fbpx

Tag: 《鐵將縱橫》

邱福龍復刻版《鐵將縱橫》Boxset 限量200套要搶

邱福龍復刻版《鐵將縱橫》Boxset 限量200套要搶

邱福龍即將推出復刻版《鐵將縱橫》30周年紀念Boxset,分元祖封面同新繪封面兩個版本,各包1至17期薄裝漫畫、紀念證書卡1張同17張新繪封面貼紙,精美硬盒包裝,各售$340,各限量100套,5月17日開訂。想睇番或儲番呢本經典巨著嘅港漫迷,有買趁手喇;但於我呢,就有啲棘手嘞,皆因本身已經儲齊,但我又想要貼紙,點算好呢?

Read more ›

《山海逆戰》104期特別版開訂 加送3D立體紀念卡

《山海逆戰》104期特別版開訂 加送3D立體紀念卡

  加碼呀喂,之前報導過邱福龍第104期《山海逆戰》,會推出天神兵系列特別版第一彈炎帝赤霄,加陣除基本一劍一匙扣一書外,仲額外送多張3D立體紀念卡,全三款原色版、限量版同收藏家版皆維持售價不變,各售$98,「收藏家港漫專區」開訂,要搶喇喂。

Read more ›
買《鐵將縱橫》全17期 送封面貼紙17張

買《鐵將縱橫》全17期 送封面貼紙17張

有無撐邱福龍復刻元祖版《鐵將縱橫》?家陣有個好消息,凡去「收藏家港漫專家」一次過購買全17期,即送元祖封面貼紙一套17張。17張呀大佬,好想擁有呀大佬……

Read more ›
邱福龍復刻元祖版《鐵將縱橫》創刊 送封面貼紙

邱福龍復刻元祖版《鐵將縱橫》創刊 送封面貼紙

買咗邱福龍復刻元祖版《鐵將縱橫》創刊號未呀?打稿嘅呢刻,新書未上手,心正猶豫緊即時享受喺屋企樓下報攤買吖,定山長水遠走一轉出旺角買。事關「收藏家港漫專區」、「至Goal Club」同Paulshop都會隨書奉送封面貼紙一張,貼紙呢家嘢我不嬲都好Like,好想擁有。

Read more ›
邱福龍元祖版《鐵將縱橫》6月出版

邱福龍元祖版《鐵將縱橫》6月出版

之前講過邱福龍會復刻元祖版《鐵將縱橫》,家陣有進一步消息,全17册,一書雙封面,邱福龍會重新繪畫封面加埋元祖版封面,快嘞,6月推出,價錢未知,不過賣幾錢都要撐,因為可以買番回憶,係咪咁講先?

Read more ›
邱福龍復刻元祖版《鐵將縱橫》 港漫迷開心到癲

邱福龍復刻元祖版《鐵將縱橫》 港漫迷開心到癲

好消息,邱福龍決定復刻《鐵將縱橫》,留意番,係三十年舊著嗰套元祖版,佢喺面書留言話只出自己編寫部份,清兒接手嗰Part無份:「原汁原味另加新封面,舊封面也會出,一本書有新舊封面」云云,仲登埋兩幅新創作草圖封面畀大家睇睇添。留言一出,港漫迷齊聲讚好,Stanley Yim咁話:「咪就係經典足廿幾三十年囉!龍哥!」、Wing Fung Wong又咁話:「新舊鐵縱橫對比,見證龍哥三十多年後的畫功精進不少。」、Ka Ka Chan咁話:「睇返舊,都應該幾過癮。」係,真係好過癮,呢單News,令我好興奮。

Read more ›

邱福龍《鐵將縱橫完全版封面畫集》 唔買係你損失

邱福龍《鐵將縱橫完全版封面畫集》 唔買係你損失

唔得,呢本一定要買,係無得唔買,講緊嘅係《鐵將縱橫完全版封面畫集》,136頁,輯錄《鐵將縱橫》完全版封面126個(63個鉛筆圖+63個黑稿圖),分終極尊貴版同書屋版。終極尊貴版又細分鐵縱橫同赤殺王兩款,各售$300,包獨立編號證書,各限量200本;書屋版每本$200。唔講大話,完全版我無儲,但完全版封面我好有興趣擁有,所以必入。

