原來抄到咁足!黃玉郎支持《網絡23條》!被網民揭瘡疤!

《網絡23條》搞到滿城風雨,早兩日黃玉郎出席香港版權大聯盟記招,聲稱降龍十八腿已攞版權,即俾市民寸爆:「你問少林寺攞呀?」睇嚟佢唔係好知今次《網絡23條》重點係扼殺二次創作。歷年港漫左抄右抄,我等港漫死忠睇慣,但唔代表睇得過眼,賊喊捉賊尤其不該,LadyKyile喺面書直頭咁講:「在Yahoo blog年代,有個叫「漫畫抄襲實錄」的blog page,都是揭露80/90年代港漫抄襲的事情。有些是抄分鏡,有些是抄畫,有些直情印,最可怕的是連後記都成篇照搬……可是,近日大家熱烈討論《2014年版權(修訂)條例草案》(俗稱網路23條)之際,有些有份抄襲的『港漫老前輩』居然走出來大力支持,說這能保障版權……你們要明白:重點、重點、重點是這些香港漫畫黃金年代起家,當時有抄襲的『老前輩』居然出來支持惡法啊。」LadyKyile仲登埋歷年港漫「二次創作」例子畀大家睇睇,劉雲傑同黃玉郎當然榜上有名,誰是誰非,自有公論,我慨嘆嘅係──乜抄得咁足?幾近搬畫過紙,連分鏡同專欄都抄埋?抄得有幾足?自己Click入嚟睇睇喇。

Read more ›