fbpx

Tag: 《龍虎門》

有片:《龍虎門》王小虎vs《Street Fighter》Fei Long 出聚龍一擊照輸

有片:《龍虎門》王小虎vs《Street Fighter》Fei Long 出聚龍一擊照輸

呢條打機片過癮呀喂,Wong Tiger對戰《Street Fighter》Fei Long呀喂。誰是Wong Tiger?照名字硬譯都估到喇,咪係《龍虎門》三皇之首王小虎囉。打晒三Round,我留意到Wong Tiger出過黑龍偷心、天龍鎖、滾地龍、蟠龍雙飛等降龍十八腿招式,仲出過疑似最強一招聚龍一擊添。But unfortunately,我的王小虎,不,Wong Tiger最後係輸咗嘅。

Read more ›

網圖分享:Pariz Wong的Q版龍虎三皇

網圖分享:Pariz Wong的Q版龍虎三皇

《龍虎門》深入民心,所以唔少港漫迷都臨摹過書中角色自娛,但鮮有如面書朋友仔Pariz Wong咁,女仔一個都咁鍾意龍虎三皇,仲畫得鬼咁Cutie添。佢本身有畫開自創角色大頭靜,今次就將三皇大頭靜化,而三者之中,我最Like王小龍,回眸,拎住打狗棒蘿柚兀兀咁,好得意呀喂。

Read more ›
網圖分享:Chang Chin Lim的電影版《龍虎門》三皇

網圖分享:Chang Chin Lim的電影版《龍虎門》三皇

不得不分享面書朋友仔Chang Chin Lim作品,畫嘅係由謝霆鋒、甄子丹同余文樂飾演嘅電影版《龍虎門》三皇,面相、表情、姿勢同用色俱是超水準之作。如果可以送畀我就好咯,強烈建議印成Postcard或Poster,公開發售的話我一定撐。

Read more ›
《龍虎門》搪膠公仔第二彈 王風雷+王小龍+蚩尤+金羅漢開賣

《龍虎門》搪膠公仔第二彈 王風雷+王小龍+蚩尤+金羅漢開賣

如無意外,今個禮拜會去撐《Toys Collector Market玩具收藏家販售展》,因為我本身買咗由Kaiju One推出嘅《龍虎門》懷舊風搪膠公仔第一彈嘅石黑龍,想買埋第二彈。今次第二彈一次過出四隻,王小龍同王風雷就周五開賣,金羅漢同蚩尤就要周六或周日先Maybe有貨,收到未?而王小虎呢?Kaiju One保證話2020年年頭會推出,唔會三皇缺一。

Read more ›
Kaiju One《龍虎門》搪膠公仔 第三彈王風雷+金羅漢+王小龍

Kaiju One《龍虎門》搪膠公仔 第三彈王風雷+金羅漢+王小龍

剛過去嘅動漫節2019,我買咗Kaiju One推出嘅石黑龍搪膠公仔,返屋企拎上手玩,感覺係幾高質嘅。因為好賣,所以食髓知味,嚟緊第二彈決定量產王風雷、金羅漢同王小龍呢三個角色,而蚩尤呢,就有幾多訂單就製作幾多個。話時話,第三彈可唔可以考慮推出女角色?馬小靈?玉兒?石小慧?南宮靈芝?鬼將軍?如果真係咁好彩推出鬼將軍的話,我想要舊著《龍虎門》嗰個真係成隻鬼咁樣嘅醜樣鬼將軍呀。

Read more ›
網圖分享:《龍虎門》50周年賀圖(二)

網圖分享:《龍虎門》50周年賀圖(二)

原來仲有三條漏網之魚,三個都係港漫中堅份子,佢哋畫嘅《龍虎門》50周年賀圖,無理由唔睇埋。

Read more ›

網圖分享:《龍虎門》50周年賀圖

網圖分享:《龍虎門》50周年賀圖

舊著一定比新著好,作為《龍虎門》死忠,呢點我好肯肯定,所以《龍虎門》面世50周年,係好值得慶賀嘅。為此,黃玉郎一定有大搞作,家陣動漫節2019未到,姑且睇住以下港漫人賀圖先。

Read more ›
網圖分享:Yew Fei自創《龍虎門》劇情 石黑龍斷開兩截死得好慘

網圖分享:Yew Fei自創《龍虎門》劇情 石黑龍斷開兩截死得好慘

面書朋友仔Yew Fei絕對係《龍虎門》Fans,自創劇情兼畫埋一份。喺佢筆下,王小龍係「好鳩撚鳩撚鳩撚鳩撚型」、勇哥係「好鳩撚鳩撚鳩撚鳩撚邪」。而另一幕龍虎群英戰邪神,王小虎、王小龍、老妖同飛妖完全幫唔到手,搞到石黑龍身體斷開兩截,連腸都咇埋出嚟,金鐘罩被破慘死邪神之手。嘩,好慘呀,好陰功呀,好恐怖呀,不過又睇得我好過癮呀。Yew Fei兄,唔好停,Keep住畫落去呀,加油呀。

