fbpx

Post Tagged with: "《龍虎5世3世仇》"

黃玉郎《龍虎5世3世仇》上力 29+30期合併封面正爆
by / on 18/12/2020 at 7:30 pm

黃玉郎《龍虎5世3世仇》上力 29+30期合併封面正爆

真心Mode,黃玉郎《龍虎5世3世仇》越來越有追看性,每睇完一期,都有嗰種久違了的「快啲出下一期喇」感覺,仲開始有少少唔捨得某啲角色死添,繼妖帥後,我唔想鳳敵天咁早死呀喂,老門主大屠殺一役係製造到高潮嘅,各大中小角色嘅恩怨情仇亦講得通。另,雖然上期已經賣定廣告,但驚大家善忘或無認真留意,今期第30期同上期第29期嘅封面係可以合埋一齊睇嘅,昊天教朱武朱冠兩兄弟各畫半邊面,軒轅龍同東野虎分別從旁襯托,係咪正到爆先?If,他日打算推出海報或Postcard的話,呢個合併封面可以諗諗佢。

Read more ›

鄺彬強《消失的十二守護》開訂 早鳥價$35
by / on 02/12/2020 at 7:00 pm

鄺彬強《消失的十二守護》開訂 早鳥價$35

叻叻叻!已經孭住一本《龍虎5世3世仇》喺身,估唔到鄺彬強仲有時間推出新書《消失的十二守護》。新書唔係傳統港式薄裝漫畫,睇封面畫風應屬兒童向,佢本尊咁樣簡介:「一本適合大人小朋友觀看的冒險漫畫故事書,功夫場面生動惹笑,全書充滿正能量!」正能量呀喂,即係大人細路啱睇。全書64頁,內容黑白,每本$48,早鳥價$35。向「至Goal Club」或「尋回‧漫畫檔」預訂,頭50位讀者多一個親筆簽名。報告完畢,希望大家多多支持。

Read more ›
仲送? 黃玉郎《龍虎5世3世仇》續送復刻版《小流氓》!
by / on 13/11/2020 at 3:30 pm

仲送? 黃玉郎《龍虎5世3世仇》續送復刻版《小流氓》!

送到第3期了,好事來的,今期第25期《龍虎5世3世仇》繼續送復刻版《小流氓》,買一得二,作為港漫迷當然開心。但問題來了,這邊廂推出2毫裝復刻版《小流氓》套裝,暫時所知會推出埋第二輯去到第16期;這邊廂又隨《龍虎5世3世仇》免費附送單期復刻版《小流氓》,咁咪變咗自己打自己?要知道總有讀者係因為本復刻版《小流氓》而買《龍虎5世3世仇》的,推出獨立套裝唔怕影響《龍虎5世3世仇》銷路咩?黃玉郎究竟諗乜?我睇唔透。

Read more ›
黃玉郎1至8期復刻版《小流氓》套裝$100 11月11日見街
by / on 10/11/2020 at 5:30 pm

黃玉郎1至8期復刻版《小流氓》套裝$100 11月11日見街

一招接一招,招招攞命,黃玉郎的大反擊果然厲害,決定喺11月11日推出2毫裝復刻版《小流氓》1至8期,每套$100。而幫襯「收藏家港漫專區」的話,額外加送龍虎三皇大頭貼紙。不過問題來了,既然出得1至8期套裝,係咪意味住嚟緊嘅《龍虎5世3世仇》唔再送《復刻小流氓》?

Read more ›
《龍虎5世3世仇》續送《小流氓》復刻版 玉郎反擊戰
by / on 06/11/2020 at 2:15 pm

《龍虎5世3世仇》續送《小流氓》復刻版 玉郎反擊戰

啪啪啪啪啪!值得畀掌聲黃玉郎,果然無令讀者們失望呀,今期第24期《龍虎5世3世仇》繼續送《小流氓》復刻版,買一得二好開心,希望下期會Keep住繼續送喇。不過我諗最開心嗰個,一定係黃玉郎本尊,書末專欄「玉郎一周」直頭以〈玉郎反擊戰〉為題,內文有云:「另外一件開心事就是上周六轟的第二炮──『正宗小流氓封面集』,擺明就是截人糊啦,兵貴神速,截到好應添!」字裡行間,完全感受到佢嗰種心花怒放、吐一口烏氣嘅興奮。從來都話有競爭先有進步,有競爭先係港漫迷之福,加油呀。

Read more ›
網圖分享:一街都係《龍虎門》
by / on 30/10/2020 at 6:00 pm

網圖分享:一街都係《龍虎門》

數一數,《龍虎門》珍藏本、《復刻龍虎門》、《新著龍虎門》、《龍虎門Z》、《龍虎門外傳慈雲山七鷹》、《龍虎5世3世仇》、《王風雷傳奇》,就連《小流氓》封面畫集都鬧雙胞……差不多全書報攤嘅公仔書都關《龍虎門》事,對於呢個現象,大家有乜睇法?

