Post Tagged with: "下載"

《The Sims 4》解碼器免費下載   小便沖涼無格仔
by / on 12/09/2014 at 7:05 am

《The Sims 4》解碼器免費下載 小便沖涼無格仔

有玩《The Sims 4》都知遊戲畫面經常被馬賽克加格仔,小便、沖涼、餵人奶都會馬賽克和諧一下。外國網友moxiemason就整咗個解碼器,喺遊戲內裝完後,就可以自動將以上場面解碼,例如佢示範小便打格嘅畫面,解碼後連篤尿都睇得一清二楚,好過癮,由於免費有得下載,安裝方法容易,難怪短時間已經吸引超過3萬人下載,仲被一致讚好!好邪惡呀!

Read more ›

成人版emoji  舉中指煲煙很想要!
by / on 09/08/2014 at 2:23 pm

成人版emoji 舉中指煲煙很想要!

emoji成日用,但係成人版嘅emoji都係第一次見!有舉中指、煲煙、大胸女,好爆好想用!呢個app叫「Texticle」,iPhone或者Android機都可以比錢下載,香港app store有,可惜google play暫時未support,要玩要用詭計。個app仲有埋平時用開嘅正常emoji,等你可以一次過方便隨時轉換。下次同女神whatsapp唔一定用傳統emoji,試吓用呢幾個突出嘅曳曳公仔,分分鐘有意外收穫!

Read more ›
免費增高手機app   突然變高唔穿崩
by / on 04/08/2014 at 7:11 am

免費增高手機app 突然變高唔穿崩

想執靚個樣可以用「美圖秀秀」,想執到自己又高又瘦?可用呢個叫「Spring」嘅手機app,支援iPhone同埋Android手機,免費下載。玩法係將相中人嘅膊頭、盆骨、腳裸位置定位,之後再根據呢三個定位將個人拉長,拉幾長由自己決定,去盡啲定自然啲都由你話事。親身試過,背景效果唔太假,呃得吓人。

Read more ›
「人貓翻譯器」手機app   人貓溝通第一步
by / on 21/07/2014 at 7:02 am

「人貓翻譯器」手機app 人貓溝通第一步

世上最遠嘅距離,係你不停同屋企隻貓貓講嘢,但佢完全唔知你講乜,連眼尾都唔睄你一下。網上見倒呢個「人貓交流器」手機app,將你想對隻貓講嘅嘢錄底,佢會自動根據音頻分析幫你翻譯成貓話,再播返比隻串串貢嘅貓貓聽,拉近你哋之間嘅距離。內置咗25隻貓超過175種貓話樣本,支援所有人類語言(斯瓦希里語除外),講真,真假無從考究,旨在自己開心吓。另外仲有16種貓叫樣版,得閒無嘢做想引佢注意都可以播吓,不過記住狼來了嘅故事,玩多幾次之後,分分鐘佢以後唔再應你。

Read more ›
《Angry Birds》亂乘《變形金剛》  玩具/App九月推出
by / on 18/06/2014 at 7:45 am

《Angry Birds》亂乘《變形金剛》 玩具/App九月推出

《Angry Birds》大家收埋咗喺床下底好耐,但係佢無放棄自己,繼之前同《Star Wars》合作後,最新消息係同呢期好紅嘅《變形金剛》亂乘,孩子寶將會同Rovio合作推出「Angry Birdx x Transformers」系列玩具,另外今次合作當然唔少得出多個APP等大家部手機一齊玩,預計今年9月登場,睇造型感覺幾驚嚇,《變形金剛》fans頂唔頂得順?

