一萬円過一個月 日本綜藝節目挑戰極限

一萬円喺日本過一個月?聽落簡直不可思議,偏偏呢個係日本綜藝節目「いきなり!黄金伝説」嘅橋段,每次搵兩位藝人挑戰,一個月只可以用1萬円,用剩最多嘅為之勝出,最新勝出者係日本搞笑藝人春日俊彰,其實佢已經連勝兩次,秘訣係佢喺食嘢方面好慳,主要食糧係19円一pack嘅烏冬,係咁意點啲汁又一餐,而且鏡頭以外佢都好慳,只係租住南阿佐ケ谷月租¥39,000嘅細房,抵佢贏。不過呢個比賽都有出茅招嘅方法,事關一萬円唔包屋租,但水電煤氣要自費,挑戰者為咗打敗春日俊彰,居然每晚走去夜訪佢,消耗對手嘅電力,太奸喇,抵你輸嘅。

Read more ›