Post Tagged with: "上官小強"

懷念上官小強 眾籌《壽星仔封面大全集‧其之四》
by / on 02/05/2019 at 9:30 am

懷念上官小強 眾籌《壽星仔封面大全集‧其之四》

如果你懷念上官小強,也懷念《壽星仔》,可以考慮參加眾籌《壽星仔封面大全集‧其之四》,方法係花$50成為「壽星俱樂部」會員即可。待眾籌全額作實,有關方面就會公告單一本價格,封頂價$100。截止日期由即日起至5月31日,有興趣嘅,去信和走一趟「壽星專門店」落訂喇,希望大家多多支持。

Read more ›

梁瑋豪製《壽星仔》WhatsApp sticker 歡迎下載
by / on 20/11/2018 at 8:45 pm

梁瑋豪製《壽星仔》WhatsApp sticker 歡迎下載

近排人人都玩WhatsApp sticker,相信你都儲落唔少喇,而作為上官小強Fans嘅你我他,又點可以少咗呢套《壽星仔》sticker呀。呢套sticker由梁瑋豪問准陳太主理,有阿壽、強記同火麻仁選擇,鍾意嘅,自己Download喇喂。

Read more ›
網圖分享:出圖撐《笑聲滿載──上官小強漫畫精選》展覽
by / on 09/06/2018 at 6:56 pm

網圖分享:出圖撐《笑聲滿載──上官小強漫畫精選》展覽

我見到何謂江湖地位,上官小強離世,但飲港漫奶水大嘅港漫人同讀者無忘記佢。動漫基地舉辦《笑聲滿載──上官小強漫畫精選》展覽,好多面書朋友仔都出圖懷念。昔日睇《壽星仔》嘅日子真係好Happy,誠然係一份美好回憶,有無時間都好,真係要捧一捧場。

Read more ›
上官小威復刻元祖版《壽星仔》 限100套$98
by / on 07/03/2018 at 9:28 pm

上官小威復刻元祖版《壽星仔》 限100套$98

一條紅衫魚唔使,就可以擁有元祖版《壽星仔》一至四期、4張A5膠貼紙同紀念海報一張,真係抵到爛。元祖版《壽星仔》喺1973年面世,老實,嗰時我得幾歲人仔,未知連環圖為何物,所以未睇過呢套經典作品,上官小威肯復刻,誠港漫迷之福。限量100套,「收藏家港漫專區」開訂,要撐。

Read more ›
上官小強Fans留意 Kent Chu眾籌《壽星仔封面大全集》
by / on 23/01/2018 at 6:37 pm

上官小強Fans留意 Kent Chu眾籌《壽星仔封面大全集》

Kent Chu扯頭纜搞眾籌,打算推出《壽星仔封面大全集》其之三,收錄第201至300期封面,全書100頁,尺寸為148mm x 210mm,想擁有要先成為「壽星俱樂部」會員,一成為會員即送一套3張紀念膠卡,詳情可以留意面書提供嘅資料。時間過得好快,不知不覺上官小強已經離開咗我哋一年有多,係強哥Fans嘅,記得捧場,眾籌截止日期為2月28日。

Read more ›
《畫出彩虹四十年》好賣唔加印 《73漫畫》復刊有期?
by / on 07/02/2017 at 9:00 pm

《畫出彩虹四十年》好賣唔加印 《73漫畫》復刊有期?

我買咗《畫出彩虹四十年》,真係買咗,不過仲未有時間睇。家陣有兩樣嘢要講,一,要讚一樣嘢,雖則《畫出彩虹四十年》好賣,但小官小威並未打算加印,因為要維持珍貴度,所以話咗限量就限量;二,唔加印,佢嫰人家打算做一本全新綜合性漫畫,喺面書留言曰:「因為要迎合市場需要,如果73漫畫復刻,有可能作出稍稍調節,早已決定加上去的內容,將會增強。精彩內容包括:上官小寶的(小醉仙)上官小強的(壽星仔)必然保留。另外上官小威的短篇漫畫,上官小龍的短篇故事,都盡量收錄。」Good old days嘛,懷舊永遠是好,相信老一輩港漫迷都舉腳支持《73漫畫》復刊,本網站姑且替廣大港漫迷跪求上官小威,唔好「如果」喇,快啲復刻喇喂。

Read more ›

跟進:林祥焜《Les 100 Filles》不公開發售 出悼圖向上官小強致敬
by / on 26/01/2017 at 10:15 pm

跟進:林祥焜《Les 100 Filles》不公開發售 出悼圖向上官小強致敬

之前提過嘅《Les 100 Filles》,林祥焜只不過喺面書登吓封面,已經有大把讀者留言話想要。好喇,依家有最新消息喇,不過係壞消息,事關林祥焜已經喺面書交代曰:「安古蘭漫畫節2017會場準備中!新作《Les 100 Filles》正式在法國開售。(由於《Les 100 Filles》屬於限量印刷,只限在法國安古蘭漫畫節發售,香港不會安排作任何發售,亦不設留書,多謝支持!)」嗚,慘,香港讀者無份!另,收到上官小強死訊,佢百忙之中都作悼圖一張,留言曰:「出發去安古蘭漫畫節前一刻!收到你離開了大家的消息!…這是個無法接受的事實!懷念官仔骨骨又大細路的你,師父──上官小強!」呢句「師父──上官小強!」好鬼洋蔥!

