《今晚打喪屍》漫畫化 誰是主筆等余兒開估

拿,余兒呢個Post係11月3日出嘅,曰:「好耐無搞漫畫,今次有啲啲壓力,因為⋯⋯《今晚打喪屍》漫畫化決定!主筆犀利嘞,大家估下係邊個?」而我遲遲都唔報呢單News,係因為等開估,點知等到今日11月8日,余兒都仲未肯爆料邊個畫,有人估夏偉義,有人估牛佬,洪永仁、伍永新、白金龍、上官小明、葉偉青、胡紹權、甘小文、上官小寶、上官小威、黃水斌甚至連黃玉郎同馬榮成等等都有人估……余兒,究竟幾時開估?幾時出?乜形式推出?好期待。諗諗吓,一本純本土創作嘅小說先電影化再漫畫化,都咪話余兒唔叻仔,讚!

Read more ›