fbpx

Tag: 《龍虎門》

白蓮聖上突入《山海逆戰》? 跪求唔好整死于若蘭!

白蓮聖上突入《山海逆戰》? 跪求唔好整死于若蘭!

今期第68期《山海逆戰》有新角色登場,新角色係海底鑄兵秘窟主人,無論服飾同面相都九成似《龍虎門》白蓮聖上,係多咗啲鬚咁解啫,唔知仲以為東方無敵突入《山海逆戰》添。另,書末「下期預告」有我最唔想見到嘅封面,構圖係炎帝仰後出劍,于若蘭胸前中劍,前入後出,書名仲要叫〈若蘭花落〉。福龍諗住賜呢個行道會幫主一死?唔好啩?求神拜佛只屬製造高潮,千其唔好嚟真……其實可唔可以咁諗?大我唔到嘅,勾徹都未正式嗒于若蘭隻豬,斷估呢個第一女主角無咁易死嘅……嗯,希望喇。

Read more ›

網圖分享:頭七已過 悼陳傲雲之死

網圖分享:頭七已過 悼陳傲雲之死

唔想成日掛喺口邊,但著實係新不如舊,《新著龍虎門》不及舊著《龍虎門》係鐵一般事實。想舊著陳傲雲俾王小虎一招裂頭腳踩死,當真大快人心,當年嘅我都不知睇得幾激動;新著陳傲雲之死呢,則劇力欠奉,死得兒戲兼無厘頭。Anyway,佢始終係一代奸仔,喺唔少港漫迷心目中有一定地位,所以都有人出圖悼念。都過咗頭七,啲悼圖都係得咁少,但總好過死咗丁點迴響都無。陳傲雲,一路好走喇。

Read more ›
《古惑仔》派膠 佐敦有燈唔射射燈掣

《古惑仔》派膠 佐敦有燈唔射射燈掣

呢排《古惑仔》啲劇情有啲《龍虎門》影子,昔有龍虎群英打甚麼羅剎堡、蓋世堡、電堡,今有佐敦加無常帶三聯同洪興兩大社團打東英堡。今輯古仔叫〈滅東英〉,死得人多預咗,但估唔到牛佬會派膠啫,話說今期第2024期講到佐敦入到東英堡大廳,失去後援成甕中之鱉,情急智生下一槍射熄……唔係直接射熄盞燈,係射爆個燈掣,眼界又唔會好成咁一槍命中燈掣呢下好嘢。先唔講佐敦點知道邊個燈掣屬於邊盞燈,就算知,射爆個燈掣外殼又等唔等於一定射熄盞燈呢?最膠係,點解明明有成盞燈吊喺天花板,咁大目標唔射係要射個目標咁細小嘅燈掣呢?睇完,真係笑咗。

Read more ›
欷歔呀!2016年買《龍虎豹》夾《龍虎門》!睇公仔書=Out=驚俾人笑!

欷歔呀!2016年買《龍虎豹》夾《龍虎門》!睇公仔書=Out=驚俾人笑!

無聊瀏覽面書,無意中見到呢幅黑白六格漫畫,左三格右三格玩對比,分別表達1986年同2016年讀者嘅買書心態。睇完,我好有共鳴,1986年,整整30年前,我呢個屋村仔放學著住校服四圍蒲,想買鹹書例牌買多本公仔書,正正係用《龍虎門》夾住《龍虎豹》帶走,以免俾街坊見到笑我鹹濕仔;2016年,整整30年後嘅今日,買公仔書反而會俾人視為Out,衰到要用《龍虎豹》夾番《龍虎門》轉頭。雖然誇張咗,而我亦相信依家都應該無乜人會買鹹書,但睇公仔書=Out=驚俾人笑,乃係事實。唉,真係越諗越欷歔。

Read more ›
網圖分享:超萌!栢迪的女版龍虎群英!

網圖分享:超萌!栢迪的女版龍虎群英!

