adidas世界盃廣告 陳奕迅做MC碧咸話想落場踢

有片:adidas世界盃廣告 陳奕迅做MC碧咸話想落場踢

adidas 「Creativity is the answer」系列廣告有N咁多版本,好多球星何只無對白,直頭出場都唔夠一秒,一閃即逝。我哋香港人,就梗係撐番自己友,睇陳奕迅做MC嗰個版本喇,廣告中佢話:「創造,唔係跟風,推翻限制,打破規範,呢一刻由你創造。」都OK型嘅,不過幾型都唔及碧咸一句:「我都好想落場呀。」係囉,如果你話碧咸都可以落場踢2018世界盃,你話幾好呢?撐英格蘭!撐撐!撐!

Read more ›