fbpx

Tag: 《鬼書皇》

戇男玩嘢式封面 第2336期《鬼書皇》面世

戇男玩嘢式封面 第2336期《鬼書皇》面世

不過係圍內鬧哄哄得啖笑式藝術挑戰,接龍再接龍,規定下家要連續7日Post作品,戇男卻玩得異常認真And高質。佢剛釋出一個2020年版《鬼書皇》封面,期數係2336期,書名叫〈吃了飯沒?〉,售價每本$200,仲一人身兼主編、繪畫、老作、白撞、督印同封面美術多職,好搞笑也。構圖如此重港漫味,撞色又如此吸睛,初頭真係俾佢Fake一Fake。戇男,你係得嘅。

Read more ›

《鬼書皇》第14至18期開訂$100 送海報+紀念卡

《鬼書皇》第14至18期開訂$100 送海報+紀念卡

好老實,上官小威復刻咁多本港漫,唔係本本都啱我口味,而《鬼書皇》呢,我卻連專欄每粒字都睇得津津有味。最新消息,一次過頂訂第14至18期,繼續科水$100,五書之外另可額外獲得1至18期A3紀念海報一張同夕美紀念卡兩張,有著數記得攞盡,快啲落訂啦。

Read more ›
《鬼書皇》第八九期出合併號 繼續賣廿皮超抵

《鬼書皇》第八九期出合併號 繼續賣廿皮超抵

又唔係過年,因乜解究會出合併號呢?出合併號又點解唔加價呢?唔理得咁多咯,總之就多謝上官小威喇,佢嫩人家喺面書宣佈:「今期《鬼書皇》8-9聯合號,重加送一張雙面海報,依然不加售價,買一得三,照賣HK$20。」畀廿皮睇兩期書,抵呀喂。

Read more ›
上官小威復刻《鬼書皇》開訂 六書五贈品$180

上官小威復刻《鬼書皇》開訂 六書五贈品$180

等到頸都長,終於有詳細資料嘞,上官小威復刻《鬼書皇》開訂,六期書$180,包立體魔幻變圖一張、過膠四拉海報一張、證書一張、書籤六張、司徒劍僑《貓瞳》紀念咭一張。贈品當中最吸引者,非立體魔幻變圖莫屬,據聞上官小威初頭諗住獨立售賣,原價$80,家陣當贈品送,係咪正先?過膠四拉海報都正,因為保證無摺痕,更具收藏價值。大家請多多支持喇喂。

Read more ›
上官小威復刻《鬼書皇》!舉腳贊成!

上官小威復刻《鬼書皇》!舉腳贊成!

繼《李小龍新傳》後,上官小威又打算復刻《鬼書皇》,仲講明由第一期開始復刻,唔會齋出最受歡迎嘅「我若為皇」,保證原汁原味咁話,呢本公仔書係好嘢來的,復刻我舉腳贊成。不過呢,佢喺面書咁留言:「我會盡力,但不敢保証不會出錯,希望各界朋友多多包容。」嗯,係喇,希望小心啲喇,講真賣貴啲都唔緊要,最緊要係唔好出錯,係咪咁講先?撐你呀,加油。

Read more ›