fbpx

Tag: 《蘇生戰銃》

撐!馬遜書展出《蘇生戰銃》第三期$48

撐!馬遜書展出《蘇生戰銃》第三期$48

趕得切,馬遜《蘇生戰銃》第三期趕得切喺今年書展推出,每本$48。撐開頭兩期嘅讀者包括我,第三期買梗,而想新睇番嘅,書展亦可以一次過買晒一至三期。另,馬遜話會Offer手繪版單行本,即漫畫内頁畫幅親筆手繪畫,每本$880,有興趣就PM佢本尊喇。報告完畢。

Read more ›

馬遜《蘇生戰銃》8月11日見街 第一二期同步推出各$48

馬遜《蘇生戰銃》8月11日見街 第一二期同步推出各$48

有確切推出日期喇,嚟緊8月又多一本港漫睇,正呀喂。馬遜開Post話《蘇生戰銃》單行本鐵定8月11見街,第一同第二期同步出版,各$48。當日,佢會喺「收藏家港漫專區」駐場,同大家簽名影相,兼會推出三本親筆簽繪版,時間係2:30pm,大家記得預留時間捧場喇。

Read more ›
馬遜《蘇生戰銃》單行本開訂 訂兩期送畫卡

馬遜《蘇生戰銃》單行本開訂 訂兩期送畫卡

馬遜《蘇生戰銃》單行本正式開訂,仲一次過推出第一及第二期添,有興趣嘅可以向「至Goal Club」、「收藏家港漫專區」或「尋回‧漫畫檔」落訂,各$48。咁早訂梗係有著數喇,一次過訂晒兩期,即送小貝雙面畫卡一張,限量架,手快有手慢無呀。

Read more ›
馬遜《蘇生戰銃》單行本 預計7月推出

馬遜《蘇生戰銃》單行本 預計7月推出

關於《蘇生戰銃》推出單行本嘅情報,馬遜喺面書作出更新,一,七月尾應該見到街,仲大有機會出到兩期;二,預計呢一個兩星期可以開訂,佢透露早訂係着數嘅,不過暫時未知有乜着數;三,打算開個簽名會,同讀者交流吓影吓相咁喇;四,打算推出幾本手繪版,打算賣幾舊水,超超超限量。熱切期待,報告完畢。

Read more ›
馬遜宣佈《蘇生戰銃》出實體書

馬遜宣佈《蘇生戰銃》出實體書

係囉,一早應該要咁喇,我認自己心態老,始終好難接受上網篤漫畫。篤完仲要聞Mon,左拉右拉放大縮小,咁睇漫畫邊舒服架?之所以馬遜今日喺面書宣佈打算推出《蘇生戰銃》實體單行本,我舉腳贊成。斷估出薄裝就唔多大機會,出精裝方便收藏就更加好,我諗我講中好多真‧漫畫迷心聲。

Read more ›
Edward Yu泥塑 賀《蘇生戰銃》第二季開鑼

Edward Yu泥塑 賀《蘇生戰銃》第二季開鑼

原來馬遜唔只靚仔,仲好好人緣添,一吹雞,就收到接近七十幅賀《蘇生戰銃》第二季開鑼嘅賀圖,好多賀圖都屬超水準之作,有排欣賞。而Edward Yu兄呢,仲誇張添,唔送賀圖送泥塑,蘇械主角做得超似,呢份心機真係千金難買。在此,容我代馬遜問多句:「好靚,整埋小貝得唔得?」畀啲掌聲Edward Yu,啪啪啪啪。

Read more ›

報告!今日2:00pm信和派馬遜《蘇生戰銃》宣傳卡

報告!今日2:00pm信和派馬遜《蘇生戰銃》宣傳卡

今日行經旺角嘅朋友們,有時間不妨去信和掟個Round,事關有得派馬遜《蘇生戰銃》宣傳卡,時間係下午兩點鐘,到時會有兩位妹妹負責派卡,鍾意儲嘢嘅你我他唔好Miss,報告完畢。

