Post Tagged with: "上野動物園"

日本「上野動物園」超長人龍     排隊朝聖睇熊貓B
by / on 18/03/2018 at 2:12 pm

日本「上野動物園」超長人龍 排隊朝聖睇熊貓B

日本人好鍾意排隊,不過最近連動物園都要排隊真係幾誇張,講緊嘅係最近好出名嘅上野動物園。之前我哋都報導過,自從上年6月熊貓BB香香出咗世之後,動物園嘅參觀人數就激增,直至今時今日熱潮依然未減退。最近有日本媒體喺平日去咗影吓排隊盛況,平日開門時間9點半,不過9點鐘開門前已經排滿人龍,睇相都見到勁誇張。工作人員依家每日會派9,500張號碼籌,攞咗籌嘅就可以喺指定時間、指定地區觀賞香香熊貓。以平日嚟計,職員話大概早上11點就會派晒所有籌,留意係平日咋喎,如果假日去情況就更加誇張嘞,有興趣去上野動物園嘅朋友要留意返嘞。

Read more ›

【新片】日本「上野動物園」熊貓明星B 偷撞媽媽片Twitter熱傳
by / on 02/02/2018 at 7:33 am

【新片】日本「上野動物園」熊貓明星B 偷撞媽媽片Twitter熱傳

喺上野動物園出世嘅熊貓BB「香香」喺日本超高人氣,之前入場睇佢要抽選,而家就要排隊攞籌限制人數,為咗滿足fans要求熊貓BB仲要加班。最近動物園放咗段新片出嚟,見到熊貓BB好貪玩,偷撞大熊貓媽媽嘅後腳,仲令對方唔覺意跌咗一下,超可愛!段片喺Twitter好多人RT,相信又會吸引大量好鍾意熊貓嘅日本人去探佢哋嘞!

Read more ›
日本上野動物園「神鳥」笑了 曬日光浴超爽
by / on 06/06/2017 at 7:51 am

日本上野動物園「神鳥」笑了 曬日光浴超爽

仲記唔記得日本上野動物園呢隻神鳥「ハシビロ先輩」?佢出名唔多願郁,喺Twitter一直好高人氣。最近有網民去咗探佢,發現佢攤咗喺稻草上曬日光浴!留意佢個嘴仲微微張開,表情好似笑緊咁!呢幾張相喺Twitter好多人分享,話好少見先輩咁開心。不過有網民就喺同日去咗,但係只影到合埋口唔多郁嘅先輩。BTW,佢瞓咗喺度之後就一直無再郁,果然同佢本身嘅性格好吻合。

Read more ›
日本上野動物園「神鳥」終於郁    振翅高飛Twitter熱傳
by / on 26/02/2017 at 12:56 pm

日本上野動物園「神鳥」終於郁 振翅高飛Twitter熱傳

日本上野動物園呢隻神鳥喺Twitter一直好高人氣,綽號「ハシビロ先輩」,出名在於好少郁動,就算2015年豪雨佢都只係稍微移動咗一下,散步都行得好慢。最近官方放咗佢三張相上Twitter,睇到佢居然振翅高飛!好可愛呀!BTW,其實佢嘅學名叫「鯨頭鸛」,係現存鳥類入面個頭最大嘅,樣惡惡但其實好有靈性,仲同咭牌遊戲「Battle Spirits」入面嘅「火忍ハシビロウ」一樣樣,下次去開上野動物園記住睇吓佢有無郁嘞!

Read more ›
【現形】日本上野動物園出現《功夫熊貓》 雙腳站立握拳好兇狠
by / on 28/03/2016 at 12:39 pm

【現形】日本上野動物園出現《功夫熊貓》 雙腳站立握拳好兇狠

東京嘅上野動物園有隻國寶熊貓,日本人鍾意熊貓,所以佢都幾受歡迎。不過最近有日本網民就影咗幾張相,發現呢隻熊貓有功夫底,經常雙腳站立,十足電影《功夫熊貓》嘅主角。有網民仲話佢睇落好似有啲污糟,而家似熊多過熊貓,希望下次去探佢時乾淨啲,定還是佢天生毛色比較深?

Read more ›
日本騎呢動物面膜     上野動物園老虎出動
by / on 17/05/2014 at 12:08 pm

日本騎呢動物面膜 上野動物園老虎出動

蝸牛面膜、蛇毒面膜已經out咗喇,最近日本最人氣嘅面膜,係呢款動物面膜!勁在好似面具咁,敷上面好似玩cosplay,身邊人一定嚇親!呢款咁cute嘅面膜由一心堂同東京嘅上野動物園合作,搵咗動物園入面最紅嘅老虎同埋熊貓做主角,跟足佢哋面型樣貌做設計,開價880円一pack兩款,熊貓老虎都要扮,無得揀。想買除咗去一心堂之外,據聞Tokyu Hnads都會入貨,5月23日開賣,做手信一流。

Read more ›