展覽情報 《鐵將縱橫草圖畫集Boxset》開賣

越搞越大壇,如果你有心撐「邱福龍x黑漫畫漫想世界」展覽,咁唔該你荷包要預先入定充足彈藥,鬼咩,咁多嘢買,點忍得手呀?《鐵將縱橫》全完版第一期翻兜,唔係我杯茶,因為我之前買咗;至於《鐵將縱橫草圖畫集Boxset》,內含第11、12、20、21、37同38期全書手稿,我有啲心動,賣$175唔貴;馮志明《霸刀》20週年紀念Folder每個$40,如無意外都要掃埋喇……乜都買,有無嘢送呀?哈,又真係有喎,入場可以免費索取《邱福龍世界》明信片,一套四張,雖然係舊畫,但總算係著數,唔攞就笨。

Read more ›