fbpx

Tag: 《火鳳燎原》

東立香港書展出購物車 擺得落100本《火鳳燎原》

東立香港書展出購物車 擺得落100本《火鳳燎原》

「東立香港」終於出齊書展廣告,除咗《火鳳燎原》外傳《不是人貳》外,仲有套裝《鬼滅之刃》、套裝《新蠟筆小新》、套裝《鏈鋸人》同《火鳳四格》等等。另外,有一件非常吸睛嘅精品──水鏡八奇摺疊拉桿購物車,買一套《火鳳燎原》即送,聲稱載重量50kg、擺得落100本《火鳳燎原》咁話喎。講真,望相係幾靚仔的,但我估計應該無人會拎佢當購物車用,直接當儲書大箱用會正路啲,不過問題又嚟嘞,咁大個箱or so called購物車,屋企都未必有咁大地方擺。

Read more ›

陳某《火鳳燎原》外傳《不是人貳》+《火鳳四格》 書展首賣

陳某《火鳳燎原》外傳《不是人貳》+《火鳳四格》 書展首賣

喂,薄裝?係OK有新鮮感喎,陳某《火鳳燎原》首次推出簿裝彩色短篇《不是人貳》,主角係自誇戰神嘅馬超,講佢如何「不是人」地無情於天下,屬外傳故事。另外,亦將曾經喺《新少年》連載嘅「火鳳四格」重新輯錄成書《火鳳四格》,兩書皆於書展首賣,係我Must buy item。

Read more ›
東立搞市集 鬼滅之箱包1至21期單行本$630

東立搞市集 鬼滅之箱包1至21期單行本$630

「東立香港」搞新春美食及精品市集,熱熱鬧鬧有漫畫、精品同美食賣咁喇,主打漫畫有《新蠟筆小新》、《火鳳燎原》、《One Piece》等等,而對於未睇《鬼滅之刃》又心思思想買番嚟睇嘅讀者嚟講,香港限定嘅「鬼滅之箱」應該有一定吸引力,包1至21期單行本,有埋個靚靚套裝盒,售$630,係抵嘅。

Read more ›
動漫節《火鳳燎原》出「不止用一次防疫套裝」

動漫節《火鳳燎原》出「不止用一次防疫套裝」

唔係福袋,係明碼實價套餐價。今年動漫節,會有《火鳳燎原》「不止用一次防疫套裝」出售,屬會場限定,分兩款,平啲嗰個小孟套餐,包單行本第68期、五虎將口罩收納套、Q版小孟彩色簽名板、二選一酒精搓手液,售$98;貴啲嗰個八奇套餐,除上述Item外再包酒精搓手液兩支、小孟八奇盒裝紙巾同殘兵Cap帽,售$388。報告完畢。

Read more ›
畫展睇陳某《火鳳燎原》複製原稿 買八奇/小孟搓手液

畫展睇陳某《火鳳燎原》複製原稿 買八奇/小孟搓手液

唔講唔覺,原來陳某《火鳳燎原》即將踏入廿週年,咁搵啲嘢搞吓都好應份,所以今年書展東立會喺攤位闢一角,展出陳某部份複製原稿,畀大家打吓卡。另外,仲會推出《火鳳燎原》搓手液,喺樽身貼張貼紙仔咁囉,有八奇同小孟兩款,Q版畫風,都幾過癮。

Read more ›
面書專頁「火鳳燎原」出題 孫權無做過邊個職位?

面書專頁「火鳳燎原」出題 孫權無做過邊個職位?

早排面書咪有個Challenge,列出一大堆職業,叫人估吓出Post者無做過邊個職業嘅?原來面書專頁「火鳳燎原」都有份湊熱鬧,出題如下:「以下有14個是孫權曾做過的職位,其中安插一個是假的職位,看看是否有人猜得出來。」職位選擇有車騎將軍、吳王、大將軍、茂才、徐州牧、東吳皇帝、孝廉、討虜將軍、廬陵太守、荊州牧、奉義校尉、陽羨縣縣長、會稽太守同驃騎將軍。題目好難,大家知唔知答案係乜?放心,Click入專頁是有答案的。

Read more ›

陳某《火鳳燎原》新一輯仿油畫開售 一套四款各售$580

陳某《火鳳燎原》新一輯仿油畫開售 一套四款各售$580

陳某《火鳳燎原》推出新一輯仿油畫,今次有「江東兄弟」、「神人初戰」、「越雲破城殺敵」同「小孟一箭傾城」四款,各售$580。面書專頁登埋實物相,仿油畫附金屬邊畫框,面係透明阿加力,背脊有木板承托,Size係60cm x 40cm,大小適中,掛喺牆,型晒。

