fbpx

Tag: 上映

【有片】新劇場版《鐵甲萬能俠/ INFINITY》新預告 女子組合係咩玩法?

【有片】新劇場版《鐵甲萬能俠/ INFINITY》新預告 女子組合係咩玩法?

好正喎!宮迫博之會參演,同朴ろ美一齊聲演「あしゅら男爵」一角,仲有おかずクラブ就演出新角色「マジンガールズ」,4人女子組合,呢條預告中都會睇到!呢套《劇場版 マジンガー Z / INFINITY》下年1月喺日本上映,都係嗰句,聽到水木一郎大哥重新演繹主題曲,已經熱血到鐵壁都爆開!

Read more ›

【有片】放射線來了!動畫劇場版《GODZILLA 怪獣惑星》本篇預告

【有片】放射線來了!動畫劇場版《GODZILLA 怪獣惑星》本篇預告

虚淵玄負責劇本,呢套動畫劇場版《GODZILLA 怪獣惑星》日本11月17日上映,故事背景係2萬年後嘅地球,已經被哥斯拉等怪獸支配。今次預告見到更多怪獸,啲空戰場面型喎!

Read more ›
新片速報    7分鐘睇晒     197套2014年上映電影合輯

新片速報 7分鐘睇晒 197套2014年上映電影合輯

2014年你入戲院睇過幾多套戲?唔緊要,加拿大有個電影狂迷The Sleepy Skunk將197套喺2014年上映過嘅電影,剪輯成一條6分幾鐘長嘅Trailer,有齊《蜘蛛俠2》、《飢餓遊戲:自由幻夢Ⅰ》、《星際啟示錄》甚至冷門啲嘅《星際異攻隊》,6分鐘眨吓眼就過,認唔認得有幾多套你睇過?

Read more ›
多啦A夢廚房玩具   技安變漢堡從良

多啦A夢廚房玩具 技安變漢堡從良

啱啱喺日本上映嘅多啦A夢電影《STAND BY ME ドラえもん》反應勁好,可惜香港仲未宣佈幾時上,灰爆!為咗分散注意力,唯有睇吓啲周邊玩具啦。RE-MENT啱啱就公佈全新嘅烘焙坊玩具系列,牙刷仔呢位上等人就主打法包,多啦A夢就比變咗蛋糕撻比人切面,最搞笑係技安,變咗漢堡包,無晒頭髮塊面圓圓哋乖仔晒。1式8款預計9月推出。

Read more ›
日本《哥斯拉》X PREMICO手錶   全球限量1954隻

日本《哥斯拉》X PREMICO手錶 全球限量1954隻

日本人都幾等得,電影《哥斯拉》香港落咗畫,不過日本要7月25日先上畫,新戲加上今年哥斯拉60周年,日本方面就同PREMICO推出咗隻特別版哥斯拉手錶,全球限量1954隻,錶面有大大隻嘅新版哥斯拉張牙舞爪,下面仲有縷空位置模仿高樓大廈,黑蛇皮手帶,背面有哥斯拉抓痕嘅電影LOGO,開價39800円,港幣3千零蚊左右,月底推出。

Read more ›
《多啦A夢》百寶袋戲票套裝   電影周邊產品網上預訂

《多啦A夢》百寶袋戲票套裝 電影周邊產品網上預訂

多啦A夢套3DCG電影《STAND BY ME ドラえもん》8月8日就喺日本上映,老實呢套我非常期待!日本最近已經開始預售戲票,仲出埋多啦A夢四次元百寶袋或者風呂敷手巾仔戲票套裝比fans一齊預訂,百寶袋或者風呂敷入面可以裝埋張戲飛,成人賣2000円,小童1400円,帶埋去戲院相當有愛!同步仲出咗好多周邊產品,有T恤、領呔、手巾仔、杯等等,多啦A夢迷入嚟前小心睇實銀包。

Read more ›

新片速報  猩猩撐場睇《猿人爭霸戰》  狂隊爆谷汽水

新片速報 猩猩撐場睇《猿人爭霸戰》 狂隊爆谷汽水

有無人同我一樣覺得猩猩超得意?《猿人爭霸戰:猩凶崛起》香港今日上畫,有兩隻兩歲大嘅猩猩仔就去咗外國電影院捧自己友場,由動物園Myrtle Beach Safari嘅保母帶住佢哋出巡,好似你同我咁,睇戲唔係重點,重點係食爆谷!飲汽水!睇片見佢哋喺戲院入面又扭計又拍手,見倒敵人出現會呱呱叫,七情上面,不過點都唔夠佢哋狂隊爆谷咁爆笑!喂,唔好掛住食,拯救地球靠你哋o架!

Read more ›
《變形金剛》玩捉鬼敢死隊    忍者龜回到未來

《變形金剛》玩捉鬼敢死隊 忍者龜回到未來

今集變形金剛《Transformers: Age of Extinction》有香港景,成個會展頂部吸起,6月26日好難唔入場睇!電影未上畫,可以睇吓其他人嘅二次創作,好似呢位加拿大設計師Darren Rawlings就將熟口熟面嘅車變形,例如《捉鬼敢死隊》架捉鬼車Ecto-1、《回到未來》嘅DeLorean、《忍者龜》嘅Party Wagon等等,效果唔錯,不過唔知邊隻最好揪呢?

Read more ›
Medicom出壇蜜figure 換衫變未亡人

Medicom出壇蜜figure 換衫變未亡人

日本壇蜜除衫打怪獸嘅特攝片《地球防衞未亡人》啱啱喺日本上映,香港仲未有得睇,或者唔知會唔會有得睇,不過日本玩具公司MEDICOM就乘勝追擊推出壇蜜Figure,高30公分,今次壇蜜除咗橙色嘅防衞隊隊員服裝之外,仲有好賢淑嘅未亡人造型,可以自己幫佢換衫。開價22,000円,即日接受預訂,不過要11月先有得拎。

Read more ›
門票開賣 《Evangelion新劇場版:Q》買飛送文件夾

門票開賣 《Evangelion新劇場版:Q》買飛送文件夾

講明先,我啱啱先巡過各大院線網上購票情況,暫時只得Element嘅The Grand喺網上開賣,而且只得第一日(4月24日),仲要只得5:50pm同7:40pm兩場。相信其他院線都會喺呢兩日開始有得賣喇。另外官方就啱啱公佈咗話喺戲院買飛睇《福音戰士新劇場版:Q》,買夠兩張就可以得到文件夾換領証1張,數量有限,同埋網上買飛未必有喎。最後,呢張相基本上唔關事,只係今日鈴鹿賽車場中EVA車隊嘅Racing Girl福滝りり,不俗。

Read more ›