國足海報寸定Fun?香港足總改圖對著幹

為呼籲球迷支持中國國家隊打世界盃外圍賽,中國足協設計咗四張海報作宣傳,四張海報皆以「不輕視任何對手」為題,擺明車馬針對同組對手不丹、香港、馬爾代夫同卡塔爾,分別以超Sharp醒嘅紅黃綠紫底色,內容亦極具挑釁性,如果單計吸睛度,中國足協明顯勝了一仗。面對港足,國足用以下言詞挑機──「這支球隊的人,有黑皮膚,有黃皮膚,有白皮膚,這麼有層次的球隊,得防著點!」表面好Funny,實則寸到無朋友。為此,香港足總即刻改圖還拖,改字變成──「唔好比人睇死,我哋呢支球隊,有黑皮膚,有黃皮膚,有白皮膚,目標係要為香港出一口氣,你係香港人點都要撐!」啱吖,波係圓嘅,未落場踢過都唔知邊隊輸贏,9月3日同11月17日主客兩場賽事見真章囉。

Read more ›