Post Tagged with: "上官小威"

網圖分享:馬榮成畫「冷月寒星」
by / on 01/08/2020 at 9:00 am

網圖分享:馬榮成畫「冷月寒星」

斷估應該係畫興大發,又或者打算順便幫上官小威《復刻李小龍》做宣傳,馬榮成忽然依唔知第幾期《李小龍》內文嘅銀螳螂戰九紋龍為藍本,喺面書出圖一幅,仲話當中一招「冷月寒星」令佢印象深刻喎。雖則好多C-Hing話馬Sir丟低支筆太耐,畫功已經回晒塘,但睇完呢幅圖,我覺得絕無此事,真係Keep到咁上下高水準喎,唔知大家點睇?

Read more ›

復刻《李小龍》分三個版本 加送超大A1 Size海報
by / on 22/06/2020 at 3:30 pm

復刻《李小龍》分三個版本 加送超大A1 Size海報

原來呢,鄺世傑係搵上官小威幫手復刻《李小龍》嘅,暫時所知會分動漫節會場金版、漫畫屋銀版同原味靚版,限量幾多、價錢等資料自己睇表。值得一提嘅係,為搞大件事,有關方面會送《李小龍》大海報,A1 Size,即係840mm x 594mm,即係好大好大張囉,擺出嚟應該會好有氣勢囉。

Read more ›
上官小威繼續復刻 《鬼世界》9至16期開訂
by / on 08/06/2020 at 5:00 pm

上官小威繼續復刻 《鬼世界》9至16期開訂

依家睇番舊時漢民《鬼世界》啲封面,老實講稱唔上精雕細琢,但好有味道,咁上官小威繼續復刻,我就繼續買囉。留意番,《鬼世界》9至16期正式開訂,$160包8本漫畫、《鬼世界》A2海報、16張A6卡、額外補送第1至8期卡。報告完畢。

Read more ›
上官小威《李小龍新傳》Boxset開訂
by / on 19/05/2020 at 10:00 pm

上官小威《李小龍新傳》Boxset開訂

會唔會快咗啲?出單行本無耐咋喎。Anyway,對於買漏又或想一次過買番所有期數嘅讀者嚟講,出Boxset都係一件好事嚟嘅,夠方便吖嘛。講緊嘅係《李小龍新傳》Boxset,精美盒內包12期《李小龍新傳》、四大天王海報、《喜報特刊號》同沙膽仔A4卡,訂購價$240。另,科多$80,即送《愛情故事》彩色畫集。有盒包裝易收藏,又有N咁多贈品送,相信始終都有一定吸引力。

Read more ›
上官小威復刻言情漫畫 開訂價$68
by / on 11/05/2020 at 10:15 pm

上官小威復刻言情漫畫 開訂價$68

上官小威繼續復刻,今次輪到言情漫畫,希望大家「回到六十年代,懷緬青蔥歲月」咁話喎。懷緬就無我份嘞,因為我係七十後,不過可以當新書咁睇,都唔錯吖。《我愛奸夫》、《新潮男女》、《魔鬼美人》、《飛仔與飛女》,真係睇書名都覺得old school呀。訂購價$68,包以上四本漫畫、截拳道第九式海報1張、封面卡4張,抵玩,可以一撐。

Read more ›
《迷離世界》9至16期開訂
by / on 20/04/2020 at 8:45 pm

《迷離世界》9至16期開訂

睇開頭8期上官小威復刻嘅《迷離世界》如我者,無理由唔繼續撐落去。無睇開嘅,都不妨試試買嚟睇睇,事關贈品著實係多,訂購價$160,包第9至第16期《迷離世界》、彩色《喜報特刊號》、《畫岀彩虹細說當年》、《迷離世界》袖珍創刊號同8張小威打鬥卡。加多$28,仲送《靚妹》第1至第4期、漫畫四寶同《鬼夜》三選一,各限量30份,送完即止。報告完畢。

Read more ›

《五兄弟》閃彩鐳射畫板第二彈開訂
by / on 08/04/2020 at 9:00 am

《五兄弟》閃彩鐳射畫板第二彈開訂

第一彈賣得好,上官小威繼續添食,馬榮成《五兄弟》閃彩鐳射畫板第二彈開訂,$180包鐳射畫板一塊、《武舘》迷你專刊一本、《武館》A2海報一張同A4卡4張。限量128塊,要搶。