Read more ›
【PlayStation遊樂園】PS Vita出新色  《Freedom Wars》體驗版12/6免費下載
by / on 10/06/2014 at 8:26 am

【PlayStation遊樂園】PS Vita出新色 《Freedom Wars》體驗版12/6免費下載

PS Vita隻《Freedom Wars》日文體驗版,過兩日(12/6) PSN有得免費下載,未買機嘅,官方都公佈咗兩隻新色,「紅/黑」和「藍/黑」都係7月3日推出,售價$1680。另外13號就到世界盃,玩開《FIFA 14》可以試埋「2014世界盃模式」更新,開放世界盃32 隊國家隊,亦可以使用「世界盃挑戰模式」,揀選自己鐘意嘅國家隊,一手一腳帶領球隊過五關斬六將捧盃。最後見倒多樂貓同個生日糕,就知PS Plus又有週年優惠,7月2日前訂12個月PS Plus會籍會送多兩個月,仲有抽獎,詳情自己慢慢睇。

Read more ›

搵手機專用聲控app   嗌名識應機
by / on 30/05/2014 at 6:41 am

搵手機專用聲控app 嗌名識應機

你同我都試過搵勻成間屋都唔見部手機,偏偏著晒鞋趕住出門口,呢個時候,Matt Wiechec發明嘅手機app「Marco Polo」可能幫倒手。當你大嗌「Marco」嘅時候,你部手機就會大聲嗌返「Polo」嚟回應你,咁你就可以知佢匿埋咗喺邊,唔駛再同佢玩伏喱喱。呢個app喺iTune已經有得下載,開價美金$0.99。如果怕佢嗌得太大聲仲可以設定音量,亦有30個話音設定,等你將唔同裝置set唔同名,唔會嗌佢個名時,部iPhone、iPad、iPod Touch一齊應你。不過話時話,部手機識應你呢件事,諗起都好怪異。

Read more ›
麥記薯條換新衫     手機app賀世界盃
by / on 28/05/2014 at 7:20 am

麥記薯條換新衫 手機app賀世界盃

世界盃好快殺到,我都準備定嗌麥麥送夜晚幫我加油。最近外國麥當勞宣佈咗個新活動,經典嘅紅色薯條盒將會換上世界盃新裝,據聞係有史以嚟第一次換裝,而受影響嘅薯條包括中碼同大碼,一式十款新裝全部由世界各地知名藝術家專為世盃主題而設計。同步麥記都會出個新app叫「McDonald’s GOL!」,下載後用手機對住個薯條盒拍攝就可以開啟AR功能,薯條盒變龍門,手機屏幕變球場,手指篤篤就可以射波,好爽!唔知香港麥記會唔會跟埋一齊玩呢?

Read more ›
iPhone 6開發機流出?    網上3D檔免費下載
by / on 11/05/2014 at 12:58 pm

iPhone 6開發機流出? 網上3D檔免費下載

iPhone 6好多果迷引頸以待,究竟個芒會係4.7吋抑或5.5吋?網上見倒兩部iPhone 6,唔係扮唔小心漏低嘅開發機,而係fans用3D印刷造出嚟嘅機,嚴格嚟講即係山寨機。有錢嘅,可以比美金$25去Martin Hajek嘅網站下載3D檔自己印返個,無錢嘅,可以去網友arthurtilly嗰度免費下載,佢好大方無Martin咁計較。整完有乜用?等你適應吓大芒iPhone嘅手感,到時一出即買,就可以免去適應期,呢段時間仲可以用佢嚟玩吓朋友,引起吓話題咁囉。

Read more ›
古惑巴打專用App   自動發送冧女訊息
by / on 27/02/2014 at 7:09 am

古惑巴打專用App 自動發送冧女訊息

好古惑!有女朋友嘅都試過比BB豬問你做乜呢排少咗send message比佢,呢個叫BroApp嘅應用程式,可以幫你定時定候自動send訊息比女友,sweet爆訊息唔駛自己諗有得抄,仲可以設定幾時send出去,最貼心係為防你同女友一齊時唔覺意send咗訊息穿煲,程式比你預先設定女友屋企嘅Wi-Fi網絡,一接收倒就會停止send訊息。不過想用嘅話,首先要識返個鬼妹女朋友先‥‥‥