Read more ›
邱福龍自爆《山海逆戰》銷量不及《鐵將縱橫》 讀者留言加油

邱福龍自爆《山海逆戰》銷量不及《鐵將縱橫》 讀者留言加油

瀏覽面書,驚覺福龍自爆:「山海銷量雖不及鐵將,但我會堅持下去繼續畫好它,因為前面還有幾個目標要前進,請大家多多支持。」點解要自爆如此唔利好消息?唔驚進一步影響銷量?由此可見,福龍係有嗰句講嗰句嘅人,好坦誠,唔興自吹自擂。 留言一出,讀者八方響應,加油之聲不絕於耳,仲有人獻計幫手增加銷量添──張承中:「山海越來越好看,加油喔!」、王羽釘:「建議加設怪物等級,有數字睇吓比較好分勁唔勁。」、Kit Derek Kam:「冇奶油嘅,山海好睇過鐵將至真,係未到戲肉啫,好快架喇。」、Kok Aaron:「也只有龍哥咁坦誠,真漢子,山海開始故事係有啲慢,但呢幾期開始加快咗。應該會有更多讀者加入,龍哥加油。」、Hamo Dunn「加油!我買到第十期先至一次過睇!故事前段不是太緊湊。依家開始有啲睇頭。」Joe Law:「大家客路唔同,唔可以比較,山海較有趣味,唔好似鐵將一味打打殺殺,各有各好!」Ken VrexKong:「我覺得山海越來越好看,有追看的欲望。可能我本身比較喜歡怪獸又比較喜歡看到像烈山仁這種有義氣又有實力的大叔角色吧。」至於我呢,真心Mode,覺得《山海逆戰》比《鐵將縱橫》更加好睇喎,至少加入大量怪獸,有新意先喇,每期淨係睇怪獸,都值回票價。劇情悶?一啲都唔覺,故事推進慢?一樣唔覺,伏線慢慢鋪先有趣味,有時……又係嗰句,睇公仔書都要有啲耐性,下下一出場就打大Boss,邊有癮架!福龍加油,支持你呀。

Read more ›
《鐵將縱橫》最終回加厚至32頁 兼送明信片

《鐵將縱橫》最終回加厚至32頁 兼送明信片

《鐵將縱橫》大結局,係好應該煲大佢嘅,邱福龍都算唔話得,第247期最終回全書加厚至32頁,拎上手肯定墜手咗,即係襟睇咗。而為隆重其事,最終回會推出「鐵縱橫版」同「赤殺王版」,各又細分電彩版同草圖版,即係一開四Total有四個版本。As讀者有乜著數?有,去「收藏家港漫專區」任選兩個版本,即送《山海逆戰》明信片一大張。明信片尺寸150x100mm,特厚粉紙雙面過膠印製,仲有四款添,讀者擺低錢之後就可以即場抽明信片,隨機抽,抽完無得換,報告完畢。

Read more ›
雪晴首個繪本Figure 《鐵將縱橫》仗義賣廣告

雪晴首個繪本Figure 《鐵將縱橫》仗義賣廣告

Coming soon!講緊嘅係雪晴首個繪本Figure,咁Soon到幾時?2017年咁話喎,雖則十畫未有一撇,難得邱福龍已經仗義喺今期《鐵將縱橫》幫雪晴賣廣告,港漫人咁團結,可喜可賀也。為乜無端端出Figure呢?雪晴喺面書留言曰:「話說早2個月的茅一天,一位好友突然問雪晴:『有無興趣做figure?』大概想了5秒,我就回覆佢:『好丫@@』」Good吖,爽快吖,做人做事最緊要隨心,鍾意咪鍾意,想點咪點囉。好,依家隆重宣報,雪晴Figure不日橫空面世,拭目以待呀。

Read more ›
周四唔使撲書 《鐵將縱橫》改周五出版

周四唔使撲書 《鐵將縱橫》改周五出版

每逢周四,福龍面書都好唔得閒,因為總有留言話邊度邊度未見到《鐵將縱橫》、阿邊個邊個又行咗幾多個報紙攤檔都買唔到、又或等到幾點幾點始終都未等到……呢個問題,因擾咗福龍好耐,經佢查證,遲書原因係「因紙業印刷、發行都因經營困難、出現人手不足、故引致遲出問題」,咁為免大家左撲右撲,由第243期開始,福龍決定最尾三期改喺周五出版,大家記住出版日期喇。諗諗吓,以前就因為福龍畫唔切而脫期,依家到福龍乖乖畫得切嘞,又到發行出事,成件事都幾諷刺。BTW,大家記住撐埋最後三期呀。

Read more ›

為福龍平反!黑面照樣可以好友善!

