fbpx

Tag: 《風雲》

香港郵政x馬榮成 推出珍藏郵票冊限量5000冊

香港郵政x馬榮成 推出珍藏郵票冊限量5000冊

馬Sir迷要破費了,郵票迷都要破費了,有集郵嗜好嘅馬Sir迷就更加注定要大大力破費了。香港郵政局聯乘馬榮成《風雲》推出一系列郵品,有平有貴,最貴係珍藏郵票冊,限量5000冊,售$480;最平係普通版首日封,售$1.5。其他如套摺、郵票、郵票小型張、版票、圖片卡等等等等,各有唔同套餐組合供選購。發行日期10月29日,要訂趁早。

Read more ›

T-dult《風雲》Tee別注色 聶風握冰藍色雪飲刀

T-dult《風雲》Tee別注色 聶風握冰藍色雪飲刀

留意番,9月26日即係今晚十點,T-dult推出嘅《風雲》、《今晚打喪屍》同《新著龍虎門》Tee會上架。《今晚打喪屍》同《新著龍虎門》Tee係舊款,家陣優惠價發售;至於聶風Print嗰件,就算係新嘅,事關係Based on之前風雲結局畫展推出嘅同一款,不過今次就將雪飲刀換上冰藍色,都OK型,值得入手。

Read more ›
馬榮成Fans留意 《風雲》威士忌出雄霸同泥菩薩版

馬榮成Fans留意 《風雲》威士忌出雄霸同泥菩薩版

即係好賣喇,如果唔係點會添食啫,繼聶風同步驚雲後,《風雲》威士忌再出雄霸同泥菩薩版,《天下》角色眾多,又估唔到馬榮成會揀呢兩個角色喎。兩者同為單一穀物威士忌,我唔識飲酒,唔知酒靚唔靚,但個包裝就一定靚嘞。唔知賣幾多錢呢?不過幾多錢都好,斷估死忠Fans都一定會買。

Read more ›
有片:《風雲》大總結 郭富城+鄭伊健始終最好

有片:《風雲》大總結 郭富城+鄭伊健始終最好

馬榮成喺facebook上咗條片,總結咗《風雲》由原著漫畫衍生出嚟嘅各種項目,包括電影《風雲:雄霸天下》、《風雲II》、電視劇《風雲:雄霸天下》、《風雲》Online Game、《風雲大型舞劇》、《風雲5D音樂劇》同動畫等等。睇完真係不勝唏噓,慨嘆時光飛逝,幾時都話元祖係最好,鄭伊健飾演嘅聶風同郭富城飾演嘅步驚雲始終最討好,首主題曲又好聽,啲甚麼音樂劇同大型舞劇呢……

Read more ›
聶風+步驚雲又出手 馬榮成推出《風雲》威士忌

聶風+步驚雲又出手 馬榮成推出《風雲》威士忌

瀏覽面書,但見馬榮成有以下留言:「《風雲》即將推出限量威士忌酒,絕對是成人的收藏。」幾錢?幾時推出?點買法?限量幾多?暫時統統未有資料,不過有相睇。齋睇相,個人認為酒盒係好靚仔嘅,純白底聶風加步驚雲,構圖簡簡單單無得輸,開盒,見有風雲招紙威士忌兩支,兼有「金鱗豈是池中物,一遇風雲便化龍」字句,堪稱集體回憶返晒嚟,《風雲》迷一定Like,唔太天價的話,我諗好多港漫迷都會爭住買。

Read more ›
有片:完結《風雲》,馬榮成的心路歷程!

有片:完結《風雲》,馬榮成的心路歷程!

馬Sir點解完結《風雲》,坊間眾說紛紜──年紀大開始力不從心係原因,賺夠固然係原因,唔想將本書再拖到爛無可爛一樣係原因。唔使估嘞,不如聽聽佢本尊自白喇,喺呢條短片裡面,馬Sir交代收《風雲》皮嘅源起,原來源自一次緩步跑。呢番絕對係心底話,以佢今時今日地位,根本無需要為自己製造甚麼金樓梯,唔想畫就唔畫,就係咁簡單囉。唯一要挑剔嘅係搵人讀VO,如果由馬Sir親自讀番,效果會更真摯囉。

Read more ›

有片: 《風雲》完結篇原畫展 馬榮成面書賣廣告

有片: 《風雲》完結篇原畫展 馬榮成面書賣廣告

拿,唔Sure嘅,真係小小小小道消息呀,1月24日舉行嘅《風雲》完結篇原畫展有樣嘢你係絕對估唔到嘅,就係──每頁原畫都係畫,唔係廢話,聽埋先,係得齋畫而無任何對白同旁白說明。畫面想表達啲乜,你又意會睇到啲乜,呢劑真係反求諸己嘞。呢條喺面書專頁嘅宣傳短片無VO,盡由舊畫作加字幕穿插剪輯而成,不過就因為呢句:「1989年,武林神話的誕生,連載廿五年,一個武林的終結」,有無加強你入場嘅衝動?老實,我有!

Read more ›
【編輯Blog】尉遲一:馬榮成,真有你的!

【編輯Blog】尉遲一:馬榮成,真有你的!

對馬榮成,很多讀者是又愛又恨的,我則無愛無憎。 看連環圖罷了,覺得好看就買,不好看就罷買,若介乎兩者之間,可以的話就戒買不戒看,一味菠蘿雞靠黐,跳看漏看一期半期沒所謂,而事實上《風雲》我看到絕無神一段也沒有追看了,初頭還會刻意黐看朋友同事的,去到後來連黐看的動力也沒有了,因為故事實在太爛,此之謂無愛無憎。那何謂又愛又恨呢?身邊這類朋友不少,就是邊怨邊買,邊看邊詈罵,每次見書報攤有新一期《風雲》即買,邊揭書邊呻悶,呻完,又會悻悻然將之好好收藏;更有甚者,買書已儼如呼吸般自然,不買會窒息,他們自嘲買的是《風雲》精美封面,買來儲,買來止止心癮,內文根本不看。

Read more ›