咪以為少咗一個諷刺時弊嘅節目睇啫，又唔係無咗忽肉，無乜咁大不了。要記住，封殺《頭條新聞》等於封殺香港核心價值之一嘅言論自由，無言論自由，香港淪亡之期亦不遠矣，所以作為真‧香港人，係有必要聲援嘅。

俾香港人唞一陣得唔得？疫情未完，就來一壇荒天下之大謬嘅取消歷史科考試題目，都未嬲完，又來一單封殺港台節目《頭條新聞》，唉。無得唞呀喂，本地插畫家齊齊以畫聲援，我哋都多啲畀讚同聯署喇唔該。

呢啲咪小器囉，你幽默就得，人哋諷刺你就唔得。一哥真係惡晒，呢頭投訴《頭條新聞》抺黑警隊，嗰頭CCTVB就宣佈唔播任何港台節目。Fine，不過江湖傳聞話唔播的話，CCTVB要嘔番接近4億頻譜費出嚟喎，苟如是，小鳳姐又好唔得閒嘞，4億，Thanks。