Post Tagged with: "《龍珠》"

網圖分享:李居明呼籲播《龍珠》抗疫
by / on 28/02/2020 at 8:15 pm

網圖分享:李居明呼籲播《龍珠》抗疫

堅認真喎,唔似玩嘢喎,李居明繼教人劍指加持口罩後再創新猷,呼籲各大中小媒體同電視台播《龍珠》,話咁樣就可以有效抗疫喎。嗱,呢次有少少笑唔出,我淨係想講:「你唔好咁痴線得唔得?」

Read more ›

《龍珠》版國際象棋 悟空做國王/斯路做皇后
by / on 20/02/2020 at 10:45 pm

《龍珠》版國際象棋 悟空做國王/斯路做皇后

國際象棋,我都識玩嘅,不過唔精囉,但如果有人送呢副美國桌遊牌子Usaopoly推出嘅Dragon Ball Z Collectors’ Chess Set畀我,我會好好好開心囉。一改過往黑白格仔二色,棋盤改用大橙色,用正邪角色分為黑白二組棋子,白子國王就理所當然係悟空,皇后卻好奇怪地由比達擔當;黑子國王係布歐,斯路係皇后,製作得都幾精美,59.99美金,幾抵玩。

Read more ›
網圖分享:《龍珠》x《Street Fighter》角色二合一
by / on 11/12/2019 at 9:49 pm

網圖分享:《龍珠》x《Street Fighter》角色二合一

唔係第一次推介插畫家「drawingsfromhell」,今次一樣有驚喜,玩《龍珠》同《Street Fighter》角色二合一,變成「DRAGON FIGHTER」系列畫作。我就覺得可以考慮叫「珠霸」囉,好正,我畀100分。

Read more ›
網圖分享:《龍珠》角色日本武士化 零違和霸氣盡現
by / on 26/02/2019 at 9:30 pm

網圖分享:《龍珠》角色日本武士化 零違和霸氣盡現

望吓呢輯插畫,係咪型先?插畫家kengi_893將《龍珠》角色日本武士化,零違和,好順眼。我最鍾意笛子魔童嗰幅,唔使鬼五馬六咁多Pose,手執武士刀齋戙企,霸氣已經出晒嚟。

Read more ›
有片:因為手痕 Yeak Looi沙地畫《龍珠》
by / on 21/08/2018 at 11:00 am

有片:因為手痕 Yeak Looi沙地畫《龍珠》

面書朋友仔Yeak Looi畫港漫角色叻,製作港漫神兵亦叻,玩Cosplay亦出類拔粹,估唔到連喺沙地畫畫亦難唔到佢。話說佢早幾日揸電單車去到湖邊,忽然手痕,就以沙地作畫紙,畫比達、悟空等《龍珠》角色,仲拍埋片公諸同好添,厲害。

Read more ›
網圖分享:當《龍珠》角色換上泳裝
by / on 28/05/2018 at 9:30 pm

網圖分享:當《龍珠》角色換上泳裝

天氣好熱,行街,連透口氣都好似燒喉嚨咁,睇番啲消暑嘢為自己降降溫先。面書專頁「Dragon Ball Z exclusives」專以《龍珠》角色作畫,呢系列畫作主題夠晒Cool,水泡呀,沙灘蓆呀,泳褲呀,比堅尼呀等等出齊,賞心悅目。

Read more ›

網圖分享:《龍珠》角色剪影畫
by / on 17/05/2018 at 9:00 am

網圖分享:《龍珠》角色剪影畫

《龍珠》角色一向多人畫,乜風格畫作都見過,但用角色半身剪影托地嚟襯托番主體個剪影,顏色又用得如此出神入化,卻實屬超吸眼球之作。呢幾幅畫出自面書專頁「Dragon Ball Z Exclusive」,值得畀Like。

Read more ›
DJ Soda繼續澎湃 Cos《龍珠》18號人造人
by / on 01/05/2018 at 6:15 pm

DJ Soda繼續澎湃 Cos《龍珠》18號人造人

DJ Soda係索嘅,身材係好澎湃嘅,佢放IG啲相係好吸睛嘅,不過來來去去都係挺腰收腹,略嫌唔夠新意囉。呢輯相就唔同嘞,Cos《龍珠》18號人造人呀,估唔到效果會咁好。咁當然,焦點依然係喺……總之有睇頭喇。

