有誠意我鍾意 Rocky《Rocky’s Sketches 2》暫定送書籤+筆記本

我睇到一顆全力以赴做到最好的心,話說之前介紹過會喺「石子地攤」推出嘅《Ricky’s Sketches 2》,作者Rocky喺面書話:「衝刺期間決定加16 pages,即是全本84 pages。」原因係唔想啲畫作編排到密質質,想多啲空間唞氣位畀讀者慢慢欣賞,代價係要補畫多四至五幅作品。Wow,好熱血呀喂。更熱血嘅係隨畫集會暫定送書籤同空白頁A5筆記小本子,點解係「暫定」?因為要睇成品效果如何先落實送唔送,唔印到靚一靚唔送。淨係呢份認真態度,我覺得已經值得畀Like,咁畀完Like當然要實際課金支持啦。

Read more ›