fbpx

Tag: 《龍虎門》

網圖分享:陳笑洛的龍虎三皇

網圖分享:陳笑洛的龍虎三皇

不嬲都有追開面書朋友仔陳笑洛面書,佢出圖好密,寫字好有個人風格,好難唔畀讚的。呢期,佢愛上畫《龍虎門》人物,先有三皇後有火雲邪神,四幅畫都用色好靚,我好想擁有,如果佢送畀我就好了。

Read more ›

收藏家港漫專區周開七日 惠顧送《龍虎門》貼紙

收藏家港漫專區周開七日 惠顧送《龍虎門》貼紙

因為窮喎,所以要開足連續七日舖喎,連周休一個周日都免喎,我諗都係講笑啫。「收藏家港漫專區」老闆為紀念入行20週年,所以搞個送禮活動,7月份開始周開七日後,第一個周日凡幫襯任何產品,即送《龍虎門》50週年貼紙一張,有兩款選擇,各限量20張,送完即止。咁大家記住營業時間喇,周一至六2:15pm至8:15pm,周日2:15pm至7:15pm,收到未?

Read more ›
Kaiju One x《龍虎門》懷舊風搪膠公仔 陣亡王小龍出場

Kaiju One x《龍虎門》懷舊風搪膠公仔 陣亡王小龍出場

資深港漫迷一定記得《龍虎門》王小龍點死,無錯,係畀激光射死的,嗰期書《陣亡》個封面,依家我都仲歷歷在目,想當年都不知幾震憾。都唔記得第幾彈了,Kaiju One推出嘅龍虎門經典懷舊風搪膠公仔系列輪到王小龍上場,呢個Figure就係以王小龍戰死一幕為藍本。留意番,除咗招牌遮眼髮型同一身打晒交叉嘅傷痕外,胸口、後腰背同小腿都跟番足原著有俾激光貫穿嘅傷口,滴晒血咁原著神髓出晒嚟。如無意外,我一定入手。

Read more ›
網圖分享:TanThiam幻想中的港漫封面

網圖分享:TanThiam幻想中的港漫封面

早前介紹過面書朋友仔TanThiam嘅Q版港漫角色畫作,原來佢唔只鍾情《龍虎門》,連《如來神掌》、《山海逆戰》、《小魔神》、《海虎》、《火雲邪神傳》等角色都有涉獵。唔只添呀,佢不但出圖好密,仲下下都發揮到無窮想像力,二創出《科幻龍虎門》、《猛鬼龍虎門》、《龍虎門少兒頌》、《龍虎門之段段濃情》、《龍虎門之上古武神》等港漫封面,全部都畫得似模似樣,非常厲害。

Read more ›
Whisky TASTE x《龍虎門》 石黑龍威士忌出場

Whisky TASTE x《龍虎門》 石黑龍威士忌出場

Whisky TASTE聯乘《龍虎門》推出嘅威士忌嚟到第四彈了,今次有請我非常Like嘅角色石黑龍出場。金毛、蠍子背心、刀疤,作為三皇之一,石黑龍造型最活潑跳脫,每次見到佢舞雙節棍,我就好開心架嘞。留意吓酒標,係咪出緊一招八方風雨?

Read more ›
永續《龍虎門》 《小流氓經典封面紀念畫集》11月見街

永續《龍虎門》 《小流氓經典封面紀念畫集》11月見街

下個月,書報攤又多一本關於《龍虎門》嘅港漫了,今次由文化傳信出品,有請《小流氓經典封面紀念畫集》出場。一睇封面龍虎三皇條起角Nike眉、雞蛋咁大隻眼睛、滲水式滴汗,古早味濃得化不開,昔日睇公仔書美好回憶返晒嚟。11月5日見街,每本$88,隨書附送《復刻小流氓》創刊號,買一得二,又係開心啫。

Read more ›

網圖分享:TanThiam的Q版《龍虎門》

網圖分享:TanThiam的Q版《龍虎門》

是日分享面書朋友仔TanThiam嘅Q版《龍虎門》畫作,好抵死過癮,會看得人會心微笑的。喺佢筆下,老而堅毅的老妖最愛的休閑活動原來係跳舞、金羅漢下班時間原來兼職做荷官負責搖骰盅、王小虎揸電單車原來好輪盡、玩丫叉嘅王小龍踩緊BB三輪車、腦魔有個蘑菇頭俾人寸係火星人、蚩尤原來係「原始人」門主、東方無敵樣樣衰衰出九陽神劍、石黑龍髮線向上升、龍虎三皇原來可以咁猥瑣……哈哈,I really like it。畫多啲呀,掌聲鼓勵,千其唔好停。

