Tag: 《香港感染‧旺角站》

正呀喂!《香港感染2》5月26日見街!

正呀喂!《香港感染2》5月26日見街!

等咗好耐,終於等到謝森龍異本《香港感染2》見街,5月26日各大中小書屋And書報攤有售。望吓今期封面,喂,露晒Bra咁想點先?謝森龍異喺面書留言曰:「封面有d…..d手有d過份?睇過你就知,這封面絕對同劇情有關係,並非無目的賣弄女體!」劇情需要?唔通啲喪屍一隻二隻變晒鹹濕鬼?拭目以待喇喂。至於故事講到斬樹根劈鼠王咯喎,強烈建議謝森龍異第三期加多個喪屍角色「甘鼎」──滅甘鼎應該好大快人心。

Read more ›

Felix Ip《香港感染‧旺角站》 4月8日搞簽名會

Felix Ip《香港感染‧旺角站》 4月8日搞簽名會

拿拿拿,有相為證,我真係真金白銀撐Felix Ip架,之所以嚟緊喺開益時店舉行嘅《香港感染‧旺角站》簽名會,我應該唔會去咯,但未買書的你你你與你就好應該捧捧場,事關當日喺書店買書,即可與Felix Ip簽名影相。喂,簽名要派籌架,派完就無,早啲到場呀未買書的你你你與你。

Read more ›
《香港感染‧旺角站》宣傳動畫 內文稿件先睹為快

《香港感染‧旺角站》宣傳動畫 內文稿件先睹為快

《香港感染‧旺角站》4月5日見街,我Like喪屍,所以非常期待。而為宣傳,野士創工喺面書Share咗條疑似動畫,等讀者可以先睹為快,雖然Felix Ip同謝森龍異係完全兩隻畫風,但我覺得兩者都咁Good。故事方面,照Copy and paste──「三年前的9月28日黃昏,受X-05藍霧感染的男人,坐上列車逃離金鐘,病毒在車廂內急速擴散……載滿喪屍的列車直衝旺角站,屍群洶湧而出,旺角人面對生死不能自決的危機,為爭最後尊嚴,只許奮勇還拖!」講明同《香港感染》屬同一時空,兩本漫畫孖住睇得,獨立睇亦得。And,又原來《香港感染》同《香港感染‧旺角站》兩個封面係可以相連嘅,雖然預先無夾定,估計係後尾先有咁嘅Idea,但效果總算做到零違和,又係要讚。

Read more ›
好消息!Felix Ip《香港感染‧旺角站》4月5日見街!

好消息!Felix Ip《香港感染‧旺角站》4月5日見街!

千呼萬喚始出來,真係等到頸都長,Felix Ip終於完成《香港感染‧旺角站》,鐵定4月5日見街,每本$48。睇封面,同謝森龍異畫風好唔同,無咁重末日Feel,男女主角面相都好傳統港漫Feel吓,連側邊隻喪屍都幾鬼Cute。好事吖,可以睇到唔同風格嘅港產喪屍漫畫,我就一定撐到底,唔知大家點睇?

Read more ›