Read more ›
印度尼西亞Coser愛《龍虎門》 王小龍最英……

印度尼西亞Coser愛《龍虎門》 王小龍最英……

又係無聊瀏覽面書,無意中Click入「Legasi Manhua Malaysia @ Komik Hong Kong Fans」。此馬來西亞Cosplay組織,剛剛Post咗一輯Cos《龍虎門》角色嘅相片。睇得出呢班印度尼西亞Coser好認真,王小虎Cos得都OK喇、石黑龍就唔知點咁、王小龍有英氣我Buy、王小鷹一般過一般無乜驚喜、王風雷頭髮無豎起有啲失色、火雲邪神有面具就掂唔評論,至於玉兒……

Read more ›
網圖分享:Cuson的龍虎三皇四格漫畫

網圖分享:Cuson的龍虎三皇四格漫畫

有無畫過呢?唔Sure,但印象中真係好似無,剛剛瀏覽Cuson面書,終於睇到佢畫嘅龍虎三皇四格漫畫。Q版畫風,面相好萌,古仔講王小虎同火雲邪神隻揪,正邪兩方陣營各自打氣,如此肉緊係因為……落咗重注,一場生死鬥變成賭博工具。著實正呀喂,值得掌聲鼓勵兼畀Like。

Read more ›
老祖宗+邪神+石黑龍 梁瑋豪出《龍虎門》角色Figure

老祖宗+邪神+石黑龍 梁瑋豪出《龍虎門》角色Figure

好消息,梁瑋豪聯乘文化傳信、Kaiju,推出三個《龍虎門》角色Figure。邊三個角色?分別係「天下無敵九死邪功震乾坤」嘅老祖宗、「黑級浮屠無相神功火雲掌」嘅火雲邪神同埋「金鐘罩十字追魂棍刀疤仔」嘅石黑龍。至今尚在Coming soon階段,價錢如何未知,不過就透露咗會玩70年代港漫風格造型,真心Mode好期待。

Read more ›

書畫雙絕陳笑洛畫Tee 重現獨眼龍之死

書畫雙絕陳笑洛畫Tee 重現獨眼龍之死

喺《新著龍虎門》裡面,四小將之一獨眼龍仲生勾勾,又鐵沙掌又打狗棒法,都算升Grade做咗一線尾高手,咁大家仲記唔記得喺舊著《龍虎門》裡面佢點死?無錯,就係俾超級大奸狗陳傲雲分肩爪加銘心爪所殺,茅山肚兜一破,獨眼龍魂歸天國,想當年睇到我好激動。點解無端端講起佢,事關書畫雙絕嘅陳笑洛兄,剛剛畫咗件港漫Tee,畫嘅正正係獨眼龍臨死一幕,畫得好似,好靚,好傳神,一睇就回憶返晒嚟,抵畀Like。

Read more ›
網圖分享:栢迪的《龍虎門》Q版角色

網圖分享:栢迪的《龍虎門》Q版角色

萌!萌得嚟有好有特色,一眼就睇得出畫邊個,真心覺得栢迪呢系列《龍虎門》特撮流氓Q版角色好正。三皇、四小將、火雲邪神、韋陀、王風雷固然無得頂,但個人認為「最強‧強惡」嘅奪命老妖先係the best。順理成章地,老妖已經霸咗我桌布。

Read more ›
網圖分享:Chang Chin Lim的五合一《龍虎門》角色畫板

網圖分享:Chang Chin Lim的五合一《龍虎門》角色畫板

今次唔係無相神功得個抄字,面書朋友仔Chang Chin Lim唔玩臨摹,而係自己重新創作。佢畫咗石黑龍、王小虎、王小龍、火雲邪神同王風雷五槐畫板,勁在主體人物背後各有所屬嘅蠍子、老虎、飛龍、火燄同螳螂等標記,仲可以五合一打橫連埋一齊睇添。好厲害,期待Chang Chin Lim畫更多《龍虎門》角色,以飽我等港漫迷眼福。

Read more ›
網圖分享:Wee See Heng的降龍十八腿

網圖分享:Wee See Heng的降龍十八腿

面書朋友仔Wee See Heng肯肯定係港漫迷,仲要非常鍾意睇《龍虎門》,仲要尤其鍾情三皇之一嘅王小虎;要不,點會繪畫腿王之王成名絕技降龍十八腿?無數錯的話,暫時只畫咗六招,線條密質質,小虎面相好盞鬼,肢體動作都算流暢,都幾有個人風格。嗱嗱嗱,支持你呀,剩番嗰十二招,千其咪放棄呀。

Read more ›