Read more ›
買全新一套《龍虎門》懷舊搪膠公仔 加$480換購透明黑火雲邪神

買全新一套《龍虎門》懷舊搪膠公仔 加$480換購透明黑火雲邪神

原來Kaiju One打算咁賣法,家陣只要買全新一套四個《龍虎門》懷舊搪膠公仔,即王小虎、奪命老妖、千變棍妖同王海蛟,加$480就可以換購型到核爆嘅透明黑黑級浮屠版火雲邪神,邪神仲有新面具架。大家收到未?限量40隻,要搶的。

Read more ›
Kaiju One《龍虎門》火雲邪神搪膠公仔 加推黑級浮屠版

Kaiju One《龍虎門》火雲邪神搪膠公仔 加推黑級浮屠版

Kaiju One隻懷舊《龍虎門》火雲邪神搪膠公仔,家陣仲乖乖地擺喺屋企飾櫃,估唔到咁快有另一個版本。呢個黑級浮屠版火雲邪神,限量30個,透明黑造型又確實係型。我心郁郁緊,仲入唔入手好呢?

Read more ›
Kaiju One棍妖搪膠公仔 不日推出

Kaiju One棍妖搪膠公仔 不日推出

擅使龍宮棍法,羅剎教雙妖之一嘅棍妖,呢個唔算我好鍾意嘅《龍虎門》角色,但每次佢一出場,構圖畫面都一定好靚,因為實會出現棍花吖嘛。入番正題,Kaiju One將會推出棍妖搪膠公仔,暫時睇相,面相幾惡死,不過未見碌棍喺手,希望碌棍可以做得精細啲,如無意外應該會入手。

Read more ›
Whisky TASTE x《龍虎門》 火雲邪神威士忌出場

Whisky TASTE x《龍虎門》 火雲邪神威士忌出場

Whisky TASTE聯乘《龍虎門》推出嘅5款主角威士忌已經嚟到第三彈,繼王小虎同東方無敵後,今次有請勇哥出場。火雲邪神係邪派男一,武功高強到屈機級,深得港漫迷喜愛,呢支威士忌個酒標咁有霸氣,勇哥Fans好應該買番支看門口,8月28日開賣。

Read more ›

牛佬怕侵權褪軚 《勝利人生李浩東》無大鬧龍虎門睇

牛佬怕侵權褪軚 《勝利人生李浩東》無大鬧龍虎門睇

本來諗住大呼過癮,點知牛佬怕版權問題而褪軚,原本《勝利人生李浩東》第三期書名叫〈大鬧龍虎門〉,點知出到嚟嘅係〈怒挑蛇頭幫〉。我仲好期待今期有疑似王小虎呀、王風雷呀、玉兒呀等《新著龍虎門》角色客串架嘛,點知唔止無,仲連書名都改埋添。Anyway,都無損今期嘅可觀性嘅,故事節奏明快無拖橋,係少咗個話題有啲蝕咁囉。查實真係需要咁驚?會唔會自我審查得太犀利?搞吓笑啫,分分鐘文化傳信會當係另類宣傳添噃。

Read more ›
牛佬自爆生死一線間 李浩東去龍虎門酒家講數

牛佬自爆生死一線間 李浩東去龍虎門酒家講數

事忙,搞到今日先有時間靜靜哋坐低睇《勝利人生李浩東》第2期,今期我係先睇專欄嘅,因為想知牛佬身體狀況。據專欄透露,原來佢前後入院兩次,嚴重到要即刻做開肚手術,之後要接受深切治療,佢形容自己情況係「生死一線間」。噓,依家無事無幹出番嚟,就唔該好好保重身體咯,牛佬唔該聽話,扯少兩飛煙喇。另,今期故事都係介紹登場人物同江湖勢力分佈為主,節奏算明快,驚喜位在老虎幫同蛇頭幫講數地點居然係──龍虎門酒家。哈哈,唔知下期會唔會有疑似龍虎三皇呀、王風雷呀等《龍虎門》角色出場做侍應呢?又或,玉兒企酒家門口做知客?呵呵。

Read more ›
網圖分享:雷永順畫《龍虎門》玉兒

網圖分享:雷永順畫《龍虎門》玉兒

我有追開朋友仔雷永順面書的,佢不嬲超勤力,出Post好密,畫過好多港漫經典角色。呢期,佢忽然愛上畫《龍虎門》玉兒,現代版,揸電單車著Bra-Top。性感而不令人反感,整體感覺好清新,抵讚。

Read more ›
許景琛透露9月出新書 關戰虎/龍虎門事?

許景琛透露9月出新書 關戰虎/龍虎門事?

I’m really shockingly suprised!許景琛剛出咗個Post,言簡意賅得幾粒字──「我的新作,留意條眼眉。」仲透露話打算「This September」推出添。留意條眼眉?睇埋髮型,咁似戰虎嘅?定係Q版龍虎門?暫時未開估,只知新書肯肯定獲得文化傳信授權,即係肯肯定唔會夭折囉。嚟緊9月又多本公仔書睇了,很開心,希望係薄裝長篇喇。

Read more ›