Read more ›

網圖分享:軒轅龍同東野虎
by / on 19/10/2020 at 4:30 pm

網圖分享:軒轅龍同東野虎

高手在民間,面書朋友仔Bobby Wong畫《龍虎5世3世仇》兩大主角軒轅龍同東野虎,好靚呀呵?熱烈要求快快上埋色,掌聲鼓勵。

Read more ›
《龍虎5世3世仇》修羅門全軍覆沒 妖帥死得咁兒戲?
by / on 28/08/2020 at 9:00 pm

《龍虎5世3世仇》修羅門全軍覆沒 妖帥死得咁兒戲?

唔係盲撐,我係真心去到依家第14期都仲Like《龍虎5世3世仇》嘅,又或者因為睇得投入,所以對於今期用幾頁就整死妖帥,我覺得好浪費呢個角色。Really完全唔明,妖帥點會霎時間弱化得咁緊要?之前幾期又話得道心靈力,突破乜突破物突破到半男半女功力大進,點知一嘢就畀曹博士陰到,呢下已經有少少講唔通;返到修羅門諗住仲有戲做啦,點知又俾邪神一掌燒到淨番棚骨,仲以為黃玉郎有心煲起呢個角色,咁之前花咁多篇幅描述妖帥出身做乜呢?仲有呀,嗰啲甚麼南神忍呀、北電王呀、地藏魔佛呀,又話甚麼甚麼絕世高手,今期兩三頁已經俾人打到頭身分家;仲有二魂,乜魂物魂我都未記得清楚個樣And個名,得一格,係細細的一格,連過兩招嘅機會都無,做交代佢哋陣亡,乜修羅門啲所謂絕世高手咁兒戲架?

Read more ›
「龍虎」當道惹來網民奇想 港漫畫家一人一本龍虎乜龍虎物
by / on 31/07/2020 at 9:15 pm

「龍虎」當道惹來網民奇想 港漫畫家一人一本龍虎乜龍虎物

話說家陣既有長壽《新著龍虎門》喇,又有新推出無耐嘅《龍虎5世3世仇》喇,嚟緊9月有本《龍虎門Z》,數落仲有本《復刻龍虎門》添呀,一時間港漫界好似乜都「龍虎」咁。有C-Hing留意到呢點,好搞笑話如果香港漫畫家一人編一本龍虎乜龍虎物的話,書名應該係咁喎:一,邱福龍編《龍虎超人》;二,許景琛編《龍虎快打》;三,徐大寶編《龍虎淫門》;四,肥良編《他媽的龍虎》;五,鄭健和編《龍虎西行》;六,曹志豪編《龍虎群俠傳》;七,邱瑞新編《龍虎蠱惑》;八,牛佬編《上海龍虎鬥》;九,謝志榮編《龍虎天師》;何志文編《龍虎無雙》,哈哈,C-Hing堅有想像力,呢鋪我真係笑咗,不過我覺得未盡齊全。馮志明呢?編《龍虎笑》?馬榮成呢?編《龍虎天下》?仲有劉雲傑,編《龍虎100%》?

Read more ›
黃玉郎道歉撻Q 送《小流氓》計劃胎死腹中
by / on 30/07/2020 at 10:15 pm

黃玉郎道歉撻Q 送《小流氓》計劃胎死腹中

Sure咗架嘞,係肯肯定無得睇復刻《小流氓》架嘞,黃玉郎喺今期第10期《龍虎5世3世仇》「玉郎一周」詳細交代送書計劃胎死腹中原因:一,人手不足,Call唔到咁多馬幫手包裝入書喎;二,收到「另一出版公司的律師信,說《小流氓》的版權及商標是屬於他們的,暫時不宜將《小流氓》隨書附送」。咁樣算唔算欺騙讀者?雖則好失望,但我唔想用「欺騙」兩個字嚟形容,畢竟送書係Bonus,有就錦上添花,無亦無傷大雅。不過呢,為表誠意,單單撩幾字道歉係唔夠嘅,我覺得黃玉郎應該考慮作出補償,我大膽建議──下期畫多一半篇幅,一期書出夠期半頁數,即係Total有45頁,照舊賣番$23──咁就保證讀者們條氣順番晒,Do you agree?

