Tag: ハチ公

日本最新吉祥物「粉紅糞便」    貼實渋谷車站忠犬「ハチ公」

日本最新吉祥物「粉紅糞便」 貼實渋谷車站忠犬「ハチ公」

一嚿屎,但係粉紅色,仲要配埋好可愛嘅笑容,件事本身好有違和感。不過日本人出名鍾意創作吉祥物,呢隻經常喺渋谷同原宿出沒嘅非官方吉祥物最近越嚟越多人留意佢,最過份係佢其實係扮緊渋谷車站出面嘅忠犬雕像「ハチ公」嚿屎(!)。佢仲好積極喺Twitter更新近況,有時放假,有時同其他非官方吉祥物聚會。BTW,zoom近啲睇佢中間嘅樣,佢其實係一隻狗嚟嘅。

Read more ›

超珍貴相片 1934年「忠犬ハチ公」獨自等主人相片曝光

「渋谷」車站前「ハチ公」像嘅故事,大家都應該聽過?或者睇李察基爾演過?故事係講秋田犬日日都會喺車站等佢嘅主人返完工返嚟,直到有一日,博士喺大學教書時病發送咗去醫院,最終不治離世,但「ハチ公」就喺車站不斷等待……今年係主人「上野英三郎」博士離世嘅90周年、「ハチ公」離世80年,除咗3月時喺「東京大学農学部正門」有一個人狗重逢銅像外,仲有呢張超珍貴嘅相曝光!據知呢張相係1934年拍攝嘅,由一名住喺「渋谷区猿楽町」嘅前銀行職員「山本勇」所拍,雖然拍照者已經離世,但最新就被發現到佢有呢張相,輾轉相贈到「ハチ公」像製作者「安藤士」先生(92歲)手中。睇到呢張相,個心酸咗一陣,狗狗真係好有情有義呀!

Read more ›

【識嘆】日本涉谷「ハチ公」識新朋友 喵星人瞓像下抖涼

去涉谷,成日都會經過呢個「ハチ公像」。近日日本都過30度,咁熱天氣,貓貓都要搵位抖涼。呢隻喵星人就識揀喇,而且仲唔怕「ハチ公」呢隻秋田犬,匿喺「ハチ公像」下面抖涼瞓番個晏覺!有人影咗相放咗上Twitter,過2萬人RT,可能大家都戥佢開心,可以識到呢隻相隔90年嘅新朋友,下次經過留意吓見唔見佢。

Read more ›

「忠犬ハチ公」等到喇!90年後重逢上野博士 新銅像揭幕

日本「忠犬ハチ公」個故事聽得多啦?李察基爾嘅西片版都感人喎。喺「上野英三郎」博士離世嘅90周年、「ハチ公」離世80年後嘅今年,佢哋終於可以重逢喇!之前報道過嘅新銅像噚日(8日)喺「東京大学農学部正門」揭幕!萬一你唔知講多次,故事係講秋田犬日日都會喺車站等佢嘅主人返完工返嚟,直到有一日,博士喺大學教書時病發送咗去醫院,最終不治離世,但「ハチ公」就喺車站不斷等待,嗚!不過話時話,呢隻就等到主人返嚟,咁,涉谷車站嗰隻仲等緊,駛唔駛通知佢一聲呢?

Read more ›