Post Tagged with: "《自強不息》"

大渡2016年頭炮《操戈》 原稿釋出
by / on 25/12/2015 at 9:30 am

大渡2016年頭炮《操戈》 原稿釋出

大渡好耐都無新書出,2016年頭炮如無意外係鄺彬強《操戈》,大渡面書剛剛拋低咗幾個字曰:「龍,一種古老傳説中的神獸!操戈……本是同根生…….!!兄弟相爭…….不同生也不共死………!!大渡……2016年全新作品…….《操戈》!!」好多感歎號跟尾,真係咁多嘢感歎?都有架,就如讀者LI Yiu Ping所言:「讀者期待的是《自強不息2》,不是什麼《操戈》新作,大渡的行政管理是怎麼搞的?」九成說中我心底話,係囉,點解唔出番《自強不息》啫?剩番嗰一成係──我又咁睇,家陣連書都未出,做乜咁快睇死呢本《操戈》呢?望過吓啲原稿,都幾靚吖,支持港漫,唔好咁快蓋棺論定喇。

Read more ›

大渡再炒冷飯 重出《自強不息》精裝本變薄裝
by / on 27/10/2015 at 3:15 pm

大渡再炒冷飯 重出《自強不息》精裝本變薄裝

呢次我都唔幫大渡舵手,有無搞錯呀?繼《集結號》啄開四期重出貽笑大方後,加陣輪到《自強不息》由原本精裝版本變薄裝重出,究竟邊個諗呢條「絕世好橋」架?大渡喺面書專頁拋低一句:「《自強不息1》薄裝雙週刊,十一月出版!」即惹來網友批評──Andrew Tang:「有冇搞錯呀!繼集結號後又炒冷飯!不如執咗間公司去啦,雖然《自強不息》好好睇,但唔好咁過份啦!唔通遲啲《中華英雄2015》、《一零八》又走去翻炒冷飯出薄裝咩?」、Edward Wong:「如果真係將之前出過的改做周刊,此做法叫令人反感,一啲都唔自強不息。」──另有網友黃家文又咁話:「若果之後有《自強不息2》,這樣出薄裝就正常不過。」Exactly講中我心聲,睇過《自強不息》嘅我當然唔會買,要買,都等彬強畫《自強不息2》先喇。

Read more ›
鄺彬強「淡出」 《自強不息》推出無期
by / on 15/06/2015 at 2:30 pm

鄺彬強「淡出」 《自強不息》推出無期

收到鄺彬強「淡出」港漫嘅消息,個心真係戚咗一戚,司徒劍僑無咗影,家陣又到鄺彬強離開,咁係咪意味住大渡散Band呢?迄今大渡出過咁多本漫畫,我始終最鍾意《自強不息》,《欲望之翼》雕到天花龍鳳都只能排第二,依家《自強不息2》出版無期,確實好Sad。Sad完,要問嘅係,乜嘢叫「淡出」?完全抽身?轉職幕後?封筆?鄺彬強喺面書答得好玄:「《自強不息2》今年內應該也不會出版,而戰譜20期完結後,彬彬會淡淡的離開港漫,至於會否回來……那是很遙遠的事!將來,有誰知……?!或許在FB內寫寫彬彬自我的港漫回憶錄,不一定有禮,但至少一定夠真^^喜歡!重要的是,縱然離開港漫,彬彬仍然是大渡一員,熱愛漫畫的心也依然不變!」唔明,既云「淡淡的離開港漫」,但又「仍然是大渡一員」,有無知情人士答到我呀?而為此,佢亦自製啲貼紙打算送畀讀者,送禮方法彬強話未諗掂喎,想要的話,惟密切留意佢面書有喇。

Read more ›
鄺彬強《自強不息》暫完 《魔武渡》接力
by / on 07/07/2014 at 10:00 am

鄺彬強《自強不息》暫完 《魔武渡》接力

隨住聽風同約翰嘅死、藍目引退、天行正式加入君子會,《自強不息》第一輯暫時完結,鄺彬強即時推出《魔武渡》接力,畫番佢最擅長嘅武打技擊,我就好期待嘞,唔知大家點睇。

Read more ›
《自強不息》創刊 傷殘人士做主角
by / on 25/04/2014 at 6:10 pm

《自強不息》創刊 傷殘人士做主角

「上天奪去你某些東西,必定賦予你另一種才能,自強不息!」呢個就係《自強不息》嘅中心主旨,打破傳統港漫主角必型英帥靚正嘅框框,鄺彬強用傷殘人士做主角,敢作出新嘗試,確實抵讚。

Read more ›
鄺彬強《自強不息》封面曝光
by / on 16/04/2014 at 11:30 am

鄺彬強《自強不息》封面曝光

大渡新書六連環,眨眼去到第四本《自強不息》,鐵定4月24日創刊,暫時有封面睇住先,之前喺《大渡畫集》睇過序章,我個人就幾鍾意呢個古仔,希望畫得好啲喇。

Read more ›

《大渡畫集》創刊號玩六封面版,出書新策略?
by / on 06/03/2014 at 6:39 pm

《大渡畫集》創刊號玩六封面版,出書新策略?

好奇怪呀,聽日出版嘅《大渡畫集》創刊號附加咗個幾隻字──「人物設定集」,六個特別版六個封面,內容就本本都一樣有齊六個故事,我純粹靠估,呢招係大渡出書新策略。

Read more ›