Read more ›
黃玉郎《龍虎5世3世仇》撻Q 無《小流氓》送
by / on 24/07/2020 at 8:30 pm

黃玉郎《龍虎5世3世仇》撻Q 無《小流氓》送

未至於好好好好嬲,但真係好好好好失望囉。早喺周四之前,各大中小港漫討論平台已經吹晒風話黃玉郎會撻Q,兌現唔到隨《龍虎5世3世仇》第9期附送《小流氓》嘅承諾。去到周四,落到書報攤,Oh,No,Oh,No,真係無。黃玉郎喺書裡面出咗個「道歉啟示」,照Copy and Paste如下:「因新冠病毒疫情再度爆發,情況嚴峻,影響了隨書附送贈品此項目的大量人手製作流程,故此迫於無奈之下,暫時擱置,直至另行通知。在此敬向各位親愛的粉絲們致以萬分歉意!」人手不足都係藉口?唔會啩!定又係版權問題呀?去到Last一刻先俾文化傳信煞停呀?我估係,希望唔係,因為我真係好想睇《小流氓》的。

Read more ›

《龍虎5世3世仇》超多角色登場 人名/下期書名撈亂咗?
by / on 19/06/2020 at 2:45 pm

《龍虎5世3世仇》超多角色登場 人名/下期書名撈亂咗?

大家仲有無撐《龍虎5世3世仇》?今期第4期好㩒睇,因為好多字,而甚麼修羅門,甚麼一邪二帥三魔佛四魂五惡六癲狂,其實都估到係呢啲套路。有人話食老本,有人直頭話好老土;食老本係鐵一般事實,老唔老土就見仁見智喇,唔知點解我就係鍾意呢種玉郎味,仲係睇得咁津津有味。不過呢,讚完都有嘢要彈,由於想快快去橋所以倒水咁倒狂出新角色,睇到我眼都花埋,邊個角色屬於昊天教,邊個角色係焚天邪神門下,睇嗰陣都要Load一陣先分得開。大抵唔只我眼花,連植字or編劇都眼花呀,先有第四五頁跨版同第21頁裡面嘅毒魂、凶魂撈亂咗,再有下期預告同一框框內出現兩個唔同下期書名,究竟下期係〈萬妖蟲谷〉定〈萬妖蟲林〉呢?校對要加多兩錢肉緊了…….

Read more ›
撐《龍虎5世3世仇》兩版本 即送貼紙
by / on 28/05/2020 at 10:15 pm

撐《龍虎5世3世仇》兩版本 即送貼紙

係囉,有嘢送先開心嘛。依家幫襯「收藏家港漫專區」買黃玉郎《龍虎5世3世仇》創刊號,一次過買晒普通版同草圖版兩本書,即送貼紙1張,夠開心啦。

Read more ›
黃玉郎《龍虎5世3世仇》創刊 讀後有感
by / on 28/05/2020 at 9:30 pm

黃玉郎《龍虎5世3世仇》創刊 讀後有感

預咗洗版,今日人人都談論黃玉郎新書《龍虎5世3世仇》,我當然都有真金白銀捧場,閱畢全書有幾樣嘢想講講。先講封面,三拉頁,邱福龍出手無嘢好彈啦,畀100分唔過份。畫功方面,肯肯定靚過《新著龍虎門》,希望唔好係新創刊三幾期式虛火。內容呢,都係龍龍虎虎咁喇,你可以話老土,但我又真係幾Buy呢種睇慣睇熟嘅玉郎味。武功方面,金鐘罩、易筋經同六神訣零驚喜,招式名稱有少少趕客,甚麼「金剛錐鑽」又「錐」又「鑽」,「錐」完就梗係「鑽」架啦,是但掟走一個字係咪會好啲呢,另一招「大鵬金翅斬」就直頭好似無諗過咁,求其湊夠五個字算數,唔多討好。劇情推進方面,第一期主要介紹角色登場,有文場有打戲,OK合格喇,不過中間介紹「曹清柔」同「東野虎」出場嗰兩格,使唔使霸晒一頁Full Page咁誇張呀?專欄方面,「創刊詞」、「彬彬有禮」、「點滴在心頭(1)」同「玉郎一周」屬大路嘢,好彩象嘅四格漫畫尚在,不過就順勢改名,由「龍虎三傻」變成「瘋狂5世」,一樣笑得出。As a conclusion,我係會繼續撐嘅,黃玉郎加油呀。

Read more ›
邱福龍《龍虎5世3世仇》彩圖版封面釋出
by / on 26/05/2020 at 4:15 pm

邱福龍《龍虎5世3世仇》彩圖版封面釋出

邱福龍為《龍虎5世3世仇》畫創刊號封面,除咗之前嘅草圖版,家陣連彩圖版都有喇,真係靚到啪啪聲。佢喺面書公開呼籲曰:「龍虎五世之三世仇(創刊號)週四出版,大家支持黃生,唔該大家。」大家收到未?記得聽龍少話,買番本支持吓。

Read more ›