Read more ›
免費攞馬遜《蘇生戰銃》宣傳單張

免費攞馬遜《蘇生戰銃》宣傳單張

唔講大話,馬遜《蘇生戰銃》我睇咗頭幾章就無追落去,唔係唔好睇,而係網絡世界太多嘢睇,一時Miss咗就會繼續Miss落去,無計,篤住手機睇漫畫,唔慣就真係唔慣。但但但但但,當得知「至Goal Club」免費派《蘇生戰銃》宣傳單張後,我又重燃番追睇慾望,單張製作都好精美吓,大家不妨攞番張留念。又話時話,如果可以出實體書照顧吓我哋呢啲老港漫死忠,你話成件事幾好呢?馬遜,諗諗佢吖。

Read more ›
撐「漫本」App  攞正牌上網睇港漫

撐「漫本」App 攞正牌上網睇港漫

上網睇盜版漫畫係唔啱嘅,要睇唔該睇「漫本」,攞正牌,睇得光明磊落。呢個打住「華人原創漫畫發行平台」嘅漫畫網站剛剛出埋App,我下載咗,感覺好有親切感,因為裡面有我哋熟識嘅港漫,牛佬《血崩女》、馬遜《蘇生戰銃》、司徒劍僑《再造空間》同雪晴《我和天師有個約會》都係必睇之選。介面方面,顏色望落舒服,操作簡單,都係分「排榜行」、「已完成」、「搞笑」、「奇幻」、「熱血」、「懸疑」、「格鬥」、「恐怖」、「魔幻」、「勵志」、「校園」、「愛情」、「日常」、「戰爭」等子項目,好易搵。唯一要挑剔係某啲漫畫用殘體字,同埋要縮放圖片睇漫畫,手指好疲,或者遲啲慣咗會好啲。

Read more ›
撐港漫人!馬遜《蘇生戰銃》網上免費睇!

撐港漫人!馬遜《蘇生戰銃》網上免費睇!

之前本網站介紹過嘅免費漫畫網站「漫本」,最新有馬遜《蘇生戰銃》連載,暫時只出咗兩章,尚在鋪緊伏線階段,公仔雖然日漫風咗啲,但睇慣港漫嘅死忠Fans一定接受得到,古仔鋪排得唔錯,雖然暫時只係出咗不知名紅眼主角、調銃師佳格師傅、坦克車積達頓同戇居居兩兄妹,但吸引到人睇落去,我自己就好想知何謂不停戰鬥嘅「蘇械」,第三章應該交代到來龍去脈,好有追看性。但都係嗰句,唯一要挑剔嘅係用殘體字,兼如果全部頁數都係彩色,咁就100分咯。

Read more ›
漫本網站 牛佬《Bloody Girl》、司徒劍僑《再造空間》、雪晴《我和天師有個約會》、馬遜《蘇生戰銃》免費睇

漫本網站 牛佬《Bloody Girl》、司徒劍僑《再造空間》、雪晴《我和天師有個約會》、馬遜《蘇生戰銃》免費睇

紙媒沒落,上網睇漫畫係大勢所趨,「漫本」呢個網站大家可以留意吓,因為有我哋熟識嘅香港漫畫家參與,牛佬《Bloody Girl》、司徒劍僑《再造空間》、雪晴《我和天師有個約會》、楊孝榮《玄蟬說》、楊懷濱《暗界追冥狩》已經可以「立即閱讀」,而馬遜《蘇生戰銃》、曉君《鍾馗森林》、黃俊維《百辰劍》同陳漢明《陰陽宅急便》就「等待中」,各附故事簡介。我Click過入去睇,好唔好睇就好個人口味,但解像度奇高睇得舒服絕對係事實,免費漫畫嚟講算真真不俗,硬要挑剔的話,用殘體字我有少少唔Like囉。總括嚟講,呢個網站值得加入「書籤」,期待有更多香港漫畫家加入。

Read more ›