Read more ›
上官小威復刻停不了 《金魔鬼外傳》開訂$100
by / on 07/04/2020 at 8:30 pm

上官小威復刻停不了 《金魔鬼外傳》開訂$100

又係上官小威呀,今次復刻嘅係《金魔鬼外傳》,訂購價$100,包全套5期書、《李小龍》截拳道第八式A2海報、《金魔鬼》封面紀念卡5張。加多$28的話,送多本《上官家族2》同《金魔鬼》A4卡一張,限量100本。報告完畢。

Read more ›
《李小龍》閃彩鐳射畫板第二彈開訂
by / on 03/04/2020 at 9:30 pm

《李小龍》閃彩鐳射畫板第二彈開訂

上官小威推出嘅《李小龍》閃彩鐳射畫板嚟到第二彈喇,開訂$180,包鐳射畫板、《小醉仙》迷你專刊同精美新傳A4卡各一,首50位優先訂購送多6張A2海報添。限量訂購只得128塊,喂,乜得咁少?

Read more ›
上官小威《新書》開訂
by / on 23/03/2020 at 8:30 pm

上官小威《新書》開訂

有新港漫睇,十個開心呀喂。上官小威《新書》鐵定4月30日見街,家陣開始接受訂購,訂購價$30,包全新創作綜合漫畫、A2賀圖海報、4張賀卡。加多$28,送多本《漫畫樂園》同A4卡1張。抗疫唔好出街,都係留喺屋企打公仔書好過,如無意外我會捧場,唔知大家有無興趣?

Read more ›
繼續復刻!上官小寶《與郎同穴》+《與鬼成親》!
by / on 05/03/2020 at 4:00 pm

繼續復刻!上官小寶《與郎同穴》+《與鬼成親》!

有新書睇,Happy喎。講緊嘅係上官小寶嘅短篇鬼古《與郎同穴》同《與鬼成親》。或曰:上官小威復刻架喎,何新之有?咁相信我同好多港漫迷一樣,都未睇過吖嘛,當新書咁睇無壞吖。

Read more ›

李小龍雷射閃彩畫板$180
by / on 25/02/2020 at 2:15 pm

李小龍雷射閃彩畫板$180

限量100塊?會唔會少咗啲?上官小威推出李小龍雷射閃彩畫板套裝,售$180,包240mm x 270mm畫板、迷你專刊、迷你紀念卡各一。剛剛開訂,有買趁手。

Read more ›
復刻馬榮成「天書八部」開訂$160
by / on 21/02/2020 at 9:00 pm

復刻馬榮成「天書八部」開訂$160

好喇,上官小威復刻馬榮成嘅「天書八部」,依家即式開訂喇,八本舊作Total賣$160,送馬榮成作品證書、陸小子金卡、龍之子銀卡同4張心意卡,報告完畢。

Read more ›
期待!馬榮成「天書八部」三月中旬推出!
by / on 17/02/2020 at 9:00 pm

期待!馬榮成「天書八部」三月中旬推出!

馬榮成雖然封筆多年,但影響力猶在,至少對於上官小威即將喺三月中旬出版嘅《神偷十三》、《專欄集2》、《專欄集3》、《魔鬼實驗》、《相識》、《瘋狗》、《山火》同《陸子小》呢「天書八部」,我係有興趣入手嘅。原因?好簡單,未睇過吖嘛,當新書咁睇都唔錯吖。

Read more ›
《漢民鬼故事》開訂 加送1至8期封面貼紙
by / on 13/01/2020 at 8:00 pm

《漢民鬼故事》開訂 加送1至8期封面貼紙

上官小威繼續復刻之路,今次輪到《漢民鬼故事》登場,1至8期訂購價$160。老例,早訂有著數,送1至8期封面貼紙、A2櫻花海報、A3橫直彩卡各一、A4橫直彩卡各一。「收藏家港漫專區」依家正式開訂,限量嘅,有買趁手。

Read more ›