Post Tagged with: "《街頭霸王》"

超正!許景琛水墨畫風《街頭霸王》!
by / on 09/04/2020 at 8:30 pm

超正!許景琛水墨畫風《街頭霸王》!

許景琛呢排好用心經營面書專頁,除咗不時更新新畫嘅短篇漫畫之外,仲輯錄番好多舊作掟上網,好讓大家懷緬番八九十年代嘅睇公仔書美好回憶。呢輯水墨畫風《街頭霸王》真係好正,我好懷念阿龍、Ken、春麗、軍佬同赤目司令佢哋呀。If,我話If啫,如果佢重新畫《街頭霸王》,出番薄裝,大家開唔開心?我知,發夢無咁早吖嘛,諗吓唔得咩。

Read more ›

有片:疑似《街頭霸王》場景 戇男光刀vs Cody Chow波動拳
by / on 20/12/2018 at 10:00 am

有片:疑似《街頭霸王》場景 戇男光刀vs Cody Chow波動拳

Round one,Fight!戴帽Cody Chow喪出波動拳,戴眼鏡戇男喪出阿力咕,就如此這般的波來光刀去。人物面相同衣飾都好似本尊,呢條二創《街頭霸王》疑似Game片,究竟點整架?過癮呀喂。

Read more ›
有片:畫完畫自己入埋畫 同E Honda對打
by / on 29/08/2018 at 9:15 pm

有片:畫完畫自己入埋畫 同E Honda對打

又一高手高手高高手,此君叫Chris Carlson,擅長創作3D畫。今次畫《街頭霸王》E Honda,出嚟嘅效果原本已經夠晒3D,加埋佢特登留番個空位畀自己入畫,坐馬沉腰扮晒同百裂掌對打,仲要有埋聲效,成個畫面就更加立體嘞,值得鼓掌。

Read more ›
有片:韓國電視版《街頭霸王》 印度佬變和尚/蘇聯佬變肥仔
by / on 21/05/2018 at 10:00 pm

有片:韓國電視版《街頭霸王》 印度佬變和尚/蘇聯佬變肥仔

呢條舊片畫質係差咗啲,但無阻我由頭睇到尾嘅興致,皆因此乃韓國真人電視版《街頭霸王》也,搞笑程度達十粒星。成條片都係角色們因應招式走出嚟嗌兩嘢、紮個馬、踢吓腳、推吓手、轉吓圈、打個觔斗咁,即係角色簡介囉。至於造型咯喎,春麗應該尚算OK標緻嘅,Ryu都應該幾靚仔……但Ken個假髮實在太假,亦唔知點解印度佬會變咗少林和尚,軍佬又太過肉騰騰,蘇聯佬變咗肥仔腹肌六合一……總之就唔多掂,純粹有啖笑咁喇。

Read more ›
網圖分享:Edward Loi臨摹許景琛《街頭霸王》(二)
by / on 23/11/2017 at 3:49 pm

網圖分享:Edward Loi臨摹許景琛《街頭霸王》(二)

Edward Loi再次啟動無相神功,臨摹許景琛畫風嘅《街頭霸王》角色已經齊人,恭喜恭喜。翻查日子,佢係今年3月9日出第一幅畫作赤龍嘅,畫到依家11月尾終於完成,少啲心機都堅持都唔掂,結果亦不負眾望。為此,佢仲製作咗一本獨一無二嘅《King Hui Style街霸Sketchbook》,拍埋片畀大家睇睇,又係要拍掌鼓勵。支持!唔好停!Edward Loi兄千其唔好停,畫多啲呀喂。

Read more ›
網圖分享:Edward Loi臨摹許景琛《街頭霸王》
by / on 08/08/2017 at 10:00 pm

網圖分享:Edward Loi臨摹許景琛《街頭霸王》

是日介紹Edward Loi兄畫作,佢講到明臨摹許景琛《街頭霸王》,暫時畫咗赤龍、Ken、軍佬、青怪同印度佬,全部都有板有眼,面相似、用色似、姿勢似,驟眼睇真係以為出自許景琛手筆。值得鼓勵,望佢可以快快畫埋E.Honda、沙加、春麗、拳王、司令等角色,儲齊一套就Very Good。

Read more ›

許景琛親筆畫 有辦你睇
by / on 21/01/2015 at 11:30 am

許景琛親筆畫 有辦你睇

係,呢條News係擺明幫許景琛賣廣告嘅,自從佢本尊公開喺面書話接受讀者訂購親筆畫後,各大中小高質陸逐出籠。有馬來西亞讀者訂購嘅A1 size嘅大堆頭作喇、有不日推出嘅《Q版畫集》B封面復刻版喇、有元祖真實版《街頭霸王》角色大集會喇,有A3 size Q版《街頭霸王》大晒冷喇。呢鋪正宗係有辦你睇,都係嗰句,覺得滿意嘅咪PM許景琛囉,提多句,估計係海鮮價,價錢面議呀老友。

Read more ›
許景琛Q版畫集 原稿睇住先
by / on 30/04/2014 at 12:00 pm

許景琛Q版畫集 原稿睇住先

許景琛,一個細細個賺我唔少零用錢嘅漫畫家,決定喺今年推出Q版畫集,以為佢得個吹字,原來唔係噃,原稿陸陸續續散見喺佢嘅面書,大家可以先睹為快。

Read more ›
新片速報 雲加落Order 華美倫、阿迪達出波動拳
by / on 06/06/2013 at 10:00 am

新片速報 雲加落Order 華美倫、阿迪達出波動拳

  Hadouken,即係《街頭霸王》裡面嘅波動拳,前排日本女高中生影波動拳相,一人扮Ryu出波,其他人跳起向後撻扮中波,估唔到連股影相風氣,啱啱先吹到阿仙奴陣營。

Read more ›