為福龍平反!黑面照樣可以好友善!

無聊瀏覽面書,見邱福龍有以下留言:「剛接受蘋果訪問竟選我是城中十大惡人!黑面王…真的不明所以…惟有染番個頭令自己斯文點!」當真笑到我架架聲!即係咁,我出席過「Dark Club 2012漫畫達人聚會」,見過佢本尊真人,講真……感覺都幾惡樣吓,同佢喺「福龍周記」裡面個靚仔樣完全兩回事,不過聚會當日佢侃侃而談,親民無架子,同全場所有讀者簽名影相畫親筆畫,友善到不得了,要讚。至於黑面咯喎,樣係天生嘅,無得講,要講應該講內涵,猶記得本網站開皮之初,另一編輯曾經親臨福龍Office做訪問,猛讚佢好人,影相採訪全程配合,仲讚佢踎凳仔咬煙仔起稿個Look勁型棍添……福龍黑面照樣可以好友善!最後我想同福龍講,染金個頭唔覺斯文咗喎,心底話,反而MK咗……

Read more ›
虎蛟+狸力 邱福龍《山海逆戰》獸設釋出

虎蛟+狸力 邱福龍《山海逆戰》獸設釋出

《鐵將縱橫》仲有幾期貨仔正式完結,邱福龍緊接會推出《山海逆戰》,而最新「獸設」亦已經喺面書釋出,兩隻異獸,一名「虎蛟」,一名「狸力」,前者似魚又似龍,後者就成隻野豬咁款,兩者皆屬草圖版,質素之上乘,絕對可以留番他日出畫集之用。福龍畫異形,果然有一手,佩服。

Read more ›
齋買嚟儲都抵 《鐵將縱橫》五連環封面曝光

齋買嚟儲都抵 《鐵將縱橫》五連環封面曝光

李世民不屑的眼淚、赤殺王卑鄙的戰略、烈火太祖的透視未來……好緊張呀呵?如無意外計埋聽日嗰期,《鐵將縱橫》得番五期就正式完結。為賀大結局,邱福龍早喺兩個禮拜前已經「五連環封面起動中」,仲登咗幅極極極極極Raw嘅草圖俾大家先睹為快,而未來兩期嘅封面亦已經曝光,分別係李世民同鐵縱橫互睥、九天雷祖同赤殺王行功出招……真係靚到啪啪聲,不難預見五個封面併埋一齊有幾氣勢澎湃。誇張講句,就算無追開《鐵將縱橫》,就當畀$19買封面,齋儲呢五期封面都值得。

Read more ›
邱福龍《鐵將縱橫》就快完結  唔出《大拳》11月出《山海逆戰》

邱福龍《鐵將縱橫》就快完結 唔出《大拳》11月出《山海逆戰》

隨住烈火太祖出異棺飛去皇城打大Boss,意味住《鐵將縱橫》就快完結,咁究竟幾時完呢?之後邱福龍會出乜新書呢?今期《鐵將縱橫》有答案,喺尾頁大大隻字賣廣告話11月會推出《山海逆戰》,故事簡介如下──「山海之間、異獸縱橫、兇猛狡猾、凡人難以匹敵、直至一天有人手刃異獸、食其肉、飲其血、產生異獸之能、山海界自此展開新的局面……」應該同《山海傳》好有關係啦?福龍係信心保證,出乜我都撐架喇,但我想問嘅係,說好了的《大拳》呢?我諗好多讀者都同我一樣,呢隻紅色機械人已經深深印入腦海,點解唔出《大拳》先?

Read more ›