日本學生畫《LoveLive!》串英文生字 古怪學習法Twitter熱傳

最近呢幅圖喺日本Twitter有過萬個RT,相中嘅《LoveLive! 》角色睇真啲係由一組組英文字母串連而成。呢張相由網名叫あ〜やん (@a_yan_nya) 嘅媽咪放上Twitter,佢話呀女為咗背英文生字,於是諗到呢個邊畫公仔邊串字嘅新方法,佢覺得幾得意於是放上網同大家分享,而家已經上傳咗5個角色圖,網民大讚新穎。媽咪仲應網民要求,放埋阿囡嘅製作過程分享吓。原來唔鍾意煮飯嘅佢,為咗氹鍾意動漫嘅囡囡歡心,都試過整動漫便當,入嚟有回帶,而佢本人嘅Twitter背景仲係得意動漫角色,伯母真係幾可愛。

Read more ›