Read more ›
有片:帶菌者新歌《繼續追》 高地仁插畫逐格畫超強
by / on 13/12/2017 at 8:30 pm

有片:帶菌者新歌《繼續追》 高地仁插畫逐格畫超強

龍小菌以「帶菌者」之名推出新歌《繼續追》,拍埋MV,但成個MV係見唔到龍小菌嘅。全條片都Zoom住一隻手Time Lapse畫公仔,畫嘅係《龍珠》、《IQ博士》等等,畫手係一個插畫師,叫高地仁。龍小菌喺面書話:「這是一個關於高地仁與龍珠的追夢故事,也許並非每一個人都懂,就如你的堅持在別人看來很傻。假如只有你知道那份堅持的意義所在……你,還會繼續追嗎?」嗯,繼續追夢,非常配合歌名咁話喎,Good。聽歌,當然要開聲,但記住一定留心睇,仲一定要睇到尾,以為高地仁成條片一格格咁畫唔知搞乜咩?唔劇透,睇到尾自有分曉,保證你嘩嘩聲。

Read more ›
有片:噴埋火添 超強《龍珠》噴漆畫
by / on 11/02/2017 at 3:15 pm

有片:噴埋火添 超強《龍珠》噴漆畫

是日推介YouTube頻道「Porfirio Jimenez C」,示範超強噴漆畫,構圖係《龍珠》悟空闖蕩外太空。唔只剪剪貼貼黐黐噴噴,仲有埋火燒添,示範者好鬼馬,手舞足蹈非常High,拍晒手掌扭晒腰咁,解解吓釋又會周不時大叫:「HaHa,fire!」好過癮。幅噴漆畫好靚,我想要。

Read more ›
聯乘八大動漫角色 日本2020奧運官方宣傳品曝光
by / on 08/09/2016 at 9:00 am

聯乘八大動漫角色 日本2020奧運官方宣傳品曝光

之前咪流傳過好多以動漫角色做主打嘅所謂日本奧運宣傳圖嘅,都係fans自high,不過今次由官方釋出嘅奧運宣傳品海報就正式曝光喇。好奇怪喎,唔知點解所選聯乘角色都同運動無乜關係,包括《小飛俠阿童木》、《蠟筆小新》、《妖怪手錶》、《美少女戰士》、《One Piece》、《Naruto》、《龍珠》同《光之美少女》,《足球小將》、《Slam Dunk》統統無影。至於宣傳品方面,種類繁多,有Tee、面巾、扇子、徽章、鎖匙扣、水杯、筷子裝套、水壺等等,有興趣可以望望。

Read more ›

龍珠浮世繪木版畫 限量200幅入得過
by / on 05/07/2016 at 10:00 am

龍珠浮世繪木版畫 限量200幅入得過

為紀念《龍珠》電視動漫版啟播30周年,日本著名雕刻師北村昇一專登製作龍珠浮世繪木版畫。浮世繪喺日本已經有400年歷史,今次版畫更用上日本名貴和紙,由有125歷史嘅京都印刷廠Unsodo印製,構圖當然以悟空做主角,仲要係可愛嘅少年悟空添,限量200幅,每幅48,600日圓,計番唔使港紙$3,700,入得過喎。

Read more ›
網圖分享:打完泰臣打菲利!《葉問5》大戰One-Punch Man?
by / on 31/12/2015 at 9:30 am

網圖分享:打完泰臣打菲利!《葉問5》大戰One-Punch Man?

笑咗!《葉問》宇宙最強甄子丹就一個打十個,《葉問2》就打洪金寶,《葉問3》就同拳王泰臣噭戰。講到對手,有網民就預測《葉問4》,如果有的話,會同《龍珠》菲利對戰;再順便預測埋《葉問5》,又係如果有的話,丹爺應該會同One-Punch Man打鑊甘。咁第六七八集呢?大家有無心水?

Read more ›
踢走美人魚 Starbucks聯乘動漫角色Mug
by / on 10/09/2015 at 9:30 am

踢走美人魚 Starbucks聯乘動漫角色Mug

喺網絡商品平台Etsy發現到呢套超搶眼Mug,創作者叫Howard le,喺佢筆下,Starbucks個Logo入面條美人魚唔見咗,取而代之,係《進擊之巨人》、《龍珠》、《Sailormoon》、《銀魂》、《斬服少女》、《火影忍者》等等動漫主角,圍邊嗰個綠色圈圈「COFFEE」字眼依舊,星星依舊,係原本嘅「STARBUCKS」字眼變成動漫作品名字啫。每個Mug賣$119.35,唔貴,擺飾櫃應該幾型仔,有興趣可以入番隻喎。

Read more ›
鳥山明監修 《龍珠SD》8月14日創刊
by / on 12/08/2014 at 1:30 pm

鳥山明監修 《龍珠SD》8月14日創刊

好消息,全新創作嘅《龍珠SD》將於8月14日創刊,每本$48,由新晉漫畫家オオイシナホ繪畫,鳥山明負責監修。講到明係全新故事,不過會加插番唔少舊有情節,睇完包你話:「童年回憶返番嚟咯。」

Read more ›