Read more ›
「火鳳燎原」2020水鏡月曆 歡迎下載

「火鳳燎原」2020水鏡月曆 歡迎下載

上年面書專頁「火鳳燎原」推出殘兵月曆,今年會繼續推出2020年水鏡月曆,供大家下載。月曆依舊用番同一個竹簡型設計,依月份先後出場嘅係水鏡八奇,一月份先出水鏡府創辦人水鏡先生司馬徽,大家記得每個月都Save as wallpaper喇。

Read more ›
《火鳳燎原》67期特別版送萬年曆

《火鳳燎原》67期特別版送萬年曆

即將出版嘅陳某《火鳳燎原》第67期會推出普通版及特別版,普通版$35。特別版有膠盒包裝,盒底有小孟圖案,兼送多個可以用到永遠嘅木製座檯萬年曆,售$168。報告完畢。

Read more ›
陳某《六六無窮至尊版限量套裝》$438 包《火鳳燎原》+3鎖匙扣+Figure+2簽名板

陳某《六六無窮至尊版限量套裝》$438 包《火鳳燎原》+3鎖匙扣+Figure+2簽名板

今個書展,陳某會推出《六六無窮至尊版限量套裝》,價錢$438。嗯,雖則個套裝名好似有少少老土,但內餡著實好豐富,包第66期《火鳳燎原》單行本、迷你八奇Figure、三款鎖匙扣(諸葛連弩、孫策羅傘及張飛蛇矛)、三奇賈詡同六奇龐統簽名板各一,感覺得幾抵吓。

Read more ›
如果《火鳳燎原》出廁紙 你撐唔撐?

如果《火鳳燎原》出廁紙 你撐唔撐?

係喎,時間過得好快,家陣已經係5月中,講吓講吓又就快書展。面書專頁「火鳳燎原」剛剛出Post,話惆悵緊唔知今年出乜精品好,原因係「《火鳳》讀者群年齡層比較大,所以精品種類唔可以太年輕化,加上佢哋有一定嘅消費力,又鍾意實際,所以每次都要搞盡腦汁去諗特別嘢」云云,之後反問讀者:「如果今年出司馬防次子廁紙同孫堅次子廁紙,有無得諗?」仲登咗張惡搞相出嚟畀大家睇睇辦。係呢,大家又想買乜精品?有乜好意見不妨PM佢哋喎。

Read more ›

《火鳳燎原》第五百回徵稿 文章賀圖不拘

《火鳳燎原》第五百回徵稿 文章賀圖不拘

陳某《火鳳燎原》就快出到第五百回,官方決定賀一賀佢,玩徵稿呀喂。所謂稿,可以係文章,亦可以係畫,題材不拘,畫就黑白彩色賀圖皆可,尺寸亦不限。一經選用,有機會刊登喺《火鳳燎原》單行本,係咪威先?機會嚟喇飛雲,鍾意撩兩筆嘅朋友,快啲投稿喇,截止日期4月30日。報告完畢。

Read more ›
《火鳳燎原》舞台劇《亂世英雄》 動漫節開始訂飛

《火鳳燎原》舞台劇《亂世英雄》 動漫節開始訂飛

陳某《火鳳燎原》個故事咁複雜,有咁多角色人物,究竟點樣編排到舞台劇《亂世英雄》呢?真係有啲期待。Fine,入番正題,舞台劇出年1月先開皮,但家陣動漫節就可以預先訂飛,分兩個Package,一,「英雄帖」每張$600,包$480戲飛同陳某親筆簽名英雄帖各一;二,「英雄套裝」每套$650,除上述再加送《亂世英雄》小說一本,東立出版社開訂(B16 B-17攤位),限量100張,有買趁手。

Read more ›
暑假必入!《火鳳燎原》And《武道狂之詩》簽名板!

暑假必入!《火鳳燎原》And《武道狂之詩》簽名板!

呢幾幅畫作啱唔啱睇呀?我就極之啱睇嘞,仲極之想據為己有添。唔覺廢話,想買 就唔該課金喇,詳細資料如下:一,《火鳳燎原》A2仿油畫海報共四款,分別為I 款趙雲樊夫人、J款高順張遼、K款關羽張飛同L款孫策太史慈,各$338;二,《火 鳳燎原》樊夫人簽名板,$68,一經訂購可出席陳某簽名會;三,《武道狂之詩》 虎青蘭簽名板,$68,同樣係一經訂購,即可出席喬靖夫、葉偉青簽名會。大鑊, 咁多畫要買,呢個暑期注定荷包大出血。

Read more ›
一套四款 《火鳳燎原》仿油畫開訂

一套四款 《火鳳燎原》仿油畫開訂

陳某唔使多介紹嘞啩?印象中掛佢名推出嘅精品唔多,所以呢一套四款《火鳳燎原》仿油畫更顯珍貴,四款仿油畫分別係周郎揚千帆、長(土反)趙子龍、殘兵之回憶同呂布萬人敵,每幅$338,尺寸60x40cm,可以想像四幅仿油畫一字排開掛喺牆壁,真係要幾型有幾型。

Read more ›