Read more ›
上官小強離世 港漫人&讀者出圖致敬
by / on 25/01/2017 at 11:00 pm

上官小強離世 港漫人&讀者出圖致敬

過咗一日,我心情都仲係有啲Sad,畢竟平時行開旺角都會特登貢上信和,有無幫襯都會同《壽星仔》之父上官小強打聲招呼,家陣佢人唔喺度……唉。瀏覽面書,發覺原來上官小強都送過好多親筆畫畀讀者,可見佢係幾咁平易近人,有求必應,就擒晚到依家,大把讀者都登番親筆畫出嚟懷緬一番,唔少港漫人亦專登創作悼圖一幅,以表敬意。強哥,一路好走呀。

Read more ›
【再見壽星仔】漫畫家上官小強離世 享年66歲
by / on 24/01/2017 at 9:10 pm

【再見壽星仔】漫畫家上官小強離世 享年66歲

上官小強,強哥,係絕對令人尊敬嘅香港漫畫家。幾年前我喺另一間傳媒,曾經慕名邀請過強哥畫漫畫,有見過幾面傾過計,對佢嘅印象就係平易近人、交稿準時,而且彬彬有禮,創作上,就算一早成名,但依然不斷勇於創新、與時並進……可惜,啱啱睇「壽星仔專門店」FB專頁,見到一個好令人傷心嘅消息,就係強哥喺今個月13日已經因病離開咗我哋。願強哥安息,亦希望強哥嘅家人保重,多謝你同壽星仔為我哋帶嚟好多歡樂!

Read more ›
必撐!《小強漫畫集番外編之七金剛》中秋節見街!
by / on 13/09/2016 at 9:30 am

必撐!《小強漫畫集番外編之七金剛》中秋節見街!

上官小強就係型,喺面書留低一句:「打稿OK,nothing to say!」押埋韻添搞邊科?講緊嘅係《小強漫畫集番外編之七金剛》將會喺中秋節左右見街,每本$58。除咗靚靚封面之外,小強仲登多幾頁內文畀大家睇,大家賞完月記得幫襯買番本喇,你肯捧場,對佢嫩人家嚟講,絕對係最佳中秋禮物。

Read more ›
復刻《壽星仔》?讀者提議最終回當創刊號出!
by / on 04/05/2016 at 9:30 am

復刻《壽星仔》?讀者提議最終回當創刊號出!

無聊瀏覽「壽星仔專門店」面書專頁,但見上官小強出圖一張,留言只簡簡單單得四隻字──將會復刻?復刻?係就好咯!此言一出,八方留言和應──陳俊雄:「最好全套復刻,一定支持。」、Jackson Lou:「全套出?」、朱建良:「等待童年美好時光。」不過講到最有創意,則非fungbob莫屬,佢咁提議:「一係試試倒轉出,最終回係第一期,幾打耳。」嘩,唔係咁破天荒呀?Anyway,真心希望出得成,強哥,支持你呀。

Read more ›

上官小強賣Mini色紙卡盒 整齊收藏畫板免封塵
by / on 12/04/2016 at 10:15 pm

上官小強賣Mini色紙卡盒 整齊收藏畫板免封塵

有時買埋買埋咁多畫板,無理由周圍放等封塵架?人有我有嘅印刷品都仲好啲喎,如果係獨一無二親筆畫板,整污糟咗都咪話唔肉赤。如果你都有呢個收納煩惱,強烈建議你去「壽星專門店」買番個Mini色紙卡盒,仿皮用料,一盒可以裝16塊畫板,整齊乾淨免煩。幾多錢一個?盒仔一個值得幾多錢吖,當上去探吓強哥都好喇。

Read more ›
向望月三起也致敬 出《小強漫畫集》番外篇
by / on 09/04/2016 at 7:05 pm

向望月三起也致敬 出《小強漫畫集》番外篇

日本漫畫家望月三起也離世,身為Fans嘅上官小強為咗紀念佢,決定推出《小強畫集番外篇》之港產七金剛全集,暫時面書宣傳海報只寫咗四隻大字「即將推出」,其他資料欠奉。我諗呢期書會好多人撐,因為望月三起也喺香港著實多Fans,拭目以待喇。

Read more ›
《小強漫畫集4》今日出版 廖光祖出賀圖兼賣廣告
by / on 23/03/2016 at 8:30 pm

《小強漫畫集4》今日出版 廖光祖出賀圖兼賣廣告

今日收工收得晏,未得閒出旺角探一探上官小強。為乜要探佢?因為《小強漫畫集4》今日正式(3月23日)出版,特厚本咁話喎老友。撞啱之前上官小強牛一,廖光祖仲畫咗張靚靚親筆畫,賀一賀佢嫩人家兼幫手賣廣告。買咗頭三期嘅朋友,包括我,無得唔撐第四期,禮拜尾一於抽空落信和「壽星專門店」走一轉,買書兼搵上官小強簽個大名先得。

Read more ›
網圖分享:送羊迎猴 港漫人出新年賀圖
by / on 12/02/2016 at 6:21 pm

網圖分享:送羊迎猴 港漫人出新年賀圖

開心嘅時間過得特別快,但仲未係時候講Bye Bye,有心拜年唔怕遲,今Day雖然係年初五,但話晒仲係新正頭,吉利說話唔怕繼續講,港漫人的新年賀圖亦唔怕睇多次,今日論到何志文、邱福龍、戇男、王澤、上官小強、丹青、李志清、Coin同Uneko Hey Mak同大家拜年。本網站順祝各位新春大吉、心想事成、橫財就手,恭喜恭喜。

Read more ›