Read more ›
芝麻街抽水出《Flappy Bert》   明抄《Flappy Bird》
by / on 18/02/2014 at 7:12 am

芝麻街抽水出《Flappy Bert》 明抄《Flappy Bird》

早前手機遊戲《Flappy Bird》突然下架,創辦人阮哈東好有型,話呢隻Game令佢多咗好多煩惱,寧願放棄日賺30萬,毅然將遊戲下架。不過據知近日大量山寨遊戲改成《Flappy XXXX》嘅名,諗住混水摸魚,不過已經被蘋果同埋Google識穿,全部拒絕上架。好彩網上仲搵倒呢隻叫《Flappy Bert》嘅遊戲,個名夠風趣,而亞Ber咪t就係芝麻街嗰位主角。串在係芝麻街網站出品,玩法擺明抄《Flappy Bird》,勝在上網玩得,蘋果Google都無佢符。

Read more ›

Marvel月曆Wallpaper   玩懷舊免費下載
by / on 04/01/2014 at 7:17 am

Marvel月曆Wallpaper 玩懷舊免費下載

唔講唔知,原來日曆係會循環嘅,2013年嘅日子同埋日數,正好同1975年一模一樣,即係話如果你仲未掉當年嘅日曆,理論上可以重用。外國網Andertoons就出咗一套2014年Marvel月曆Wallpaper,用嘅係1975年曆法,每個月都有一張懷舊Marvel英雄陪你過日辰,入嚟有得免費下載2560 X 1200高像素Wallpaper。話時話,除咗1975年,其實2013、1997、1986、1975同1969年,都同今年2014嘅曆法一樣,你有無儲起當年嘅月曆?

Read more ›
《半澤直樹》大熱日劇出文具   打工仔秘密用
by / on 21/08/2013 at 7:42 am

《半澤直樹》大熱日劇出文具 打工仔秘密用

日劇《半澤直樹》喺日本真係好紅,除咗成為今季No.1 收視嘅日劇,仲有一系列周邊產品搶住出籠。之前介紹過有加倍奉還饅頭,轉頭就見倒呢套即將喺9月推出嘅文具系列,有齊打工仔必備嘅原子筆、筆記簿、File同埋Memo紙,仲印埋「東京中央銀行」字樣,搞到我都好想買返套擺喺公司振聲威。只不過,如果老闆咁啱有睇呢套日劇,會唔會覺得我想作反而針對我?我唔想日日返工為報復呀!

Read more ›
暑假無聊玩   300款日式摺紙免費下載
by / on 24/07/2013 at 6:30 pm

暑假無聊玩 300款日式摺紙免費下載

放暑假如果你屋企唔好彩有個好百厭嘅表弟表妹要你照顧,我強烈推介呢個網站比大家,可以消耗晒佢嘅精力。3M旗下文具品牌Scotch夏日搞咗個摺紙活動,將超過300款摺紙圖樣放上網,直接列印出嚟就可以摺,而且款式好靚,有雪糕和服單車,連啤酒都有,當然,要摺得靚梗係要買返Scotch嘅膠紙、漿糊筆之類嘅文具,好合理吖。

Read more ›
新片速報  官方認可Toy Story重製低清片
by / on 14/01/2013 at 8:09 am

新片速報 官方認可Toy Story重製低清片

你無睇錯,呢套Toy Story新片真係得到Pixar官方認可製作,由兩個分別19歲同埋21歲嘅年青人Jonason Pauley及Jesse Perrotta,用咗兩年幾時間,以真實玩具重製嘅1小時20分鐘長片, YouTube啱啱有得睇。拍攝手法非常lo-tech,用stop motion加真玩具,仲可以見到魚絲吊住公仔郁嚟郁去;畫質呢?我盡力cap張靚圖,但得480p解像度‥‥‥故事呢?同第一集一樣,不過個小朋友變咗真人o靚仔。不過誠意呢?我會比滿分。最欣賞都係Pixar嘅大方,支持二次創作。而大家睇過呢個lo-tech版,又會更加佩服Pixar嘅特效,呢啲咪雙贏囉。

Read more ›