fbpx

Tag: 《She》

廖光祖又嚟料 《金魚街的貓》結集成書

廖光祖又嚟料 《金魚街的貓》結集成書

又係廖光祖?係,又係佢,繼個人畫集《She》之後,佢將會推出四格漫畫單行本《金魚街的貓》,無睇錯嘅話,應該係將面書專頁出過嘅四格漫畫輯錄成書,絕對係好事吖,拎上手睇一定過癮過對住個Mon睇。為宣傳,廖光祖喺面書登咗張角色關係圖,留言曰:「第一期四格單行本進行得如火如荼之際,專頁率先揭露金魚街茂壽關係圖(其實就應該一早做啦!),以介紹返俾大家,到底呢班友仔邊個打邊個,若要知道佢故事前因後果,就唔好錯過,走過路過都唔好。」Fine,撐你。

Read more ›

謝森龍異《不是人間》第二期書展推出 廖光祖贈畫打氣

謝森龍異《不是人間》第二期書展推出 廖光祖贈畫打氣

話咁快又6月,無幾耐之後又話書展,再之後動漫節又話殺埋身,謝森龍異《不是人間》第二期單行本都打算喺書展推出,剛剛佢喺面書登咗第二期封面,封面依舊見到我哋熟識嘅由第一女主角娜姐,買開第一期嘅我必撐。又,原來,謝森龍異同剛剛推出完畫集《She》嘅廖光祖好好朋友,好朋友到廖光祖作畫一幅替謝森龍異打氣,並留言曰:「銷量告訴大家,以性感與醜陋,人性與失性,作畫面上大衝擊。完勝姿態讓第一版斷市。六月新作捲土重來,七月書展,第二期單行本乘勝追擊。我就是說這套現實與漫畫都令人驚動的~漫道出品《不是人間》。」幅畫好靚,強烈建議謝森龍異將之印成書籤,隨書附送就好咯。

Read more ›
網圖分享:廖光祖《She》賀圖集

網圖分享:廖光祖《She》賀圖集

擒日唔得閒,去唔到廖光祖《She》新書簽名會,有啲遺憾,書未拎到上手,又有啲心急。好彩,有好多精彩賀圖睇,總算可以止吓咳,講緊嘅係呢三兩日廖光祖面書被洗版,各方賀圖紛至,仲呼應番主題個個都畫女添,努力加油之聲不絕於耳,相信淨係覆Message都有排佢覆。唔講咁多,排名不分先後,睇畫喇老友──

Read more ›
《She》尊貴套裝版$800 廖光祖5月28日旺角開簽名會

《She》尊貴套裝版$800 廖光祖5月28日旺角開簽名會

我都話架喇,有得普通版,就一定有特別版,係估唔到廖光祖本《She》連特別版都多過人啫。唔係咩呀,普通版都分二款,分別係收藏家漫畫專區版同漫畫書店版,各售$130。富貴啲嘅,可以買限量50套嘅限量收藏版,包一書一水晶畫,售$260;再再富貴啲嘅,可以買限量20套嘅尊貴套裝,包五水晶畫一書一盒,盛惠$800。有心想搵廖光祖合照,可以喺5月28日去信和中心,事關佢會搞番個簽名會,同大家兜口兜面交流吓。一句到尾,支持本地創作,支持港漫人,你我有責!

Read more ›
廖光祖《She》5月26日見街 普通版每本$130

廖光祖《She》5月26日見街 普通版每本$130

好咯,呢次真係有確實出版日子嘞,廖光祖個人畫集《She》鐵定5月26日見街,心急嘅,可以先向「至GoalClub」訂購,講明附親筆簽名。有麝自然香,瀏覽廖光祖面書,發覺好多讀者都留言舉腳支持,廖光祖仲透露話普通版每本$130,普通版?有得普通版即係有特別版喇,究竟乜料,心急好想知也。

Read more ›
有著數 廖光祖《She》送四張Postcard

有著數 廖光祖《She》送四張Postcard

等多十零日喇,唔使等到7月書展,廖光祖畫集《She》鐵定喺5月出版,雖然價錢未知,但肯定嘅係幫襯有嘢送。佢喺面書留言曰:「分類小廣告,《She》畫集下月出版在即。為報答支持朋友讀者們,凡購買畫集者將會送上四張特製Postcard,數量有限,送完即止。多謝各位支持。」佢仲登埋相畀大家先睹為快添,我就買硬架喇,唔知你又點睇?

Read more ›

真心笑出嚟 廖光祖5月出畫集《She》

真心笑出嚟 廖光祖5月出畫集《She》

認屎認屁都係咁話,我日日都有追睇廖光祖面書架,事關佢近乎每日作一幅新畫公諸同好,水準高固然要讚,淨係呢份毅力已經值得畀個Like,我有份留言鼓勵佢出畫集架,家陣終於事成。廖光祖喺今期《鐵將縱橫》賣廣告,鐵定5月出畫集《She》,新畫固然高興,用舊畫結集成書一樣開心。無講大話,我真心笑出嚟,必撐。

Read more ›