早大約半年前,已經留意到栢迪畫龍虎三皇同Q版火雲邪神,近排瀏覽佢面書,發覺佢剛剛畫埋女版龍虎群英,取名「新裝~儂‧苦悶」系列,分別有小苦、小儂、小石、小韋同小楓五幅大作,即係畫緊王小虎、王小龍、石黑龍、韋陀同王風雷,個個都畫到性感而不令人反感,萌到核爆。話時話,《龍虎門》有咁多忠奸角色,全部變晒女仔都夠好有看頭喎,栢迪又有無興趣出番本《女版龍虎門角色畫集》呢?真係成事的話,我第一個買。

Read more ›
創造館復刻《龍虎門》 周刊形式橫度推出

創造館復刻《龍虎門》 周刊形式橫度推出

係為《龍虎門》死忠Fans,收到呢個消息真係好開心,睇清楚,今次創造館復刻嘅《龍虎門》係由第99期《小流氓》易名《龍虎門》開始,以周刊形式推出,仲要係最原汁原味嘅橫度,售價同依家公仔書睇齊賣$17,並唔係以往推出過嘅合訂本。據知推出日期係9月25日,頭三期會同時推出特別版,據知會附送三皇大頭銀仔,港九報攤有售,並唔係甚麼特約書屋限量版。睇過宣傳廣告,上寫「一神二妖三煞四鬼五怪六騎士,好快就會重現江湖」,個心登時熱一熱,正呀喂!

Read more ›

2014動漫節:玉皇朝《東方真龍》原畫展

2014動漫節:玉皇朝《東方真龍》原畫展

比較上年動漫節,今年玉皇朝感覺上好似少咗啲精品,不過就搞咗個東方真龍原畫展,個Booth都搞得幾靚仔,有幾頁高個人嘅3D《石黑龍傳II》睇吓咁啦,又有兩幅用歷年新舊著《龍虎門》封面砌成嘅封面牆,都幾搶眼。

Read more ›
盞鬼!王小苦現身《古惑仔》!

盞鬼!王小苦現身《古惑仔》!

      《古惑仔》喺今期第1732期有新角色登場,新角色名叫王小苦,造型簡直同《新著龍虎門》裡面嘅王小虎一模一樣,大家都有對大眼睛、有堂Nike眉加多兩條的絮,呢個另類Crossover,真真盞鬼。

Read more ›
《龍虎門》x ACG Toys 王小虎Figure有衫換

《龍虎門》x ACG Toys 王小虎Figure有衫換

之前介紹過嘅《龍虎門》x ACG Toys王小虎Figure,終於有齊全相畀大家睇,可動、可換衫、可持刀刀劍劍呢啲都唔係最大賣點,我始終覺得王小虎堂Nike眉同大眼睛活現原著神髓,呢個先係收藏價值所在,$1,380,一個字──抵。

Read more ›
網圖分享:張萬有筆下 老祖宗的九死邪功

網圖分享:張萬有筆下 老祖宗的九死邪功

我好憎老祖宗亦好鍾意老宗祖,憎佢,係因為佢嘅出現搞到《龍虎門》驟失方向,變成港版《龍珠》;亦因為佢嘅天下無敵,就造同蚩尤、南宮戒、石黑龍、王小虎等人嘅幕幕惡戰。

Read more ›
超懷舊邪神面具 四色任擇

超懷舊邪神面具 四色任擇

港漫幾乎乜類型精品都推出過,但印象中好少推出面具,真係要出的話,最深入民心嘅一定係《中華英雄》嘅鬼僕同《龍虎門》嘅火雲邪神,大渡今次推出後者,仲一次過推出四款添。

Read more ›

有片:《龍虎門》動畫《小流氓殺出毒龍潭》,睇片!

有片:《龍虎門》動畫《小流氓殺出毒龍潭》,睇片!

罪過!罪過!去過灣仔綠屋幾次,都唔知原來動漫基地播放過《小流氓殺出毒龍潭》動畫,有網友Post咗上網,我先知有呢套《龍虎門》動畫嘅存在,唔講咁多,即刻睇片。

Read more ›
黃玉郎五十周年殿堂展,何志文畀面撐場!

黃玉郎五十周年殿堂展,何志文畀面撐場!

唔係俾颱風「天兔」阻頭阻勢,前日開幕日已經仆到去睇「黃玉郎五十周年殿堂展」。擒晚撐場,感覺好唔錯,展品齊全、有精品賣、大把影相位,難怪連何志文都專誠捧場。

Read more ›