Post Tagged with: "《阿修羅》"

網圖分享:李健良畫狂王+王小龍+伯益
by / on 11/07/2020 at 10:45 pm

網圖分享:李健良畫狂王+王小龍+伯益

李健良人緣係好嘅,因為有《山海逆戰》邱福龍、《阿修羅》和仔大人同《新著龍虎門》鄺志德幫佢免費賣書展廣告。為此,良哥作畫一幅以表謝意,佢畫嘅狂王、王小龍同伯益,又係另一種味道。

Read more ›

鄭健和《阿修羅》講變性 解苦王雌雄莫辨之謎
by / on 14/05/2020 at 8:45 pm

鄭健和《阿修羅》講變性 解苦王雌雄莫辨之謎

謎底已經解開了,上周我仲狐疑點解苦王婆稚造型忽男忽女,今期第8期《阿修羅》有詳細答案。原來苦王本名叫螢,童年悲慘,本為男兒身卻有女兒心,最後決定自宮,隊冧老豆再殺晒屋企人,輾轉進入飛船殘骸,同有魚一樣,經過淨衣調校先有今時今日嘅戰鬥力同地位。咁就Everything講得通了,好明顯到佢喺《西遊》出現嗰陣,已經百分百完成變性,以女人身姿態出戰。呢Part橋好有新鮮感,無想像過喺一般港漫公仔書裡面,會用咁多篇幅帶出變性議題。和仔大人,係有啲估佢唔到嘅。

Read more ›
鄭健和《阿修羅》穿崩 苦王係男係女?
by / on 08/05/2020 at 8:45 pm

鄭健和《阿修羅》穿崩 苦王係男係女?

唔知大家點睇,我覺得鄭健和《阿修羅》開始上力喇,今期第7期講到有魚參加成人祭,一出手就殺殺殺,殺晒所有同齡參加者,連甚麼碎骨手雷勁同一等鬪士韃坦都極速收皮。我尤其鍾意有魚將個「斬」字劈開兩半同埋殺到成地血肉嗰兩格,唔使多花巧出乜招物招,總之就係劈劈劈劈,畫面已經完全表現到有魚嗰種癲狂。不過呢,最尾一格穿崩呀,描述苦王出場,但隱約見到起稿時唔記得擦番走嘅「紫氣」、「煙塵」等字,他朝出合訂本或完全版,記得執番好佢喇。And,唔知有無記錯,喺之前《西遊》裡面,苦王好似係女兒身,但家陣喺《阿修羅》疑似變咗男人?有無C-Hing答到我?

Read more ›
葉明發畫《阿修羅》賀圖
by / on 10/04/2020 at 9:00 pm

葉明發畫《阿修羅》賀圖

雖然遲咗啲,但一樣值得拍手掌呀喂。鄭健和《阿修羅》出到第三期,葉明發模仿創刊號封面,來一幅無相神功式賀圖,真心覺得正。話時話,創刊號封面位人兄係邊個?係咪成人版有魚?而睇完今期,我覺得最終時雨會變成出賣兄弟嘅奸角……

Read more ›
和仔大人《阿修羅》創刊 馬榮成賀圖加持
by / on 26/03/2020 at 7:30 pm

和仔大人《阿修羅》創刊 馬榮成賀圖加持

《阿修羅》創刊,我撐咗,暫時睇唔錯,可以繼續畀$23和仔大人賺。唔只廣大讀者,馬榮成都睇咗,仲畫咗幅賀圖添。佢喺面書咁話:「香港漫畫出版業真的越來越少,個人特別留意的當然是黃生的《龍虎門》及龍哥的《山海易戰》,除此之外當然還有較年輕的漫畫家和仔,他的作品《三國誌異》據知已經告一段落,緊接推出的新作品,是一部短篇創作,名為《亞修羅》,新作品新嘗試,經驗之談,這個時候往往是最大挑戰的階段,熱愛香港漫畫的朋友,一定要大力支持呀!」Wow,百忙撥冗畫賀圖,感動呀喂,不過馬Sir寫錯人哋書名喎,係《山海逆戰》非《山海易戰》,係《阿修羅》非《亞修羅》。Anyway,得馬Sir加持,希望會刺激到銷量喇,大家記得聽馬Sir話,多多捧場呀。

Read more ›
《三國誌異》完結!你評幾多分?
by / on 20/03/2020 at 8:35 pm

《三國誌異》完結!你評幾多分?

《三國誌異》正式完結,你評幾多分?嗱,實話實說,純個人意見,不喜勿插──唔好攞《殺道行者》呢本顛峰作比,我認為就算同《西遊》、《大軍閥》比都要失色。原因有四,一,畫功合格有餘,精緻不足,最弊係睇到第64期最後一期,除左慈同小順外,我都仲係唔太認得其餘角色造型同面相,係我問題?唔知其他讀者有無呢個感覺?二,除主角左慈外,講得三國,劉關張、孫堅、曹操、袁紹等等都係吃重角色,但佢哋嘅性格描寫好弱,勉強叫人稍稍印象深刻嘅只有被閹重生嘅呂布,其他人?對白唔多旁白唔多根本連出場做戲嘅機會都唔多,好難令人投入;三,再次玩甚麼闇影世界,有同《西遊》Double套路之嫌,新鮮感稍遜;四,落雨收柴,尾幾期基本上係快速搜畫,劇情一支箭咁快,無名者一線天同兩袖清風畫一格就算交代咗,左慈個妹仲慘,提都唔提直頭無影。As a conclusion,和仔大人今鋪係有少少跌Watt嘅,期望3月26日《阿修羅》創刊,會有耳目一新之感。和仔大人,支持你呀!

Read more ›

鄭健和3月26日推出《阿修羅》
by / on 05/03/2020 at 9:15 pm

鄭健和3月26日推出《阿修羅》

對上嗰本係《西遊》,就快完嘅呢本係《三國誌異》,仲諗住和仔大人開新書的話,會以《水滸傳》做題材添。真正答案,今期第62期《三國誌異》揭曉,新書名叫《阿修羅》,鐵定3月26日創刊。《阿修羅》?唔知同《西遊》裡面嘅羅候有無關係?Anyway,拭目以待。

Read more ›